ព័ត៌មានព័ត៌មានថ្មីៗសេវាទូទាត់វិក្កយបត្ររួម តាមរយៈអេស៊ីលីដាទាន់ចិត្ត

សេវាទូទាត់វិក្កយបត្ររួម តាមរយៈអេស៊ីលីដាទាន់ចិត្ត

ថ្ងៃទី២ ខែមិថុនា ឆ្នាំ២០២០

សេវាទូទាត់វិក្កយបត្ររួម គឺជាមុខងារថ្មីមួយក្នុងចំណោមមុខងារថ្មីៗជាច្រើននៅក្នុងសេវាអេស៊ីលីដាទាន់ចិត្ត ដែលផ្តល់ភាពងាយស្រួលដល់លោកអ្នក និងសមាជិកច្រើននាក់ អាចចូលរួមទូទាត់ចំណាយថ្លៃទំនិញ-សេវាកម្ម បានភ្លាមៗ ទៅតាមចំណែករៀងៗខ្លួន ក្នុងវិក្កយបត្ររួមតែមួយសន្លឹក ។

ប្រតិបត្តិការទូទាត់ធ្វើឡើងជាប្រាក់រៀល និងដុល្លារអាមេរិក ។ ក្នុងករណីអតិថិជនទូទាត់ផ្សេងពីរូបិយប័ណ្ណនៃគណនី នោះប្រព័ន្ធនឹងប្តូរប្រាក់ដោយស្វ័យប្រវត្តិ តាមអត្រាផ្លូវការរបស់ធនាគារ នៅពេលទូទាត់នោះ ។

ចំនួនសមាជិកចូលរួមទូទាត់ក្នុងមួយវិក្កយបត្រ បានរហូតដល់ ១០០នាក់ ព្រមទាំងមិនគិតថ្លៃសេវា និងចំនួនប្រតិបត្តិការប្រចាំថ្ងៃ ។ ដើម្បីអាចធ្វើប្រតិបត្តិការទូទាត់វិក្កយបត្ររួមនេះបាន ទាល់តែគ្រប់សមាជិកដែលចូលរួមត្រូវចុះឈ្មោះប្រើសេវាអេស៊ីលីដាទាន់ចិត្ត ទាំងអស់គ្នា និងមានសមតុល្យទឹកប្រាក់គ្រប់គ្រាន់ក្នុងគណនី ដើម្បីទូទាត់បានជោគជ័យ ។

សូមពិនិត្យមើលរបៀបទូទាត់វិក្កយបត្ររួម តាមរយៈអេស៊ីលីដាទាន់ចិត្ត ដូចខាងក្រោម ៖

របៀបដាក់សំណើសុំទូទាត់

ចូលកម្មវិធីអេស៊ីលីដាយូនីធីទាន់ចិត្ត
ជ្រើសរើសម៉ីនុយ "ទូទាត់វិក្កយបត្ររួម (Share Bill)"
សូមស្កែនស្នាមម្រាមដៃ ឬផ្ទៃមុខ ដើម្បីចូលប្រើសេវា
ជ្រើសរើស "បង្កើតការទូទាត់វិក្កយបត្ររួម"
បំពេញព័ត៌មាន

បញ្ចូលចំនួនទឹកប្រាក់ទូទាត់សរុប
បញ្ចូលចំនួនអ្នកចូលរួមទូទាត់
ជ្រើសរើសកាលបរិច្ឆេទតាមវិក្កយបត្រ
បញ្ចូលបរិយាយការទូទាត់ រួចចុចថតរូបវិក្កយបត្រភ្ជាប់មកជាមួយ
ជម្រើសបែងចែកការទូទាត់
ករណីជ្រើសរើសបែងចែកទឹកប្រាក់ស្មើៗគ្នា (ប្រព័ន្ធនឹងគណនាទឹកប្រាក់ទូទាត់ដោយស្វ័យប្រវត្តិ) បើពុំនោះទេ ត្រូវបញ្ចូលចំនួនទឹកប្រាក់
បញ្ចូលលេខទូរស័ព្ទរបស់អ្នកចូលរួមទូទាត់

ចុចលើប៊ូតុង "យល់ព្រម"
ផ្ទៀងផ្ទាត់ប្រតិបត្តិការ ចុចលើប៊ូតុង "ស្នើសុំទូទាត់" ជាការស្រេច

របៀបចូលទូទាត់

ចូលកម្មវិធីអេស៊ីលីដាយូនីធីទាន់ចិត្ត
ជ្រើសរើសម៉ីនុយ "ទូទាត់វិក្កយបត្ររួម (Share Bill)"
សូមស្កែនស្នាមម្រាមដៃ ឬផ្ទៃមុខ ដើម្បីចូលប្រើសេវា
ជ្រើសរើស "ពិនិត្យប្រតិបត្តិការទូទាត់វិក្កយបត្ររួម"
ជ្រើសរើស "ពីអ្នកស្នើសុំទូទាត់" រួចចុច "មិនទាន់ទូទាត់"
ចុចប៊ូតុង "បង់ប្រាក់"
ជ្រើសរើសគណនីដើម្បីទូទាត់ រួចចុចលើប៊ូតុង "យល់ព្រម"
ពិនិត្យប្រតិបត្តិការ រួចចុចលើប៊ូតុង "យល់ព្រម"
ប្រតិបត្តិការទូទាត់បានជោគជ័យ

« ព័ត៌មានមុន
ធនាគារ អេស៊ីលីដា ភីអិលស៊ី អភិវឌ្ឍមុខងារបន្ថែមថ្មីក្នុង អេស៊ីលីដាយូនីធីទាន់ចិត្ត ដើម្បីក្លាយជាធនាគារពិតស្ថិតនៅក្នុងដៃអតិថិជន និងសាធារណជន ព័ត៌មានបន្ទាប់ »
កិច្ចសហប្រតិបត្តិការហិរញ្ញប្បទានរយៈពេលវែង រវាងធនាគារ អេស៊ីលីដា ភីអិលស៊ី និងធនាគារ CHINA DEVELOPMENT BANK GUANGXI BRANCH

សេវា​ទូទាត់​វិក្កយបត្រ​រួម តាម​រយៈ​អេស៊ីលីដា​ទាន់​ចិត្ត

សេវាទូទាត់វិក្កយបត្ររួម តាមរយៈអេស៊ីលីដាទាន់ចិត្ត