USD
THB
EUR
AUD
VND
CAD
LAK
JPY
GBP
CNY
navigate_nextព័ត៌មានnavigate_nextព័ត៌មានថ្មីៗnavigate_nextការចុះកិច្ចព្រមព្រៀង ស្តីពីសេវាប្រឹក្សាយោបល់រវាងធនាគារអេស៊ីលីដា និងធនាគារ SMBC
ការចុះកិច្ចព្រមព្រៀង ស្តីពីសេវាប្រឹក្សាយោបល់រវាងធនាគារអេស៊ីលីដា និងធនាគារ SMBC
ថ្ងៃទី១២ ខែកញ្ញា ឆ្នាំ២០១៣
ភ្នំពេញ, ថ្ងៃទី១២ ខែកញ្ញា ឆ្នាំ២០១៣ ធនាគារ អេស៊ីលីដា ភីអិលស៊ី ជាប្រជាធនាគារដែលលោកអ្នកជឿទុកចិត្ត និងជាធនាគារពាណិជ្ជនាំមុខគេគ្រប់វិស័យនៅក្នុងប្រទេសកម្ពុជា បានប្រកាសជាសាធារណៈ ពីការចុះកិច្ចព្រមព្រៀង ស្តីពីសេវាសាជីវកម្ម ជាមួយធនាគារ Sumitomo Mitsui Banking Corporation (SMBC) ។ នៅក្នុងកិច្ចព្រមព្រៀងនេះ ភាគីទាំងពីរព្រមព្រៀងគ្នា បង្កើតនូវផ្នែកសាជីវកម្មអន្តរជាតិ នៅក្នុងធនាគារអេស៊ីលីដា ។
តាមរយៈកិច្ចព្រមព្រៀងនេះធនាគារ SMBC នឹងផ្តល់ជូននូវជំនាញ និងឯកទេសស្តីពីផ្នែកសាជីវកម្មអន្តរជាតិ សម្រាប់ជាជំនួយ និងការគាំទ្រដល់ធនាគារអេស៊ីលីដា ក្នុងការពង្រីកនូវប្រតិបត្តិការផលិតផល និងសេវាកម្មធនាគារពាណិជ្ជ ដើម្បីបំពេញតម្រូវការជូនដល់អតិថិជនអន្តរជាតិរបស់ខ្លួន ជាពិសេសនោះ គឺការបម្រើជូននូវសេវាកម្មផ្នែកសាជីវកម្មអន្តរជាតិ ។
ការចាប់ផ្តើមដាក់ឱ្យធ្វើប្រតិបត្តិការ ផ្នែកសាជីវកម្មអន្តរជាតិនេះ នឹងត្រូវបានប្រកាសដាក់ឱ្យប្រតិបត្តិការជាផ្លូវការ នៅក្នុងពេលឆាប់ៗនេះ ។
លោក Masayuki Shimura, Managing Director and Head of Asia Pacific Division នៃធនាគារ SMBC បានមានប្រសាសន៍ថា "យើងមានសេចក្តីរំភើបរីករាយជាខ្លាំង ដែលធនាគារអេស៊ីលីដា បានជ្រើសរើសយកធនាគារ SMBC ក្នុងការផ្តល់ជូននូវជំនាញ និងឯកទេសស្តីពីផ្នែកសាជីវកម្មអន្តរជាតិ ។ ធនាគារ SMBC នឹងពង្រីកសមត្ថភាពរបស់ខ្លួន ដើម្បីផ្តល់ជូននូវដំណោះស្រាយ ដែលមានការវិនិច្ឆ័យត្រឹមត្រូវជាមួយគុណភាពខ្ពស់ ព័ត៌មានដ៏មានសារៈសំខាន់ និងសេវាកម្មដ៏ល្អបំផុតជូនធនាគារអេស៊ីលីដា ដោយរួមមាន ៖ (ទី១) ចែករំលែកការអនុវត្តដ៏ល្អប្រសើរបំផុត ដែលពាក់ព័ន្ធនឹងធុរៈកិច្ចសាជីវកម្ម, (ទី២) ចែករំលែកការអនុវត្តដ៏ល្អប្រសើរបំផុត ដែលមាននៅក្នុងតំបន់ប្រតិបត្តិការនៃការត្រួតពិនិត្យហានិភ័យ និងបច្ចេកទេសហានិភ័យ ដើម្បីធានាថាយុទ្ធសាស្ត្រទំនាក់ទំនងរបស់ផ្នែកធុរៈកិច្ចសាជីវកម្មអន្តរជាតិ គឺជាទំនាក់ទំនង ដែលសមស្របជាមួយក្រុមហ៊ុន និង/ឬ ឧស្សាហកម្មដែលមានគុណភាព, (ទី៣) អភិវឌ្ឈ និងសម្រេចតាមយុទ្ធសាស្ត្រ និងផែនការ (ដែលរួមមាន ផែនការគណនេយ្យអតិថិជន ផែនការលក់ផលិតផល គោលនយោបាយប្រតិបត្តិការ និងផែនការធនធាន) សម្រាប់ធ្វើឱ្យចំណូល / ប្រាក់ចំណេញ មានកម្រិតសមរម្យដែលធ្វើឱ្យកាន់តែប្រសើរឡើងស្របតាមគោលដៅផលិតផល នូវសាជីវកម្មអន្តរជាតិ ជូនអតិថិជន, (ទី៤) ចូលរួមផ្តល់យោបល់ដល់ក្រុមផែនការអាជីវកម្ម សម្រាប់ពង្រីកឱកាសអាជីវកម្មនៅក្នុងតំបន់គោលដៅយុទ្ធសាស្ត្រ, (ទី៥) អភិវឌ្ឍអ្នកឯកទេសហិរញ្ញវត្ថុក្នុងតំបន់ប្រតិបត្តិការ / វិស័យចំរុះ ដោយផ្អែកតាមការផ្លាស់ប្តូរឧស្សាហកម្ម និងតម្រូវការតាមវិស័យ និងជាជំនួយក្នុងនាមជាអ្នកផ្តល់យោបល់ដែលមានគុណភាព ដើម្បីធ្វើឱ្យមានចំណូល និងប្រាក់ចំណេញផ្នែកសេដ្ឋកិច្ច សម្រាប់ធុរៈកិច្ចសាជីវកម្មអន្តរជាតិទៅតាមផែនការថវិកា, និង (ទី៦) ជំរុញក្រុមការងារក្នុងចំណោមសមាជិកក្រុមម្នាក់ៗ ឱ្យអនុវត្តតាមផ្នែកសាជីវកម្មអន្តរជាតិជាទូទៅ" ។
បណ្ឌិត អ៊ិន ចាន់នី, ប្រធាននាយកប្រតិបត្តិ ធនាគារ អេស៊ីលីដា ភីអិលស៊ី បានមានប្រសាសន៍ថា "តាមរយៈការចុះកិច្ចព្រមព្រៀងសហប្រតិបត្តិការសាជីវកម្ម ជាមួយធនាគារ SMBC នាពេលនេះ ធនាគារ អេស៊ីលីដា អាចរួមបញ្ចូលលទ្ធភាពជំនាញសេវាកម្មដ៏មានគុណភាពល្អបំផុត ជាមួយធនាគារ SMBC ក្នុងការបម្រើជូនអតិថិជនសាជីវកម្មរបស់ខ្លួន" ។ លោកប្រធាននាយកប្រតិបត្តិ បានបញ្ជាក់បន្ថែមថា "SMBC នឹងដើរតួនាទីជាបណ្តាញទំនាក់ទំនងរវាង ធនាគារ SMBC និងធនាគារអេស៊ីលីដា សម្រាប់ព័ត៌មានស្តីពីការវិនិយោគសាជីវកម្មអន្តរជាតិ ឬការពង្រីកសាជីវកម្ម នៅក្នុងព្រះរាជាណាចក្រកម្ពុជា ដើម្បីបម្រើ និងរក្សានូវទំនាក់ទំនងជាមួយអតិថិជនសាជីវកម្មបរទេសដែលមានស្រាប់ ឬអតិថិជនរបស់ SMBC និងការគាំទ្រប្រតិបត្តិការ ពីសាជីវកម្មបរទេស ។ ធនាគារអេស៊ីលីដា គឺជាទីកន្លែងដ៏សមរម្យមួយ សម្រាប់ជួយគាំទ្រដល់ទីផ្សារជូនអតិថិជនសាជីវកម្មបរទេស ដែលមានសក្តានុពល និងផ្តល់យោបល់ស្តីពីការធ្វើផែនការ និងការប្រតិបត្តិ នៃកម្មវិធីសាកសួរព័ត៌មានរបស់អតិថិជន សម្រាប់ការបង្កើតអាជីវកម្មថ្មី និងបង្កើនប្រាក់ចំណេញក្នុងធុរៈកិច្ចគោលដៅ" ។
