ព័ត៌មានព័ត៌មានថ្មីៗធនាគារ អេស៊ីលីដា បន្តផ្តល់ឥណទានការប្រាក់ទាបសម្រាប់ទ្រទ្រង់សហគ្រាសធុនតូច និងមធ្យម ជំហានទី២

ធនាគារ អេស៊ីលីដា បន្តផ្តល់ឥណទានការប្រាក់ទាបសម្រាប់ទ្រទ្រង់សហគ្រាសធុនតូច និងមធ្យម ជំហានទី២

ថ្ងៃទី២៤ ខែសីហា ឆ្នាំ២០២១

ធនាគារ អេស៊ីលីដា បានសហការជាមួយ ធនាគារសហគ្រាសធុនតូច និងមធ្យម កម្ពុជា ផ្តល់ឥណទានដែលមានការប្រាក់ទាប តាមរយៈគម្រោងសហហិរញ្ញប្បទានសម្រាប់ទ្រទ្រង់សហគ្រាសធុនតូច និងមធ្យម (SCFS "Scheme") ក្នុងជំហានទី២នេះ ដែលមានកម្រិតមូលនិធិ ចំនួន ៦០លានដុល្លារអាមេរិក ឬសមមូលជាប្រាក់រៀល។

ដើម្បីទទួលបានឥណទានដែលមានការប្រាក់ទាបនេះ អតិថិជនជាសហគ្រាសធុនតូច និងមធ្យម និងត្រូវមានមុខរបរអាជីវកម្មក្នុងវិស័យអាទិភាព និងមុខរបរទូទៅ និងបំពេញតាមលក្ខខណ្ឌនៃការកំណត់និយមន័យរបស់សហគ្រាសធុនតូច និងមធ្យម ដូចជា ១. ចំនួនបុគ្គលិក និង ២. ផលរបរប្រចាំឆ្នាំ ឬចំនួនទ្រព្យសកម្មសរុប។

ទំហំឥណទាន

លោកអ្នកអាចទទួលបានឥណទានសម្រាប់អាជីវកម្មនេះ រហូតដល់ ៥០០.០០០ដុល្លារអាមេរិក ឬសមមូលជាប្រាក់រៀល។

បញ្ជីមុខរបរអាទិភាព

ផលិត និងកែច្នៃម្ហូបអាហារ។
កម្មន្តសាលដែលផលិតទំនិញប្រើប្រាស់ ផ្នែកឬគ្រឿងបង្គុំដើម្បីផ្គត់ផ្គង់ឱ្យកម្មន្តសាលដទៃទៀត កែច្នៃកាកសំណល់ និងផលិតទំនិញសម្រាប់វិស័យទេចរណ៍។
ស្រាវជ្រាវ និងអភិវឌ្ឍបច្ចេកវិទ្យាព័ត៌មាន រួមទាំងការផ្គត់ផ្គង់សេវាគ្រប់គ្រងតាមប្រព័ន្ធបច្ចេកវិទ្យាព័ត៌មាន ដែលមានលក្ខណៈនវានុវត្តន៍។
សហគ្រាសដែលស្ថិតក្នុងតំបន់ប្រមូលផ្តុំសហគ្រាសធុនតូច និងមធ្យម និងជាសហគ្រាសដែលអភិវឌ្ឍតំបន់នេះ។
សហគ្រាសផលិតទំនិញវេជ្ជសាស្ត្រ និងថ្នាំពេទ្យ។
សហគ្រាសផ្តល់សេវាកម្មដែលគាំទ្រដល់សហគ្រាសក្នុងវិស័យអាទិភាពខាងលើ។

បញ្ជីមុខរបរទូទៅ

វិស័យពាណិជ្ជកម្ម សំដៅលើសកម្មភាពលក់ឡើងវិញ (លក់ដុំ និងលក់រាយ) ដោយគ្មានការបំប្លែងនៃផលិតផលថ្មី ឬផលិតផលប្រើប្រាស់រួច។
វិស័យសេវាកម្ម សំដៅអាជីវកម្មទាំងឡាយណាដែលទំនិញអរូបី ដូចជា សេវាដឹកជញ្ជូន សេវាកម្មភោជនីយដ្ឋាន ជាដើម។

ទំនាក់ទំនង

សូមទាក់ទងធនាគារ អេស៊ីលីដា ដើម្បីទទួលបានឥណទានដែលមានការប្រាក់ទាបសម្រាប់អាជីវកម្មរបស់លោកអ្នក៖

លោក សឹង ភន នាយកប្រតិបត្ដិឥណទាន
ទូរស័ព្ទ: ០១៥ ៨០០ ៦៧៩
អ៊ីម៉ែល: soeng.phorn@acledabank.com.kh

លោក ញ៉ែម ចំរើន អ្នកឯកទេសជាន់ខ្ពស់អភិវឌ្ឍគោលការណ៍ឥណទាន
ទូរស័ព្ទ: ០១០ ៨០០ ៣១១
អ៊ីម៉ែល: nhem.chamroeun@acledabank.com.kh

ការិយាល័យទំនាក់ទំនងអតិថិជន (បម្រើ២៤ម៉ោង)
ទូរស័ព្ទ: ០២៣ ៩៩៤ ៤៤៤ / ០១៥ ៩៩៩ ២៣៣
អ៊ីម៉ែល: inquiry@acledabank.com.kh

« ព័ត៌មានមុន
បើកគណនីធនាគារ ពីទូរស័ព្ទដៃរបស់លោកអ្នក ព័ត៌មានបន្ទាប់ »
ទាញយកកាលវិភាគសងប្រាក់ដោយខ្លួនឯង

ធនាគារ អេស៊ីលីដា បន្ត​ផ្តល់​ឥណទាន​ការប្រាក់​ទាប​សម្រាប់​ទ្រទ្រង់​សហគ្រាស​ធុន​តូច និង​មធ្យម ជំហាន​ទី២

ទំហំឥណទាន

បញ្ជីមុខរបរអាទិភាព

បញ្ជីមុខរបរទូទៅ

ទំនាក់ទំនង

ធនាគារ អេស៊ីលីដា បន្តផ្តល់ឥណទានការប្រាក់ទាបសម្រាប់ទ្រទ្រង់សហគ្រាសធុនតូច និងមធ្យម ជំហានទី២