ព័ត៌មានព័ត៌មានថ្មីៗធនាគារអេស៊ីលីដា បើកសាខាថ្មីទី២៥៦ "សាខាផ្សារតូច"

ធនាគារអេស៊ីលីដា បើកសាខាថ្មីទី២៥៦ "សាខាផ្សារតូច"

ក្រុមប្រឹក្សាភិបាល ថ្នាក់គ្រប់គ្រងជាន់ខ្ពស់ និងបុគ្គលិកធនាគារអេស៊ីលីដា ថតរូបអនុស្សាវរីយ៍ក្នុងពិធីចម្រើនមង្គលអគារការិយាល័យថ្មី សាខាផ្សារតូច

ថ្ងៃទី២៥ ខែសីហា ឆ្នាំ២០១៥

ដើម្បីផ្តល់នូវសេវាកម្មប្រកបដោយគុណភាព និងភាពងាយស្រួលឱ្យកាន់តែប្រសើរថែមទៀតជូនដល់អតិថិជនទាំងអស់ យើងខ្ញុំមានសេចក្តីសោមនស្សរីករាយសូមជូនដំណឹងដល់អតិថិជន និងសាធារណជនឱ្យបានជ្រាបថា ធនាគារអេស៊ីលីដាបានបើកសាខាថ្មីទី២៥៦ ដែលមានទីតាំងនៅឡូត៍លេខ១៥៨០ ផ្លូវជាតិលេខ៥ ក្រុមទី១ ភូមិសាមគ្គី សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។ សាខាថ្មីនេះមានឈ្មោះថា សាខាផ្សារតូច ចាប់បម្រើជូនលោកអ្នកនូវសេវាកម្មធនាគារគ្រប់ប្រភេទ ចាប់ពីថ្ងៃជូនដំណឹងនេះតទៅ ។

ភាពនៅជិតដើម្បីបម្រើលោកអ្នក គឺជាការប្តេជ្ញាចិត្ត និងការយកចិត្តទុកដាក់បំផុតរបស់យើងខ្ញុំ ដើម្បីផ្តល់នូវសេវាកម្មប្រកបដោយគុណភាព និងជឿជាក់សម្រាប់លោកអ្នក ។ ទោះជាលោកអ្នកនៅទីណាក៏ដោយ យើងខ្ញុំនៅទីនោះ រង់ចាំស្វាគមន៍បម្រើលោកអ្នកជានិច្ច ។

ធនាគារ អេស៊ីលីដា ភីអិលស៊ី មានបណ្តាញប្រតិបត្តិការរហូតដល់ ២៥៦សាខាទូទាំងព្រះរាជាណាចក្រកម្ពុជា ៤១ការិយាល័យនៅប្រទេសឡាវ និង ៦ការិយាល័យនៅប្រទេសមីយ៉ាន់ម៉ា ដោយមានទ្រព្យសកម្មសរុបចំនួនជាង ៣.៦៤៣ (បីពាន់ប្រាំមួយរយសែសិបបី) លានដុល្លារអាមេរិក, សមតុល្យឥណទានសរុបចំនួនជាង ២.៣០៥ (ពីរពាន់បីរយប្រាំ) លានដុល្លារអាមេរិក និងបា្រក់បញ្ញើសន្សំសរុប ចំនួនជាង ២.៦៣៧ (ពីរពាន់ប្រាំមួយរយសាមសិបប្រាំពីរ) លានដុល្លារអាមេរិក ។

សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងការិយាល័យទំនាក់ទំនងអតិថិជន តាមរយៈទូរស័ព្ទលេខ ៖ ០២៣ ៩៩៤ ៤៤៤ ឬ ០១៥ ៩៩៩ ២៣៣ បម្រើ២៤ម៉ោងក្នុងមួយថ្ងៃ និង៧ថ្ងៃក្នុងមួយសប្តាហ៍ ។

« ព័ត៌មានមុន
ក្រុមហ៊ុនធំឈានមុខគេបង្អស់ចំនួនពីររបស់ប្រទេសជប៉ុន បានទិញភាគហ៊ុនបន្ថែមនៅក្នុងធនាគារ អេស៊ីលីដា ភីអិលស៊ី ព័ត៌មានបន្ទាប់ »
ពិធីចុះហត្ថលេខាលើអនុស្សរណៈនៃការយោគយល់រវាង ធនាគារ អេស៊ីលីដា ភីអិលស៊ី និងធនាគារ ខេ អ៊ី ប៊ី ហាណា

ធនាគារ​អេស៊ីលីដា បើក​សាខា​ថ្មី​ទី២៥៦ "សាខា​ផ្សារតូច"

ធនាគារអេស៊ីលីដា បើកសាខាថ្មីទី២៥៦ "សាខាផ្សារតូច"