ធនាគារ អេស៊ីលីដា ភីអិលស៊ី ទទួលបានពានរង្វាន់ពិសេសអាស៊ាន

ថ្ងៃទី១៧ ខែវិច្ឆិកា ឆ្នាំ២០១២

- បទពាក្យ៩ បែបជាប់ទង -

១-	រង្វាន់ថ្នាក់	សហគ្រាស	មាសឆ្នើមច្នៃ
	ចំណងដៃ	ថ្លៃអាស៊ាន	ពានពិសិដ្ឋ
	ជូនអេស៊ី	លីដាខ្មែរ	ស្នេហ៍ទុកចិត្ត
	មានក្រមក្រឹត្យ	ដ្បិតផលថ្កាន	បានពានពីរ ។

២-	ពេលតែមួយ	ស្ទួយការគាប់	ជាប់ពានទ្វេ
	ចំណោមគេ	មេក្រុមហ៊ុន	មុនគ្រប់ទី
	ខ្មែរថ្កុំថ្កើង	ឡើងកេរ្តិ៍ឈ្មោះ	យសរមណី
	ឈ្នះពានពីរ	ទីអាស៊ាន	មានឈ្មោះខ្មែរ ។

៣-	ពានមួយថ្កើង	ឡើងលាស់ឈ្មោះ	ព្រោះខ្នាតធំ
	កិច្ចការផ្គុំ	ជុំកម្លាំង	ខ្លាំងពូកែ
	ល្អលើសគេ	ទ្វេចម្រើន	កើនហូរហែ
	ចម្ការស្រែ	ខ្មែរសព្វឋាន	បានទុកចិត្ត ។

៤-	ថ្មីកំណើត	កើតការងារ	នាលោកីយ៍
	ជូនប្រុសស្រី	ក្តីចម្រើន	កើនស្នេហ៍ស្និទ្ធ
	បង្កើនការ	ស្តារកិច្ចជាប់	គាប់ពិសិដ្ឋ
	ត្រូវក្រមក្រឹត្យ	ឋិតថ្កើងថ្កាន	បានមួយទៀត ។

៥-	មោទនៈ	ទាក់ជាប់ចិត្ត	ស្អិតដោយគុណ
	រួមសាងធន	ទុនដូនតា	ការសាងជាតិ
	ថ្កើងកេរ្តិ៍ឈ្មោះ	យសស័ក្តិខ្មែរ	ថែរួមញាតិ
	មិនឃ្លាឃ្លាត	ជាតិជាខ្មែរ	ស្នេហ៍ស្ម័គ្រស្មោះ ។

៦-	គ្រប់លំដាប់	ត្រាប់ចំណូល	ចូលរួមការ
	ចិត្តជ្រះថ្លា	ការមូលមិត្ត	ពិតស្រាយស្រស់
	នាទីការ	ថ្លាអារម្មណ៍	សមទាំងអស់
	ផលឥតខ្ចោះ	ស្មោះគ្រប់ឋាន	បានពានមាស ។