ផលិតផល និងសេវាក្រុមហ៊ុនសេវាផ្ទេរប្រាក់សេវាផ្ទេរប្រាក់ក្នុងស្រុក

សេវាផ្ទេរប្រាក់ក្នុងស្រុក

កាលពីមុនបើនិយាយពីការផ្ទេរប្រាក់ពីកន្លែងមួយទៅកន្លែងមួយទៀតក្នុងប្រទេសកម្ពុជា គឺមានន័យថាលោកអ្នកត្រូវដឹកជញ្ជូនតាមរយៈមធ្យោបាយដឹកជញ្ជូនផ្សេងដែលមានហានិភ័យខ្ពស់ និងចំណាយពេលវេលាយូរ ។ អ្វីដែលលោកអ្នករំពឹងចង់បាន ឥឡូវនេះធនាគារអេស៊ីលីដា ភីអិលស៊ី ដែលមានបណ្ដាញប្រតិបត្តិការធំទូលាយជាងគេក្នុងព្រះរាជាណាចក្រកម្ពុជា បានប្រើបច្ចេកវិជ្ជាលំដាប់ថ្នាក់អន្តរជាតិ ដើម្បីផ្តល់នូវដំណោះស្រាយមួយជូនលោកអ្នក ។ សេវាផ្ទេរប្រាក់ក្នុងស្រុករបស់ ធនាគារ អេស៊ីលីដា អាចផ្ទេរប្រាក់របស់លោកអ្នកដោយសុវត្ថិភាព និងលឿនរហ័សទាន់ចិត្ត ទូទាំងគ្រប់ខេត្ត-រាជធានី ក្នុងព្រះរាជាណាចក្រកម្ពុជា ដោយចំណាយសោហ៊ុយតិចបំផុត ។

លោកអ្នកអាចផ្ទេរជាប្រាក់រៀល ប្រាក់ដុល្លារអាមេរិក ប្រាក់បាត ប្រាក់អឺរ៉ូ ប្រាក់ដុងវៀតណាម ប្រាក់ដុល្លារអូស្ត្រាលី ឬប្រាក់ដុល្លារកាណាដា ទៅវិញទៅមករវាងសាខាធនាគារអេស៊ីលីដា គ្រប់ខេត្ត-រាជធានី និងទៅធនាគារផ្សេងៗទៀត ។ ការផ្ទេរអាចធ្វើឡើងជាសាច់ប្រាក់ ឬតាមរយៈគណនី នៅធនាគារអេស៊ីលីដា ភីអិលស៊ី ។ ដោយមានជំនួយពីបច្ចេកវិជ្ជាព័ត៌មានលំដាប់ថ្នាក់ពិភពលោក ប្រតិបត្តិការលើបណ្ដាញ លោកអ្នកនឹងប្រាកដក្នុងចិត្តថា ធនាគារ អេស៊ីលីដា ផ្តល់ជូនលោកអ្នកនូវសេវារហ័សទាន់ចិត្ត និងជឿទុកចិត្តបាន ។

*** លោកអ្នកអាចក៏ផ្ទេរប្រាក់តាម អេធីអឹមអេស៊ីលីដា, អេស៊ីលីដាអ៊ីនធើណែត, និងអេស៊ីលីដាម៉ូបាល (គណនីវ៉លឡេត និងគណនីធនាគារ អេស៊ីលីដា, គណនីជួញដូរ, គណនីវីង, គណនីលីហួរ វេរលុយ, ប្រព័ន្ធរីធែលផេ, ប្រព័ន្ធបាគង ។ល។)។

របៀបផ្ទេរប្រាក់

សូមទាក់ទងមកភ្នាក់ងារបម្រើអតិថិជននៅសាខាធនាគារអេស៊ីលីដា ដើម្បីទទួលបានព័ត៌មានលម្អិត
បំពេញពាក្យស្នើសុំផ្ទេរប្រាក់ដ៏ងាយស្រួល ហើយខ្លី
បញ្ជាក់ប្រាប់ដល់បុគ្គលិកធនាគារអេស៊ីលីដា នូវ ៖

