សាងចិត្តឱ្យល្អ

- បទពាក្យ៧ -

១-	អ្នកមានខ្ពង់ខ្ពស់យសស័ក្តិធំ	ផលបានផ្សំផ្គុំប្រឹងធ្វើការ
	មិនលួចបន្លំពីនរណា	យើងគួរសិក្សារៀនត្រាប់តាម ។

២-	ឈ្នានីសច្រណែនមិនគប្បី	ចិត្តជួគិតខ្លីលោកហាមប្រាម
	ឃើញគេបវរត្រូវធ្វើតាម	ឈ្នានីសដិតដាមកុំឱ្យមាន ។

៣-	ការងារឱ្យផលតាមអ្នកធ្វើ	តិចច្រើនទង្វើគឺជាស្ពាន
	ខ្លះធ្វើបានក្រខ្លះបានមាន	អ្នកក្រអត់ឃ្លានអ្នកមានជួយ ។

៤-	អំណរសព្វសត្វដែលបានសុខ	ជួយឱ្យស្រណុកផុតទុក្ខព្រួយ
	អ្នកមានឃើញក្រផ្តល់ជំនួយ	ក្របានគេជួយបានរីករាយ ។

ជំនួយស្មារតី : អប់រំចិត្តឱ្យល្អដើម្បីទទួលបានផលល្អពីការងារ និងធ្វើឱ្យមនុស្សគ្រប់លំដាប់ចេះស្រឡាញ់រាប់រកគ្នា ដើម្បីសេចក្តីសុខក្នុងសង្គមការងារ និងសង្គមជាតិ ។