ព័ត៌មានព័ត៌មានថ្មីៗឥណទានសម្រាប់គម្រោងសហហិរញ្ញប្បទាន ស្តារ និងជំរុញកំណើនក្នុងវិស័យទេសចរណ៍

ឥណទានសម្រាប់គម្រោងសហហិរញ្ញប្បទាន ស្តារ និងជំរុញកំណើនក្នុងវិស័យទេសចរណ៍

ថ្ងៃទី១៦ ខែមិថុនា ឆ្នាំ២០២២

នាថ្ងៃទី១៦ ខែមិថុនា ឆ្នាំ២០២២ ធនាគារ អេស៊ីលីដា បានចុះហត្ថលេខាលើកិច្ចព្រមព្រៀងស្តីពីការអនុវត្តគម្រោង សហហិរញ្ញប្បទាន ស្តារ និងជំរុញកំណើនក្នុងវិស័យទេសចរណ៍ ដោយមានការចូលរួមមូលនិធិ ៥០% ពីធនាគារសហគ្រាសធុនតូច និងមធ្យម កម្ពុជា និង ៥០% ទៀត ចូលរួមពីគ្រឹះស្ថានធនាគារ និងហិរញ្ញវត្ថុ។

គម្រោងនេះមានគោលដៅផ្តល់ហិរញ្ញប្បទានដល់ម្ចាស់អាជីវកម្មក្នុងវិស័យទេសចរណ៍ រួមមានដូចជា៖ សណ្ឋាគារ, ផ្ទះសំណាក់, ភោជនីយដ្ឋាន, ការផ្គត់ផ្គង់អាហារ និងភេសជ្ជៈ និងការផ្គត់ផ្គង់ផលិតផល-សេវាកម្មដទៃទៀត ដែលគាំទ្រឧស្សាហកម្មទេសចរណ៍ ដែលមានតម្រូវការឥណទានសម្រាប់ធ្វើប្រតិបត្តិការអាជីវកម្មឡើងវិញ កែលម្អ និងទំនើបកម្ម ពង្រីកខ្លួនបន្ថែម។

ទំហំឥណទាន៖ ផ្តល់ជូនរហូតដល់ ៦០០.០០០ ដុល្លារអាមេរិក ឬសមមូលជាប្រាក់រៀល។
អត្រាការប្រាក់៖ អតិបរមា ៦.៥០% ក្នុងមួយឆ្នាំ។
រយៈពេលខ្ចី៖ រហូតដល់ ៨ឆ្នាំ។
សោហ៊ុយឥណទាន និងសោហ៊ុយផ្សេង៖ គ្មាន។
រយៈពេលអនុគ្រោះរហូតដល់ ២៤ ខែ (សងតែការប្រាក់)។

សម្រាប់តម្រូវការប្រើប្រាស់សេវាធនាគារ អេស៊ីលីដា ឬព័ត៌មានផ្សេងៗ សូមទាក់ទងទូរស័ព្ទលេខ ០២៣ ៩៩៤ ៤៤៤ ឬ ០១៥ ៩៩៩ ២៣៣ (បម្រើ២៤ម៉ោង)។

« ព័ត៌មានមុន
ធនាគារ អេស៊ីលីដា សហការជាមួយក្រុមហ៊ុន MoneyGram ដាក់ឱ្យដំណើរការជាផ្លូវការនូវសេវាទូទាត់ឆ្លងប្រទេស តាមរយៈអេស៊ីលីដាម៉ូបាល ព័ត៌មានបន្ទាប់ »
ធនាគារ អេស៊ីលីដា សហការជាមួយក្រុមហ៊ុន Western Union ដាក់ឲ្យដំណើរការជាផ្លូវការសេវាផ្ទេរប្រាក់ឆ្លងប្រទេសតាម អេស៊ីលីដាម៉ូបាល