ព័ត៌មានព័ត៌មានថ្មីៗធនាគារ អេស៊ីលីដា ទាំង ៧ សាខា ក្នុងរាជធានីភ្នំពេញ មានបុគ្គលិកបម្រើសេវាជូនអតិថិជន រហូតដល់ម៉ោង ៧ យប់

ធនាគារ អេស៊ីលីដា ទាំង ៧ សាខា ក្នុងរាជធានីភ្នំពេញ មានបុគ្គលិកបម្រើសេវាជូនអតិថិជន រហូតដល់ម៉ោង ៧ យប់

ថ្ងៃទី២៩ ខែធ្នូ ឆ្នាំ២០២៣

ជម្រាបជូនអតិថិជនជាទីគោរព ដើម្បីបំពេញតម្រូវការរបស់លោកអ្នកឱ្យកាន់តែប្រសើរឡើង ធនាគារ អេស៊ីលីដា នឹងបន្ថែមម៉ោងបុគ្គលិកបម្រើជូនអតិថិជន រហូតដល់ម៉ោង ៧:០០ យប់ ចំនួន ៤ សាខា បន្ថែមទៀត នៅក្នុងរាជធានីភ្នំពេញ ចាប់ពីថ្ងៃទី២ ខែមករា ឆ្នាំ២០២៤ នេះតទៅ។

សាខាដែលមានបុគ្គលិកបម្រើ ចាប់ពីថ្ងៃចន្ទ ដល់ សុក្រ ម៉ោង ៧:៣០ ព្រឹក ដល់ ៧:០០ យប់ (លើកលែងថ្ងៃឈប់សម្រាកសាធារណៈ) មាន ៤ សាខា៖

ចំណែកសាខាទាំង ៣ របស់ធនាគារ អេស៊ីលីដា នៅក្នុងផ្សារទំនើបអ៊ីអន ១, ២, ៣ មានបុគ្គលិកបម្រើរៀងរាល់ថ្ងៃ (ចន្ទ ដល់ អាទិត្យ រួមទាំងថ្ងៃឈប់សម្រាកសាធារណៈ) ចាប់ពីម៉ោង ៩:០០ ព្រឹក ដល់ ៧:០០ យប់។

ដោយឡែកសាខាផ្សេងៗទៀតនៅទូទាំងប្រទេស មានបុគ្គលិកបម្រើចាប់ពីថ្ងៃចន្ទ ដល់ សុក្រ (លើកលែងថ្ងៃឈប់សម្រាកសាធារណៈ) ចាប់ពីម៉ោង ៧:៣០ ព្រឹក ដល់ ៤:០០ រសៀល។

ការបន្ថែមម៉ោងបុគ្គលិកបម្រើនេះ មានគោលបំណងសម្រួលដល់លោកអ្នកដែលមានការងារដ៏មមាញឹក និងធានាបានថា យើងខ្ញុំនៅជាមួយលោកអ្នកគ្រប់ពេលវេលា នៅពេលដែលលោកអ្នកត្រូវការសេវាកម្មធនាគារ។ លើសពីនេះ លោកអ្នកក៏អាចប្រើសេវាកម្មឌីជីថលដ៏ទំនើបរបស់ធនាគារ អេស៊ីលីដា បានគ្រប់ពេល (២៤/៧) ដោយខ្លួនឯងផ្ទាល់។

ការប្តេជ្ញាចិត្តរបស់យើងខ្ញុំក្នុងការផ្តល់នូវសេវាកម្មដ៏ល្អឥតខ្ចោះ និងភាពងាយស្រួល នៅតែជាអាទិភាពចម្បង ហើយយើងខ្ញុំជឿជាក់ថា លោកអ្នកនឹងទទួលបានបទពិសោធន៍ដ៏ល្អជាមួយធនាគារ អេស៊ីលីដា។

យើងខ្ញុំទាំងអស់គ្នារង់ចាំបម្រើលោកអ្នក ជាមួយស្នាមញញឹមគ្រប់ពេល និងវិជ្ជាជីវៈខ្ពស់ និងសូមថ្លែងអំណរគុណយ៉ាងជ្រាលជ្រៅ ចំពោះការជឿទុកចិត្ត និងបន្តគាំទ្រធនាគារ អេស៊ីលីដា។

« ព័ត៌មានមុន
ការចូលរួមបរិច្ចាគឈាមរបស់កម្មករនិយោជិត ធនាគារ អេស៊ីលីដា ភីអិលស៊ី គ្រប់លំដាប់ថ្នាក់ ព័ត៌មានបន្ទាប់ »
ពិធីចុះហត្ថលេខារវាង ក្រសួងយុតិ្តធម៌ និងធនាគារ អេស៊ីលីដា ស្តីពីការប្រើប្រាស់សេវាកម្មធនាគារ សម្រាប់ប្រតិបត្តិការទូទាត់កម្រៃសេវាស្នើសុំព្រឹត្តបត្រថ្កោលទោស តាមប្រព័ន្ធអេឡិចត្រូនិក