USD
THB
EUR
AUD
VND
CAD
LAK
JPY
GBP
CNY
navigate_nextព័ត៌មានnavigate_nextព័ត៌មានថ្មីៗnavigate_nextធនាគារអេស៊ីលីដា បានជ្រើសរើសឱ្យបម្រើសេវាកម្ម សម្រាប់ប្រតិបត្ដិការចំណូល-ចំណាយថវិការដ្ឋ
ធនាគារអេស៊ីលីដា បានជ្រើសរើសឱ្យបម្រើសេវាកម្ម សម្រាប់ប្រតិបត្ដិការចំណូល-ចំណាយថវិការដ្ឋ
ថ្ងៃទី០៣ ខែធ្នូ ឆ្នាំ២០១៣
ធនាគារ អេស៊ីលីដា ភីអិលស៊ី ប្រជាធនាគារដែលលោកអ្នកជឿទុកចិត្ត និងជាធនាគារពាណិជ្ជឈានមុខគេ បានប្រកាសជាសាធារណៈ នាថ្ងៃនេះថា ក្រសួងសេដ្ឋកិច្ច និងហិរញ្ញវត្ថុ បានជ្រើសរើស ធនាគារអេស៊ីលីដា ឱ្យបម្រើសេវាកម្មសម្រាប់ប្រតិបត្ដិការចំណូល-ចំណាយថវិការដ្ឋ អនុវត្តនៅទូទាំងប្រទេស ។
តាមរយៈអនុស្សរណៈ នៃការយោគយល់គ្នានេះ ធនាគារអេស៊ីលីដា នឹងបម្រើសេវាកម្មសម្រាប់ប្រតិបត្ដិការចំណូល-ចំណាយថវិការដ្ឋ អនុវត្តនៅទូទាំងប្រទេស រួមមាន ៖ ទី១ សម្រាប់កិច្ចប្រតិបត្តិការចំណូល, ទី២ សម្រាប់កិច្ចប្រតិបត្តិការចំណាយ, ទី៣ សម្រាប់កិច្ចប្រតិបត្តិការចំណូល-ចំណាយថវិកាឃុំ/សង្កាត់, និងទី៤ សម្រាប់កិច្ចប្រតិបត្តិការចំណូល (ដែលមានម្ចាស់គណនីពីររួមគ្នា គឺរតនាគាររាជធានី-ខេត្ត និងអង្គភាពក្រោមចំណុះរបស់ក្រសួងសេដ្ឋកិច្ចនិងហិរញ្ញវត្ថុ) ចំនួនមួយ ឬច្រើន តាមតម្រូវការចាំបាច់ដោយមានការអនុញ្ញាតពីក្រសួងសេដ្ឋកិច្ច និងហិរញ្ញវត្ថុ ។
ចំពោះធនាគារអេស៊ីលីដា អនុស្សរណ:នៃការយោគយល់គ្នានេះមានអត្ថន័យយ៉ាងជ្រាលជ្រៅ ដូចជា ៖
- បើកទូលាយឱ្យធនាគារអេស៊ីលីដា ក្នុងនាមជាពលរដ្ឋល្អ បានចូលរួមអនុវត្តកំណែទម្រង់វិស័យហិរញ្ញវត្ថុសាធារណៈស្របតាមយុទ្ធសាស្ត្រចតុកោណរបស់រាជរដ្ឋាភិបាលកម្ពុជា
- បានបម្រើជូនវិស័យសាធារណៈដោយផ្ទាល់ក្នុងទ្រង់ទ្រាយធំ
- ផ្តល់ឱកាសឱ្យធនាគារអេស៊ីលីដា បានបម្រើសេវាកម្មជូនវិស័យថ្មីដែលធនាគារអេស៊ីលីដា ចង់បម្រើជាយូរមកហើយ និងមានចំណុចជាច្រើនទៀត ។
ធនាគារអេស៊ីលីដា ជឿជាក់យ៉ាងមុតមាំថា ការបម្រើសេវាកម្មកាន់តែច្រើន ធ្វើឱ្យគុណភាពសេវាកម្មកាន់តែប្រសើរ ដោយសារធនាគារអេស៊ីលីដា យល់ដឹងច្បាស់ពីតម្រូវការ និងស្តាប់មតិយោបល់របស់អតិថិជន ដៃគូពាណិជ្ជកម្មរបស់ខ្លួន និងសាធារណ:ជន ។
សម្រាប់ព័ត៌មានបន្ថែម សូមទាក់ទងតាមរយៈ
លោក លី ថៃ នាយកប្រតិបត្ដិប្រតិបត្ដិការ
ទូរស័ព្ទ: ០២៣ ៩៩៨ ៧៧៧ / ៤៣០ ៩៩៩, ០១៥ ៩០០ ១៧៧
អ៊ីម៉ែល:
លោក សុខ សុវត្ថឌី នាយកប្រតិបត្ដិរងប្រតិបត្ដិការ
ទូរស័ព្ទ: ០២៣ ៩៩៨ ៧៧៧ / ៤៣០ ៩៩៩, ០១៥ ៩០០ ១៧៨
អ៊ីម៉ែល:
លោក នេត ពិសិដ្ឋ នាយកប្រតិបត្ដិរងប្រតិបត្ដិការ
ទូរស័ព្ទ: ០២៣ ៩៩៨ ៧៧៧ / ៤៣០ ៩៩៩, ០១៥ ៧០០ ១១១
អ៊ីម៉ែល:
