ព័ត៌មានព័ត៌មានថ្មីៗធនាគារ អេស៊ីលីដា ទទួលបានចំណាត់ថ្នាក់ "B+/Stable/B" ភាពរឹងមាំ និងមានស្ថិរភាពហិរញ្ញវត្ថុរយៈពេលវែង ពី Stand & Poor's

ធនាគារ អេស៊ីលីដា ទទួលបានចំណាត់ថ្នាក់ "B+/Stable/B" ភាពរឹងមាំ និងមានស្ថិរភាពហិរញ្ញវត្ថុរយៈពេលវែង ពី Stand & Poor's

ថ្ងៃទី៤ ខែវិច្ឆិកា ឆ្នាំ២០២៣

ធនាគារ អេស៊ីលីដា ភីអិលស៊ី ("ធនាគារ អេស៊ីលីដា") ជាធនាគារពាណិជ្ជទីមួយ ដែលបានបោះផ្សាយមូលបត្រកម្មសិទ្ធិ ជាសាធារណៈនៅកម្ពុជា មានកិត្តិយសសូមជម្រាបជូនដំណឹងដល់សាធារណជនមេត្តាជ្រាបថា នាថ្ងៃទី២ ខែវិច្ឆិកា ឆ្នាំ២០២៣ ធនាគារ អេស៊ីលីដា ទទួលបានរបាយការណ៍វាយតម្លៃពីភ្នាក់ងារវាយតម្លៃអន្តរជាតិ Standard & Poor's (S&P) Global Ratings ដោយរក្សានូវចំណាត់ថ្នាក់ "B+/Stable/B" ដដែល។

ការរក្សាបាននូវចំណាត់ថ្នាក់នេះសបញ្ជាក់អំពីភាពរឹងមាំ និងការរក្សាបាននូវស្ថិរភាពប្រវត្តិហិរញ្ញវត្ថុរបស់ធនាគារ អេស៊ីលីដា ក្នុងរយៈពេលវែង ជាមួយនឹងទ្រនាប់ដើមទុនគ្រប់គ្រាន់ និងរក្សាបាននូវស្ថិរភាពដើមទុនរបស់ខ្លួន សម្រាប់បង្ការនូវគ្រប់ស្ថានភាពនៃសេដ្ឋកិច្ច ពីវិបត្តិកូវីដ-១៩ និងឧបសគ្គផ្សេងៗ ជាច្រើន ក្នុងវិស័យម៉ាក្រូសេដ្ឋកិច្ច។ បន្ថែមលើនេះ ធនាគារ អេស៊ីលីដា មានមូលដ្ឋាននៃប្រាក់បញ្ញើដ៏សម្បូរបែប រួមទាំងការផ្តល់សេវាហិរញ្ញវត្ថុតាមរយៈបច្ចេកវិទ្យាឌីជីថលលេចធ្លោ និងបណ្តាញប្រតិបត្តិការទូលំទូលាយ។

កត្តាទាំងអស់នេះបានឆ្លុះបញ្ចាំងពីភាពរឹងមាំជាវិជ្ជមាននៃបណ្តាញធុរកិច្ច របស់ធនាគារ អេស៊ីលីដា និងក្រុមហ៊ុនបុត្រសម្ព័ន្ធ ចំពោះគុណភាពនៃដើមទុន ដែលអាចរក្សាបាននូវការអភិវឌ្ឍប្រកបដោយចីរភាព។

អាស្រ័យដូចបានជម្រាបជូនខាងលើ សូមសាធារណជនមេត្តាជ្រាបជាព័ត៌មាន។

« ព័ត៌មានមុន
ពានរង្វាន់ជាធនាគារឈានមុខក្នុងតំបន់អាស៊ី ព័ត៌មានបន្ទាប់ »
កម្មវិធីជំនួបធុរកិច្ច រវាងវិនិយោគិនកម្ពុជា និងជប៉ុន