USD
THB
EUR
AUD
VND
CAD
LAK
JPY
GBP
CNY
navigate_nextព័ត៌មានnavigate_nextព័ត៌មានថ្មីៗnavigate_nextធនាគារអេស៊ីលីដា ចាប់បម្រើសេវាអេធីអឹម
ធនាគារអេស៊ីលីដា ភីអិលស៊ី ចាប់បម្រើសេវាអេធីអឹម
ថ្ងៃទី១៨ ខែឧសភា ឆ្នាំ២០០៧
នៅថ្ងៃទី១៨ ខែឧសភា ឆ្នាំ២០០៧ ធនាគារអេស៊ីលីដា ភីអិលស៊ី ចាប់បម្រើសេវាអេធីអឹមដល់អតិថិជនជាសាធារណៈ តាមរយៈប័ណ្ណអេស៊ីលីដា ក្នុងថ្ងៃជាមួយគ្នានឹងពិធីសម្ពោធអគារការិយាល័យកណ្តាលថ្មីរបស់ខ្លួន ដែលស្ថិតនៅលើមហាវិថីព្រះមុនីវង្ស រាជធានីភ្នំពេញ ។ ម៉ាស៊ីនដកប្រាក់ដោយស្វ័យប្រវត្តិអេធីអឹមត្រូវបានដាក់ពង្រាយនៅតាមបណ្តាសាខាធនាគារអេស៊ីលីដា ចំនួន២០គ្រឿង ក្នុងនោះនៅរាជធានីភ្នំពេញចំនួន១១គ្រឿង ក្រុងព្រះសីហនុចំនួន១គ្រឿង ខេត្តសៀមរាបចំនួន២គ្រឿង ខេត្តបន្ទាយមានជ័យចំនួន៣គ្រឿង (២គ្រឿងក្នុងឃុំប៉ោយប៉ែត) និងនៅខេត្តកំពង់ចាម បាត់ដំបង រតនគិរី ចំនួន១គ្រឿងៗទៀត ហើយបន្តពង្រីកបន្ថែមទៀតទៅកាន់សាខា Online ដែលនៅសល់ផ្សេងទៀត ដើម្បីបម្រើអតិថិជន និងសាធារណជន ២៤ម៉ោងក្នុង១ថ្ងៃ និង៧ថ្ងៃក្នុង១សប្តាហ៍ រួមទាំងថ្ងៃឈប់សម្រាកបុណ្យជាតិ និងថ្ងៃឈប់សម្រាកសាធារណៈ ។
ប័ណ្ណអេស៊ីលីដា មានទំហំតូច ងាយស្រួលដាក់តាមខ្លួន និងផ្តល់ជូនដោយឥតគិតថ្លៃ សម្រាប់លោកអ្នកត្រូវការដកសាច់ប្រាក់ភ្លាមៗ ស្ទើរទូទាំងប្រទេសពីម៉ាស៊ីនអេធីអឹមរបស់ធនាគារអេស៊ីលីដា ។ លោកអ្នកអាចដកប្រាក់ពីម៉ាស៊ីនអេធីអឹមបានរហូតដល់ ១.០០០ដុល្លារអាមេរិកក្នុងមួយថ្ងៃ ហើយក្នុងពេលឆាប់ៗនេះ អតិថិជនរបស់យើងអាចដកជាប្រាក់រៀល និងប្រាក់បាតបានថែមទៀតផង ។
