ព័ត៌មានព័ត៌មានថ្មីៗធនាគារអេស៊ីលីដា ដាក់ឱ្យដំណើរការប័ណ្ណឥណពន្ធវីសា

ធនាគារអេស៊ីលីដា ដាក់ឱ្យដំណើរការប័ណ្ណឥណពន្ធវីសា

ថ្ងៃទី០១ ខែកក្កដា ឆ្នាំ២០០៨

ធនាគារអេស៊ីលីដា ចាប់ផ្ដើមបម្រើជូនអតិថិជននូវប័ណ្ណឥណពន្ធវីសាអេស៊ីលីដា ដែលផ្ដល់ជូនអត្ថប្រយោជន៍កាន់តែច្រើន។ ប័ណ្ណឥណពន្ធវីសាអេស៊ីលីដា ដែលជាប្រភេទប័ណ្ណប្លាស្ទីកអេឡិចត្រូនិកមានសុវត្ថិភាពខ្ពស់ ផលិតឡើងតាមបច្ចេកវិជ្ជាទំនើប និងមានប្រព័ន្ធបទដ្ឋាន EMV (Europay, Master និង VISA) / Memory Chip ដែលមិនអាចក្លែងបន្លំបាន ។ នៅលើប័ណ្ណឥណពន្ធវីសាអេស៊ីលីដា មានស្លាកសញ្ញាធនាគារអេស៊ីលីដា និងស្លាកសញ្ញា VISA ដែលប័ណ្ណនេះផលិតដោយធនាគារអេស៊ីលីដា ដើម្បីបម្រើជូនលោកអ្នកក្នុងការដកប្រាក់នៅតាមម៉ាស៊ីនអេធីអឹម និងទូទាត់ថ្លៃទំនិញ-សេវាកម្មតាមម៉ាស៊ីនឆូតកាត (POS) នៅតាមហាងនានាដែលមានស្លាកសញ្ញាVISA នៅទូទាំងប្រទេស និងពាសពេញពិភពលោក ។

អត្ថប្រយោជន៍របស់ប័ណ្ណឥណពន្ធវីសាអេស៊ីលីដា

ទូទាត់រាល់ការចំណាយផ្សេងៗ និងដកប្រាក់បានឆាប់រហ័ស តាមម៉ាស៊ីនឆូតកាត និងម៉ាស៊ីនអេធីអឹមដែលមានស្លាកសញ្ញា VISA នៅទូទាំងប្រទេស និងពាសពេញពិភពលោក ។
ធានាសុវត្ថិភាពខ្ពស់មិនបារម្ភរក្សាសាច់ប្រាក់ជាប់ខ្លួន ។
បញ្ជាទិញទំនិញ ឬសេវាកម្មតាម Internet, ធានាក្នុងការកក់បន្ទប់សណ្ឋាគារ ឬការធ្វើទេសចរណ៍ ។ល។ នៅទូទាំងប្រទេស និងពាសពេញពិភពលោក ។

ជាមួយគ្នានេះដែរ លោកអ្នកដែលប្រើប្រាស់ប័ណ្ណវីសាគ្រប់ប្រភេទ នៅទូទាំងប្រទេសនិងពាសពេញពិភពលោក អាចធ្វើប្រតិបត្តិការដកប្រាក់ ឬឆែកសមតុល្យគណនី ជាមួយនឹងម៉ាស៊ីនឆូតកាតអេស៊ីលីដា ឬម៉ាស៊ីនអេធីអឹមអេស៊ីលីដាបាន ។ ម៉ាស៊ីនឆូតកាត និងម៉ាស៊ីនអេធីអឹមអេស៊ីលីដា នៅតាមសាខា និងតាមហាងទំនិញនានា ទូទាំងប្រទេសកំពុងត្រូវបានបំពាក់បន្ថែមនូវប្រព័ន្ធបទដ្ឋាន EMV/Memory Chip ជាបន្តបន្ទាប់ ដើម្បីរង់ចាំបម្រើប័ណ្ណវីសាគ្រប់ប្រភេទ ។

សម្រាប់ព័ត៌មានបន្ថែមសម្រាប់សេវាប័ណ្ណឥណពន្ធវីសាអេស៊ីលីដា សូមចុចទីនេះ ។

ទីតាំងម៉ាស៊ីនអេធីអឹមដែលអាចប្រើប្រាស់ជាមួយប័ណ្ណវីសា

ទីតាំងម៉ាស៊ីនឆូតកាតដែលអាចប្រើប្រាស់ជាមួយនឹងប័ណ្ណវីសា

« ព័ត៌មានមុន
ម៉ាស៊ីនអេធីអឹមរបស់ធនាគារអេស៊ីលីដា បានដំឡើងទូទាំងប្រទេស ព័ត៌មានបន្ទាប់ »
ធនាគារអេស៊ីលីដា សម្ពោធទីតាំងថ្មី សាខាខេត្តកោះកុង

ធនាគារ​អេស៊ីលីដា ដាក់ឱ្យ​ដំណើរ​ការ​ប័ណ្ណ​ឥណពន្ធ​វីសា​

អត្ថ​ប្រយោជន៍​របស់​ប័ណ្ណ​ឥណពន្ធ​វីសា​អេស៊ីលីដា

ធនាគារអេស៊ីលីដា ដាក់ឱ្យដំណើរការប័ណ្ណឥណពន្ធវីសា

អត្ថប្រយោជន៍របស់ប័ណ្ណឥណពន្ធវីសាអេស៊ីលីដា