ព័ត៌មានព័ត៌មានថ្មីៗស្កែនទូទាត់ដោយកាត់ទឹកប្រាក់ពីប័ណ្ណម៉ាស្ទ័រកាតអេស៊ីលីដា

ស្កែនទូទាត់ដោយកាត់ទឹកប្រាក់ពីប័ណ្ណម៉ាស្ទ័រកាតអេស៊ីលីដា

ថ្ងៃទី១០ ខែតុលា ឆ្នាំ២០១៩

ដើម្បីផ្តល់ភាពងាយស្រួលជូនដល់អតិថិជនក្នុងការទូទាត់ថ្លៃទំនិញ-សេវាកម្ម តាមរយៈការស្កែនឃ្យូអរកូដ នៅតាមហាងទំនិញ-សេវាកម្មនានាដែលមានស្លាកសញ្ញា Mastercard បានយ៉ាងងាយស្រួល និងរហ័សទាន់ចិត្ត ។

លក្ខណៈពិសេស

លោកអ្នកអាចទូទាត់ថ្លៃទំនិញ-សេវាកម្ម ទាំងក្នុង និងក្រៅប្រទេស តាមរយៈការស្កែនឃ្យូអរកូដ ដែលមានស្លាកសញ្ញា Mastercard បានភ្លាមៗ ដោយមិនគិតថ្លៃសេវា ។
លោកអ្នកអាចទូទាត់ថ្លៃទំនិញ-សេវាកម្ម ក្នុងមួយប្រតិបត្តិការ បានរហូតដល់ ៤.០០០ ដុល្លារអាមេរិក ឬ ១៦.០០០.០០០ រៀល ។
ចំនួនទឹកប្រាក់ទូទាត់ និងចំនួនប្រតិបត្តិការប្រចាំថ្ងៃ គឺ មិនកំណត់ ។
គ្រប់ប្រតិបត្តិការទូទាត់ គឺកាត់ទឹកប្រាក់ចេញពី ប័ណ្ណឥណពន្ធ ឬប័ណ្ណឥណទានម៉ាស្ទ័រកាតអេស៊ីលីដា របស់អតិថិជន ដោយស្វ័យប្រវត្តិ ។
រូបិយប័ណ្ណប្រើសម្រាប់ទូទាត់ គឺដុល្លារអាមេរិក ។ ប្រសិនបើការទូទាត់ជារូបិយប័ណ្ណផ្សេងពីរូបិយប័ណ្ណដើមនៃប័ណ្ណ (គណនី) នោះប្រព័ន្ធនឹងប្តូរប្រាក់ដោយស្វ័យប្រវត្តិ តាមអត្រាប្តូរប្រាក់អន្តរជាតិរបស់ស្ថាប័ន Mastercard នៅពេលទូទាត់នោះ ។

ដើម្បីអាចទូទាត់បាន

លោកអ្នកត្រូវចុះឈ្មោះប្រើប្រាស់ សេវាអេស៊ីលីដាទាន់ចិត្ត
ត្រូវមានប័ណ្ណឥណពន្ធ ឬប័ណ្ណឥណទានម៉ាស្ទ័រកាតអេស៊ីលីដា ដែលភ្ជាប់ (Link) ជាមួយកម្មវិធីអេស៊ីលីដាទាន់ចិត្ត
ត្រូវមានសមតុល្យទឹកប្រាក់គ្រប់គ្រាន់ក្នុងគណនីដើម្បីទូទាត់

របៀបភ្ជាប់ប័ណ្ណជាមួយសេវាអេស៊ីលីដាទាន់ចិត្ត

សូមចូលកម្មវិធីអេស៊ីលីដាទាន់ចិត្ត
ជ្រើសរើសម៉ីនុយ "ម៉ាស្ទ័រកាតឃ្យូអរ / Mastercard QR"
ជ្រើសរើស ប័ណ្ណសម្រាប់ទូទាត់ និងប័ណ្ណសម្រាប់ប្រើជាប្រចាំ ។ ប្រសិនបើលោកអ្នកមិនទាន់ឃើញមានប័ណ្ណសម្រាប់ជ្រើសរើស សូមភ្ជាប់គណនីធនាគារ ដូចខាងក្រោម
រួចចុចប៊ូតុង "យល់ព្រម / OK"

