នាទីការងារ និង សីលធម៌

- បទព្រហ្មគីតិ -

*	ធ្វើការតាមនាទី	រួមសម្ភីដោយស្មោះសរ
	រក្សាសីលបវរ	ការងារល្អស្មារតីមាន ។

*	ប្រយ័ត្នមិនប្រមាថ	ការបង់ខាតដូចចោលទាន
	ឆ្លងគ្រោះអស់ធនធាន	រោគអត់ឃ្លានគ្មានឡើយណា ។

*	ចង់ឈ្នះឈ្នះខ្លួនឯង	ចេះកោតក្រែងមិត្តញាតិសា
	គោរពនាទីការ	គេឯងណាមិនបំពាន ។

*	ការងារធ្វេសប្រហែស	ល្ងង់ធ្វើចេះខ្សោយធ្វើហ៊ាន
	ការគេប្រឹងទិតៀន	ក្រធ្វើមានមិនគិតខ្លួន ។

*	សាងខ្លួនឱ្យប្រសើរ	ទោះដេកដើរឱ្យមាំមួន
	គោរពនាទីខ្លួន	ល្អសមសួនមានតម្លៃ ។

*	ប្រឹងប្រែងលះកម្ជិល	លះរមិលទើបថ្លាថ្លៃ
	ព្យាយាមការរាល់ថ្ងែ	ចេះសំចៃបានខ្ពង់ខ្ពស់ ។

*	រក្សាទ្រព្យរកបាន	ឱ្យថ្កើងថ្កានមានកេរ្តិ៍ឈ្មោះ
	ចាយវាយគិតរម្លស់	អាសូរពោះក្រែងអត់ឃ្លាន ។

*	សេពគប់សព្វទីឋាន	សូមឱ្យបានតែមិត្តល្អ
	កល្យាណស្ម័គ្រស្មោះសរ	ជួយគ្រាក្រគ្រប់ទិសា ។

*	រស់រានមានសិរី	កុំធ្វើអ្វីក្រៅតម្រា
	ស្របច្បាប់សព្វកិច្ចការ	សោយសុខាមិនខ្វាយខ្វល់ ។

*	បណ្តាំចាំគ្រប់បទ	ចេះប្រាកដផុតកង្វល់
	កិច្ចការជាកុសល	ជំនាញដល់សល់ផលា ។

*	សាងកាយវាចាចិត្ត	ឱ្យល្អល្អិតទ្រព្យអាត្មា
	គំរូក្នុងលោកា	គ្រប់គ្រួសារមានមង្គល ។

	ប្រឹងប្រែងប្រាសខ្ជិលកើតទ្រព្យា	ខ្ជិលទុក្ខវេទនាក្រត្រាំត្រែង
	រក្សាទុកដាក់ទ្រព្យធនឯង	ចាយវាយចាត់ចែងតាមផែនការ ។