ព័ត៌មានព័ត៌មានថ្មីៗការបរិច្ចាគឈាមរបស់កម្មករនិយោជិតធនាគារ អេស៊ីលីដា ភីអិលស៊ី

ការបរិច្ចាគឈាមរបស់កម្មករនិយោជិតធនាគារ អេស៊ីលីដា ភីអិលស៊ី

ថ្ងៃទី០៥ ខែមេសា ឆ្នាំ២០១២

លោកស្រី សុខ សោភា នាយិកាប្រតិបត្តិទីផ្សារ ព្រមទាំងថ្នាក់ដឹកនាំ និងកម្មករនិយោជិតគ្រប់លំដាប់ថ្នាក់នៃធនាគារអេស៊ីលីដា កំពុងពិនិត្យដើម្បីបរិច្ចាគឈាម

រាជធានីភ្នំពេញ ថ្ងៃទី០៥ ខែមេសា ឆ្នាំ២០១២ ៖ ធនាគារ អេស៊ីលីដា ភីអិលស៊ី បានប្រកាសព័ត៌មាននៅថ្ងៃនេះថា ឆ្នាំ២០១២ គឺជាឆ្នាំទី២០នៃការកកើត អេស៊ីលីដា ។ ធនាគារ អេស៊ីលីដា ភីអិលស៊ី បានរៀបចំពីធីបរិច្ចាគឈាម ដោយមានការចូលរួមពីកម្មករនិយោជិតគ្រប់លំដាប់ថ្នាក់នៃធនាគារ អេស៊ីលីដា ភីអិលស៊ី ដើម្បីជួយសង្គ្រោះជនរងគ្រោះ និងអ្នកជំងឺដែលត្រូវការឈាមពីគ្រប់មជ្ឈដ្ឋាន ។

លោកវេជ្ជបណ្ឌិត ហុក គីមចេង បានមានប្រសាសន៍ថា ពិធីបរិច្ចាគឈាមនេះស្ថិតក្រោមកម្មវិធីជាតិរបស់ក្រសួងសុខាភិបាល ដើម្បីទទួលអំណោយឈាមដោយស្ម័គ្រចិត្ត និងទឹកចិត្តមនុស្សធម៌ សម្រាប់សង្គ្រោះជីវិតអ្នកជំងឺ ដែលកំពុងសម្រាកព្យាបាលនៅមន្ទីរពេទ្យនានា ដូចជា ការវះកាត់គ្រោះថ្នាក់ផ្សេងៗ ការសម្រាលកូនមិនធម្មតា និងការព្យាបាលជំងឺដទៃជាច្រើនមុខទៀត ជាពិសេសបញ្ហាគ្រោះថ្នាក់ចរាចរណ៍ ដែលកំពុងកើតឡើងគួរឱ្យកត់សម្គាល់ ដើម្បីឆ្លើយតបនឹងការអំពាវនាវរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។ ការបរិច្ចាគឈាមនេះ មជ្ឈមណ្ឌលនឹងយកតម្កល់ទុកឱ្យបានត្រឹមត្រូវ និងប្រើប្រាស់សម្រាប់ជួយសង្គ្រោះជីវិតមនុស្ស ដែលត្រូវការជួយសង្គ្រោះបន្ទាន់ ។

លោក អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា ផ្តល់បទសម្ភាសន៍ដល់អ្នកសារព័ត៌មាន

មានប្រសាសន៍នាឱកាសនោះដែរ លោក អ៊ិន ចាន់នី ប្រធាននាយកប្រតិបត្តិ ធនាគារ អេស៊ីលីដា ភីអិលស៊ី បានបញ្ជាក់ថា ៖ ក្រៅពីសកម្មភាពចូលរួមអភិវឌ្ឍវិស័យសេដ្ឋកិច្ចជាតិ តាមរយៈការបម្រើសេវាហិរញ្ញវត្ថុកន្លងមក ធនាគារ អេស៊ីលីដា ភីអិលស៊ី ក៏បានចូលរួមក្នុងសកម្មភាពមនុស្សធម៌ និងសង្គម ជាវិភាគទានមូលនិធិនានា តាមរយៈកាកបាទក្រហមកម្ពុជា ព្រមទាំងជាមជ្ឈមណ្ឌលបណ្តុះណ្តាលធនធានមនុស្សថ្នាក់ជាតិនិងអន្តរជាតិ ពាក់ព័ន្ធនឹងវិស័យធនាគារ និងមីក្រូហិរញ្ញវត្ថុ តាមរយៈ អេស៊ីលីដា ត្រេននីង សេនធ័រ ។ ដោយឡែកថ្ងៃនេះ ធនាគារ អេស៊ីលីដា ភីអិលស៊ី បានចូលរួមចំណែកក្នុងសកម្មភាពសង្គម និងមនុស្សធម៌ ដ៏មានសារសំខាន់មួយបន្ថែមទៀត តាមរយៈការរៀបចំពិធីបរិច្ចាគឈាម ដើម្បីទទួលអំណោយដោយស្ម័គ្រចិត្ត និងទឹកចិត្តមនុស្សធម៌ ពីកម្មករនិយោជិតនៃធនាគារ អេស៊ីលីដា ភីអិលស៊ី គ្រប់លំដាប់ថ្នាក់ សរុបចំនួន ៥៨០នាក់ ដែលក្នុងនោះ នៅរាជធានីភ្នំពេញចំនួន ១៧៧នាក់ និងខេត្ត ចំនួន ៤០៣នាក់ ដើម្បីចូលរួមចំណែកជាមួយរាជរដ្ឋាភិបាលក្នុងការជួយសង្គ្រោះជនរងគ្រោះ និងអ្នកជំងឺដែលត្រូវការឈាមពីគ្រប់មជ្ឈដ្ឋាន ។

សម្រាប់ព័ត៌មានបន្ថែម សូមទាក់ទងតាមរយៈ

លោកស្រី សូ ផនណារី អនុប្រធាននាយកប្រតិបត្តិ និងជាប្រធាននាយិកាប្រតិបត្តិប្រតិបត្តិការ
អ៊ីម៉ែល :

លោក ព្រំ វិសុទ្ធ អនុប្រធាននាយកប្រតិបត្តិ និងជាប្រធាននាយកប្រតិបត្តិនីតិកម្ម
អ៊ីម៉ែល :

« ព័ត៌មានមុន
សាខាខេត្តឧត្តរមានជ័យ ប្តូរទីតាំងការិយាល័យ ព័ត៌មានបន្ទាប់ »
គណៈប្រតិភូដឹកនាំដោយទេសាភិបាលរង ធនាគារកណ្តាលមីយ៉ាន់ម៉ា ធ្វើទស្សនកិច្ចសិក្សានៅធនាគារ អេស៊ីលីដា ភីអិលស៊ី

ការបរិច្ចាគ​ឈាម​របស់​កម្មករ​និយោជិត​ធនាគារ អេស៊ីលីដា ភីអិលស៊ី

ការបរិច្ចាគឈាមរបស់កម្មករនិយោជិតធនាគារ អេស៊ីលីដា ភីអិលស៊ី