ព័ត៌មានព័ត៌មានថ្មីៗវិញ្ញាបនបត្រសមិទ្ធកម្ម ពីធនាគារស្តាន់ដាឆាតទើរែត

ធនាគារអេស៊ីលីដា ទទួលវិញ្ញាបនបត្រសមិទ្ធកម្ម ពីធនាគារស្តាន់ដាឆាតទើរែត

ថ្ងៃទី៣១ ខែមករា ឆ្នាំ២០០៧

វិញ្ញាបនបត្រសមិទ្ធកម្ម ពីធនាគារស្តាន់ដាឆាតទើរែត

នៅថ្ងៃទី៣១ ខែមករា ឆ្នាំ២០០៧ នារាជធានីភ្នំពេញ, ធនាគារអេស៊ីលីដា ភីអិលស៊ី បានទទួលវិញ្ញាបនបត្រសមិទ្ធកម្ម ពីធនាគារស្តាន់ដាឆាតទើរែត នៅទីក្រុងញូយ៉ក សម្រាប់គុណភាពដ៏ឆ្នើមនៃសេវាទូទាត់ និងកម្រិតដំណើរការដោយស្វ័យប្រវត្តិ នៅឆ្នាំ២០០៦ ។ វិញ្ញាបនបត្រនេះត្រូវបានចុះហត្ថលេខាយ៉ាងឧត្តុងឧត្តមដោយ Ken A. Stratton ប្រធានប្រតិបត្តិការធនាគារប្រចាំតំបន់ និង Dulce Laranjeira នាយកប្រតិបត្តិការធនាគារ ។

នេះជាកិត្តិយសដ៏ខ្ពង់ខ្ពស់ដែលធនាគារអេស៊ីលីដា ទទួលបានពីធនាគារស្តាន់ដាឆាតទើរែត សម្រាប់ការងារ និងការគាំទ្រជាបន្តបន្ទាប់របស់យើងខ្ញុំ ហើយវាក៏ជាភស្តុតាងដ៏សំខាន់មួយថែមទៀត សម្រាប់អតិថិជនរបស់យើងខ្ញុំ ដើម្បីប្រើប្រាស់សេវាកម្មរបស់ធនាគារអេស៊ីលីដា ។

ធនាគារស្តាន់ដាឆាតទើរែត មានវត្តមាននៅក្នុងទីផ្សារទិញលក់ហ៊ុនពីរកន្លែង នៅទីក្រុងឡុងដ៏ និងហុងកុង ហើយតែងតែស្ថិតក្នុងក្រុមហ៊ុនកំពូល២៥ ក្នុងចំណោម ១០០ក្រុមហ៊ុន របស់ FTSE ដោយមូលធនកម្មទីផ្សារ ។ ស្តាន់ដាឆាតទើរែត ជាធនាគារដែលមានប្រវត្តិជាង ១៥០ឆ្នាំមកហើយ និងធ្វើប្រតិបត្តិការជាច្រើនក្នុងទីផ្សាររីកចម្រើនលឿនបំផុតលើពិភពលោក ជាមួយនឹងបណ្ដាញប្រតិបត្តិការធំទូលាយ ចំនួនជាង ១.៤០០សាខា ទូទាំងពិភពលោក (រួមមានសាខា, ដៃគូពាណិជ្ជកម្ម, និងក្រុមហ៊ុនចូលហ៊ុនគ្នា) នៅក្នុងប្រទេសជាង ៥០ ក្នុងតំបន់អាស៊ីប៉ាស៊ីហ្វិក, អាស៊ីខាងត្បូង, មជ្ឈឹមបូព៌ា, អាហ្វ្រិក, អង់គ្លេស និងអាមេរិក ។ ស្តាន់ដាឆាតទើរែត គឺជាធនាគារអន្តរជាតិដ៏ល្បីមួយលើពិភពលោក ដែលមានបុគ្គលិកជិត ៥៥.០០០នាក់ តំណាងឱ្យជាង ៩០សញ្ជាតិ ទូទាំងពិភពលោក ។ ភាពចំរុះគ្នានេះជាតម្លៃមួយដ៏សំខាន់របស់ធនាគារ និងគាំទ្រការរីកលូតលាស់របស់ធនាគារ ខណៈដែលពិភពលោកកាន់តែបង្កើនការធ្វើសមាហរណកម្មទីផ្សារតែមួយ ។

« ព័ត៌មានមុន
ធនាគារ អេស៊ីលីដា ភីអិលស៊ី បង្កើនការការពារទ្រព្យសម្បត្តិរបស់អតិថិជន ព័ត៌មានបន្ទាប់ »
ធនាគារអេស៊ីលីដា ភីអិលស៊ី ចូលរួមក្នុងកម្មវិធីហិរញ្ញប្បទានពាណិជ្ជកម្មពិភពលោក

ធនាគារ​អេស៊ីលីដា ទទួល​វិញ្ញាបនបត្រ​សមិទ្ធកម្ម ពី​ធនាគារ​ស្តាន់ដាឆាតទើរែត

ធនាគារអេស៊ីលីដា ទទួលវិញ្ញាបនបត្រសមិទ្ធកម្ម ពីធនាគារស្តាន់ដាឆាតទើរែត