អំពីធនាគារ អេស៊ីលីដា ភីអិលស៊ី
ធនាគារអេស៊ីលីដា ជាប្រជាធនាគារដែលលោកអ្នកជឿទុកចិត្ត និងជាធនាគារពាណិជ្ជនាំមុខគេរាល់គ្រប់វិស័យ ។ ធនាគារអេស៊ីលីដាផ្តល់ជូនសេវាកម្មហិរញ្ញវត្ថុ និងផលិតផលជាច្រើនដូចជា សេវាឥណទាន សេវាប្រាក់បញ្ញើ-សន្សំ សេវាផ្ទេរប្រាក់ សេវាចាត់ចែងសាច់ប្រាក់ ហិរញ្ញប្បទានពាណិជ្ជកម្ម សេវាមូលបត្រ និងសេវាធនាគារអេឡិចត្រូនិក ដើម្បីបម្រើជូនរាល់តម្រូវការ របស់អតិថិជនដ៏វៃឆ្លាតរបស់ខ្លួន និងសាធារណជនគ្រប់មជ្ឈដា្ឋនក្នុងសហគមន៍ សម្រាប់រយៈពេលជាង ២១ឆ្នាំ កន្លងមកនេះ ។ ធនាគារអេស៊ីលីដា មានការិយាល័យសាខាចំនួន ២៣៨ ទូទាំងព្រះរាជាណាចក្រកម្ពុជា, មានការិយាល័យ សាខាចំនួន ៣៤ នៅប្រទេសឡាវ និងមួយការិយាល័យនៅប្រទេសមីយ៉ាន់ម៉ា ជាមួយនឹងទ្រព្យសកម្មសរុបចំនួន ២ពាន់លានដុល្លារអាមេរិក នៅដំណាច់ខែសីហា ឆ្នាំ២០១៣ ។ បច្ចុប្បន្ននេះ ធនាគារអេស៊ីលីដា មានក្រុមហ៊ុនបុត្រសម្ព័ន្ធចំនួនបួន គឺធនាគារ អេស៊ីលីដា ឡាវ, អេស៊ីលីដា ស៊ីឃ្យួរឹធី ភីអិលស៊ី, អេស៊ីលីដា ត្រេននីង សេនធ័រ និងស្ថាប័នមីក្រូហិរញ្ញវត្ថុ អេស៊ីលីដា មីយ៉ាន់ម៉ា, ហើយតាមយុទ្ធសាស្ត្រ ធនាគារអេស៊ីលីដា នឹងបន្តពង្រីកវិសាលភាពប្រតិបត្តិការ ទៅក្នុងតំបន់អាស៊ាន និងបណ្តាប្រទេសនៅតាមដងទន្លេមេគង្គដទៃទៀត ។
អំពីធនាគារ SMBC
ធនាគារ SMBC ការិយាល័យកណ្តាល និងការិយាល័យសាខា រួមទាំងសាខានៅបរទេស មានសេវាជាច្រើនដូចជា សេវាប្រាក់បញ្ញើ, សេវាឥណទាន, សេវាជើងសារមូលបត្រនិងពាណិជ្ជកម្ម, សេវាវិនិយោគមូលបត្រ, សេវាផ្ទេរប្រាក់, សេវាប្តូររូបិយប័ណ្ណបរទេស, សេវាមូលបត្រជឿទុកចិត្តនិងប្រអប់សុវត្ថិភាព, សេវា Financial Futures Underwriting, សេវា Investment Trust Sales, និងសេវាកម្មធនាគារពាណិជ្ជជាច្រើនទៀត ។ សម្រាប់ព័ត៌មានបន្ថែមសូមទស្សនាវេបសាយ www.smbc.co.jp ។
សម្រាប់ព័ត៌មានបន្ថែម សូមទាក់ទងតាមរយៈ
បណ្ឌិត សូ ផនណារី អនុប្រធាននាយកប្រតិបត្តិ និងជាគណៈប្រធាននាយិកាប្រតិបត្តិប្រតិបត្តិការ
អ៊ីម៉ែល ៖
លោក ព្រំ វិសុទ្ធ អនុប្រធាននាយកប្រតិបត្តិ និងជាគណៈប្រធាននាយកប្រតិបត្តិនីតិកម្ម
អ៊ីម៉ែល ៖