របៀបទូទាត់

សូមចូលកម្មវិធីអេស៊ីលីដាទាន់ចិត្ត
ជ្រើសរើសម៉ីនុយ "ម៉ាស្ទ័រកាតឃ្យូអរ / Mastercard QR"
ស្កែនឃ្យូអរកូដ ដែលដាក់តាំងនៅបញ្ជរហាងលក់ទំនិញ-សេវាកម្ម
បញ្ចូលចំនួនទឹកប្រាក់ដែលត្រូវទូទាត់
រួចចុចប៊ូតុង "យល់ព្រម / OK"
ផ្ទៀងផ្ទាត់ប្រតិបត្តិការ រួចហើយចុចប៊ូតុង "យល់ព្រមទូទាត់ / Confirm and Pay" ជាការស្រេច

របៀបភ្ជាប់គណនីធនាគារ

ចូលប្រើសេវាអេស៊ីលីដាទាន់ចិត្ត (Login)
ជ្រើសរើសប៊ូតុង ⋮ នៅផ្នែកខាងលើ ខាងស្តាំដៃ
ជ្រើសរើសម៉ឺនុយ "សុវត្ថិភាព និង ព័ត៌មានផ្ទាល់ខ្លួន"
ជ្រើសរើសម៉ឺនុយ "ភ្ជាប់ឬលុបគណនីធនាគារ / Link or Delink"
បញ្ចូលលេខគណនីធនាគារ និងថ្ងៃខែឆ្នាំកំណើត
សូមចុចប៊ូតុង "បញ្ជូន"
បញ្ចូលលេខសុវត្ថិភាពដែលបានទទួលតាមរយៈការផ្ញើសារ (ចំណាំ ៖ លេខទូរស័ព្ទដែលភ្ជាប់សេវាអេស៊ីលីដាទាន់ចិត្ត និងលេខទូរស័ព្ទដែលផ្តល់ឱ្យនៅពេលបើកគណនីធនាគារ ត្រូវតែដូចគ្នា ទើបអាចភ្ជាប់បាន)
សូមចុចប៊ូតុង "យល់ព្រម"
លោកអ្នកអាចភ្ជាប់គណនីផ្សេងទៀត ដែលមានលេខសម្គាល់អតិថិជន (CIF) តែមួយ
សូមចុចប៊ូតុង "យល់ព្រម"

សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងជាមួយនឹងសាខារបស់យើងខ្ញុំ ដែលមានទីតាំងនៅជិតលោកអ្នកបំផុត ឬក៏ទាក់ទងមកការិយាល័យទំនាក់ទំនងអតិថិជន (បម្រើ២៤ម៉ោង) ៖ ០២៣ ៩៩៤ ៤៤៤, ០១៥ ៩៩៩ ២៣៣ ។

« ព័ត៌មានមុន
បរិច្ចាគវិភាគទានសប្បុរសធម៌ជូន មូលនិធិគន្ធបុប្ផាកម្ពុជា ព័ត៌មានបន្ទាប់ »
សំណើសុំឥណទានតាមរយៈសេវាអេស៊ីលីដាទាន់ចិត្ត

ស្កែន​ទូទាត់​ដោយ​កាត់​ទឹក​ប្រាក់​ពី​ប័ណ្ណ​ម៉ាស្ទ័រកាត​អេស៊ីលីដា

លក្ខណៈ​ពិសេស

ដើម្បី​អាច​ទូទាត់​បាន

របៀប​ភ្ជាប់​ប័ណ្ណ​ជា​មួយ​សេវា​អេស៊ីលីដា​ទាន់​ចិត្ត