ព័ត៌មានព័ត៌មានថ្មីៗវិញ្ញាបនបត្រសរសើរ សម្រាប់ការបម្រើសេវាទូទាត់ជាសកលនិងសេវាគ្រប់គ្រងសាច់ប្រាក់ ពីធនាគារ HSBC

វិញ្ញាបនបត្រសរសើរ សម្រាប់ការបម្រើសេវាទូទាត់ជាសកលនិងសេវាគ្រប់គ្រងសាច់ប្រាក់ ពីធនាគារ HSBC

ថ្ងៃទី១៩ ខែកុម្ភៈ ឆ្នាំ២០០៧

នៅថ្ងៃទី១៩ ខែកុម្ភៈ ឆ្នាំ២០០៧ ធនាគារ HSBC នៅសហរដ្ឋអាមេរិក បានប្រគល់វិញ្ញាបនបត្រសរសើរឆ្នាំ២០០៦ សម្រាប់ការបម្រើសេវាទូទាត់ជាសកល និងសេវាគ្រប់គ្រងសាច់ប្រាក់ ដល់ធនាគារអេស៊ីលីដា ភីអិលស៊ី ដែលជាធនាគារពាណិជ្ជនាំមុខគេនៅក្នុងប្រទេសកម្ពុជា ។ វិញ្ញាបនបត្រនេះត្រូវបានចុះហត្ថលេខាដោយលោក Hersel Mehani អនុប្រធានជាន់ខ្ពស់ និងលោក Michael B. Gallagher អនុប្រធាននាយកប្រតិបត្តិ ។

ដោយមានធនាគារ HSBC ជាដៃគូពាណិជ្ជកម្ម ធនាគារអេស៊ីលីដា បានពង្រីកសេវាធនាគារយ៉ាងខ្លាំងទៅដល់អតិថិជនរបស់ធនាគារទាំងក្នុងនិងក្រៅប្រទេស ជាមួយនឹងបណ្តាញប្រតិបត្តិការ ១៦០ការិយាល័យនិងសាខា ទូទាំង២៤េខត្ត-រាជធានីក្នុងប្រទេសកម្ពុជា និងបន្តពង្រីកទៅកាន់ប្រទេសជិតខាងនានាថែមទៀត ។

HSBC គឺជាស្ថាប័នធនាគារ និងផ្តល់សេវាហិរញ្ញវត្ថុយ៉ាងធំនៅលើពិភពលោក និងមានការិយាល័យកណ្តាលនៅទីក្រុងឡុងដ៍ ។ ធនាគារ HSBC មានបណ្តាញប្រតិបត្តិការជាអន្តរជាតិជាង ៩.៥០០ការិយាល័យ នៅក្នុង៧៦ប្រទេស ក្នុងតំបន់អឺរ៉ុប អាស៊ីប៉ាស៊ីហ្វិក អាមេរិក មជ្ឈឹមបូព៌ា និងអាហ្រ្វិក ដែលមានវត្តមាននៅក្នុងទីផ្សារទិញលក់ហ៊ុននៅទីក្រុងឡុងដ៍ ហុងកុង ញូយ៉ក ប៉ារីស និងប៊ែមូដា ។ ធនាគារ HSBC មានភាគហ៊ុននៅក្នុង HSBC Holding plc កាន់កាប់ដោយភាគហ៊ុនិកជាង ២០០.០០០ នៅក្នុង១០០ប្រទេសនិងតំបន់ ។ ហ៊ុនទាំងនោះត្រូវបានធ្វើអាជីវកម្មនៅក្នុងទីផ្សារទិញលក់ហ៊ុនទីក្រុងញូយ៉ក (NYSE) ក្នុងទម្រង់ជាវិក្កយបត្របញ្ញើ-សន្សំអាមេរិក (American Depository Receipts) ។

« ព័ត៌មានមុន
ធនាគារអេស៊ីលីដា ភីអិលស៊ី ចូលរួមក្នុងកម្មវិធីហិរញ្ញប្បទានពាណិជ្ជកម្មពិភពលោក ព័ត៌មានបន្ទាប់ »
ធនាគារអេស៊ីលីដា ភីអិលស៊ី ចាប់បម្រើសេវាអេធីអឹម

វិញ្ញាបនបត្រ​សរសើរ សម្រាប់​ការ​បម្រើ​សេវា​ទូទាត់​ជា​សកល​និង​សេវា​គ្រប់គ្រង​សាច់ប្រាក់ ពី​ធនាគារ HSBC

វិញ្ញាបនបត្រសរសើរ សម្រាប់ការបម្រើសេវាទូទាត់ជាសកលនិងសេវាគ្រប់គ្រងសាច់ប្រាក់ ពីធនាគារ HSBC