ព័ត៌មានព័ត៌មានថ្មីៗធនាគារអេស៊ីលីដាទទួលពានរង្វាន់ជាធនាគារឈានមុខគេក្នុងការចេញប័ណ្ណឥណទាន

ធនាគារអេស៊ីលីដាទទួលពានរង្វាន់ជាធនាគារឈានមុខគេក្នុងការចេញប័ណ្ណឥណទាន

ថ្ងៃទី១៦ ខែកុម្ភៈ ឆ្នាំ២០១៥

នាព្រឹកថ្ងៃទី១៣ ខែកុម្ភៈ ឆ្នាំ២០១៥ ធនាគារអេស៊ីលីដា បានទទួលពានរង្វាន់ជាធនាគារឈានមុខគេក្នុងការចេញប័ណ្ណឥណទានវីសានៅក្នុងប្រទេសកម្ពុជា ប្រចាំឆ្នាំ២០១៤ ពីស្ថាប័នវីសា ។ ចាប់តាំងពីធនាគារអេស៊ីលីដាបានបង្កើតសេវាប័ណ្ណឥណទានវីសាអេស៊ីលីដា កាលពីចុងឆ្នាំ២០១៣ រហូតមកដល់បច្ចុប្បន្ន ធនាគារអេស៊ីលីដាទទួលបានអតិថិជនដែលប្រើប្រាស់ប័ណ្ណឥណទាននេះច្រើនជាងគេនៅក្នុងប្រទេសកម្ពុជា ។ លទ្ធផលនេះ ដោយសារតែអតិថិជនរបស់ធនាគារអេស៊ីលីដាទាំងអស់យល់ច្បាស់ពីអត្ថប្រយោជន៍ សុវត្ថិភាព និងភាពងាយស្រួលក្នុងការប្រើប្រាស់ប័ណ្ណវីសារបស់ធនាគារអេស៊ីលីដា ។

ប័ណ្ណឥណទានវីសាអេស៊ីលីដា ជាជម្រើសដ៏ប្រសើរមួយ និងផ្តល់ភាពងាយស្រួលសម្រាប់ការឆ្ពោះទៅរកជីវភាពរស់នៅក្នុងភាពទំនើបទាន់សម័យ ក្នុងការទូទាត់ដោយចាប់តាំងពីការបញ្ជាទិញទំនិញ-សេវាកម្មប្រចាំថ្ងៃ រហូតឈានទៅដល់ការទូទាត់តាមរយៈប្រព័ន្ធអ៊ីនធើណែត (e-commerce) ។

ជាមួយប័ណ្ណឥណទានវីសាអេស៊ីលីដា លោកអ្នកអាចទូទាត់ចំណាយផ្សេងៗតាមម៉ាស៊ីនឆូតកាតនៅតាមហាងទំនិញ សណ្ឋាគារ ឬក្រុមហ៊ុននានា ទាំងក្នុង និងក្រៅប្រទេស និងមិនគិតការប្រាក់ ប្រសិនបើការទូទាត់ប្រាក់សងធនាគារវិញនៅមុនថ្ងៃកំណត់ ។ លើសពីនេះទៀត លោកអ្នកអាចដកសាច់ប្រាក់បានឆាប់រហ័ស ពីគ្រប់ម៉ាស៊ីនអេធីអឹមទាំងអស់ ដែលមានស្លាកសញ្ញា VISA ឬ VISA Plus នៅក្នុងនិងក្រៅប្រទេសគ្រប់ពេលវេលា ហើយក៏អាចបញ្ជាទិញតាមប្រព័ន្ធអ៊ីនធើណែតបានដូចជា ទិញទំនិញ កក់សំបុត្រយន្តហោះ ឬកក់បន្ទប់សណ្ឋាគារ ជាដើម ។

ប័ណ្ណឥណទានវីសាអេស៊ីលីដា មានសុវត្ថិភាពខ្ពស់ និងងាយស្រួលជាងការប្រើប្រាស់សាច់ប្រាក់សុទ្ធ ព្រមទាំងអាចប្រើប្រាស់បានគ្រប់ទីកន្លែង ពាសពេញពិភពលោក និងមានច្បាប់ការពារដល់អ្នកប្រើប្រាស់ ។ សូចចុចទីនេះ សម្រាប់ព័ត៌មានបន្ថែមអំពីប័ណ្ណឥណទានវីសាអេស៊ីលីដា ។

« ព័ត៌មានមុន
ធនាគារអេស៊ីលីដា បើកសាខាថ្មីទី២៥៤ នៅតំបន់សេដ្ឋកិច្ចពិសេសភ្នំពេញ ព័ត៌មានបន្ទាប់ »
ធនាគារ អេស៊ីលីដា ភីអិលស៊ី ចុះហត្ថលេខាស្តីពីការលើកស្ទួយអភិវឌ្ឍន៍វិស័យធុរកិច្ចហិរញ្ញវត្ថុ ជាមួយទីភ្នាក់ងារបារាំងសម្រាប់ការអភិវឌ្ឍ

ធនាគារ​អេស៊ីលីដា​ទទួល​ពាន​រង្វាន់​ជា​ធនាគារ​ឈាន​មុខ​គេ​ក្នុង​ការ​ចេញ​ប័ណ្ណ​ឥណទាន

ធនាគារអេស៊ីលីដាទទួលពានរង្វាន់ជាធនាគារឈានមុខគេក្នុងការចេញប័ណ្ណឥណទាន