ព័ត៌មានព័ត៌មានថ្មីៗពិធីសម្ពោធទីតាំងថ្មី សាខាខេត្តកោះកុង

ធនាគារអេស៊ីលីដា បើកសាខាថ្មីទីមួយនៅប្រទេសឡាវ

ថ្ងៃទី០៨ ខែកក្កដា ឆ្នាំ២០០៨

ធនាគារអេស៊ីលីដា ឡាវ

ធនាគារអេស៊ីលីដា ដែលជាធនាគារពាណិជ្ជធំជាងគេមួយរបស់កម្ពុជា ថ្ងៃនេះបានបើកសាខាដំបូងរបស់ខ្លួននៅប្រទេសឡាវ ។

លោក អ៊ិន ចាន់នី ប្រធាននាយកប្រតិបត្តិ ធនាគារអេស៊ីលីដា បានមានប្រសាសន៍ថា នេះគឺជាជំហានដំបូងដែលធនាគារនៃប្រទេសកម្ពុជាបានចាប់ផ្តើមវិនិយោគជាផ្លូវការនៅក្រៅប្រទេស គឺប្រទេសឡាវ និងមានគម្រោងបើកសាខាចំនួនបី នៅក្នុងឆ្នាំនេះ ។ ដើមទុនសរុបចំនួន ១០លានដុល្លារអាមេរិក បានវិនិយោគដើម្បីបើកសាខាទាំងបីនេះ ហើយមានបុគ្គលិកខ្មែរ ១២នាក់ និងឡាវ ៨០នាក់ កំពុងបម្រើការងារ ។

លោក អ៊ិន ចាន់នី បានបន្តទៀតថា យើងបើកសាខាទៅបរទេស ដោយសារយើងទទួលបានជោគជ័យនៅក្នុងប្រទេសកម្ពុជារួចហើយ ម្យ៉ាងទៀតយើងសង្ឃឹមថានឹងទទួលបានអត្ថប្រយោជន៍ជាច្រើនពីការបើកសាខានៅប្រទេសឡាវនេះ ពីព្រោះស្ថានភាពសេដ្ឋកិច្ច វប្បធម៌ និងការរីកចម្រើនដ៏ល្អផ្នែកទីផ្សាររបស់ប្រទេសឡាវ ស្រដៀងគ្នានឹងប្រទេសកម្ពុជាដែរ ។

លោកបានបន្តទៀតថា បច្ចុប្បន្នធនាគារអេស៊ីលីដា មានដើមទុនជាង ៥០លានដុល្លារអាមេរិក និងមានគម្រោងបើកសាខាតាមប្រទេសនៅអាស៊ីអាគ្នេយ៍ និងប្រទេសដទៃទៀត ដែលស្ថិតនៅក្នុងមហាអនុតំបន់ទន្លេមេគង្គ ។ បច្ចុប្បន្នគម្រោងរយៈពេលវែងរបស់យើង គឺប្រែក្លាយធនាគារអេស៊ីលីដា ឱ្យទៅជាធនាគារប្រចាំតំបន់ ។ យើងនឹងបន្តពង្រីកបណ្តាញប្រតិបត្តិការទៅប្រទេសចិន និងវៀតណាមផងដែរ ។ លោកបានចាត់ទុកការរីកលូតលាស់របស់ធនាគារអេស៊ីលីដានេះ ជាមោទនភាពថ្មីមួយរបស់កម្ពុជា ។

« ព័ត៌មានមុន
ធនាគារអេស៊ីលីដា សម្ពោធទីតាំងថ្មី សាខាខេត្តកោះកុង ព័ត៌មានបន្ទាប់ »
ធនាគារអេស៊ីលីដា ឡាវ ចាប់ផ្តើមប្រតិបត្តិការ

ធនាគារ​អេស៊ីលីដា បើក​សាខា​ថ្មី​ទីមួយ​នៅ​ប្រទេស​ឡាវ

ធនាគារអេស៊ីលីដា បើកសាខាថ្មីទីមួយនៅប្រទេសឡាវ