ឈ្មោះ និងលេខគណនីរបស់អ្នកទទួល (ករណីអ្នកទទួលមានគណនីជាមួយនឹងធនាគារអេស៊ីលីដា)
ឈ្មោះ លេខអត្តសញ្ញាណប័ណ្ណ ឬឯកសារផ្សេងទៀតដែលបញ្ជាក់ពីអត្តសញ្ញាណរបស់អ្នកទទួល (ករណីអ្នកទទួលមិនមានគណនីជាមួយនឹងធនាគារអេស៊ីលីដា)

ផ្តល់ព័ត៌មានដល់អ្នកទទួលអំពីចំនួនប្រាក់ដែលលោកអ្នកបានផ្ទេរ ហើយក្នុងរយៈពេលប៉ុន្មាននាទីក្រោយមក ដែលអ្នកទទួលអាចទទួលប្រាក់នៅសាខាធនាគារអេស៊ីលីដា ។

របៀបទទួលប្រាក់

អញ្ជើញមកសាខាធនាគារអេស៊ីលីដា ហើយផ្តល់ព័ត៌មានដល់បុគ្គលិកយើងខ្ញុំអំពីចំនួនទឹកប្រាក់ និងឈ្មោះរបស់អ្នកដែលបានផ្ញើប្រាក់មកលោកអ្នក
បង្ហាញអត្តសញ្ញាណប័ណ្ណ ឬឯកសារសម្គាល់ខ្លួនផ្សេងៗ ទៅឱ្យបុគ្គលិកធនាគារ
បន្ទាប់ពីធ្វើការផ្ទៀងផ្ទាត់លើប្រព័ន្ធកុំព្យូទ័រហើយ បុគ្គលិកធនាគារអេស៊ីលីដា នឹងរៀបចំបើកប្រាក់ជូនលោកអ្នក ។

កម្រៃសេវា

បរិយាយ	កម្រៃសេវា
ផ្ទេរប្រាក់រវាងសាខារបស់ធនាគារ អេស៊ីលីដា ក្នុងប្រទេសកម្ពុជា	មិនគិតថ្លៃ
ផ្ទេរប្រាក់ទៅធនាគារផ្សេងក្នុងប្រទេសកម្ពុជា
ស្ថិតក្នុងតំបន់តែមួយជាមួយសាខារបស់ធនាគារ អេស៊ីលីដា	០,០៥%, អប្បបរមា ៣ដុល្លារ ឬសមមូល^[1]
ស្ថិតនៅតំបន់ផ្សេងគ្នាពីសាខារបស់ធនាគារ អេស៊ីលីដា	[1] + ថ្លៃសេវាផ្ទេរប្រាក់ក្នុងស្រុក (០,១%, អប្បបរមា ១ដុល្លារ ឬសមមូល)

ថ្លៃសេវាខាងលើនេះ គឺសម្រាប់ជម្រាបជូនជាព័ត៌មានប៉ុណ្ណោះ និងអាចមានការកែប្រែ ។ សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងជាមួយនឹងសាខារបស់យើងខ្ញុំ ដែលមានទីតាំងនៅជិតលោកអ្នកបំផុត ឬក៏ទាក់ទងមកការិយាល័យទំនាក់ទំនងអតិថិជន ។

សេវា​ផ្ទេរ​ប្រាក់​ក្នុង​ស្រុក

របៀប​ផ្ទេរ​ប្រាក់

របៀប​ទទួល​ប្រាក់

កម្រៃ​សេវា

សេវាផ្ទេរប្រាក់ក្នុងស្រុក

របៀបផ្ទេរប្រាក់

របៀបទទួលប្រាក់

កម្រៃសេវា