USD
THB
EUR
AUD
VND
CAD
LAK
JPY
GBP
CNY
navigate_nextព័ត៌មានnavigate_nextព័ត៌មានថ្មីៗnavigate_nextធនាគារអេស៊ីលីដា បានទទួលហិរញ្ញប្បទានឥតសំណង
ធនាគារអេស៊ីលីដា ភីអិលស៊ី បានទទួលហិរញ្ញប្បទានឥតសំណង
ថ្ងៃទី១៩ ខែធ្នូ ឆ្នាំ២០០៨
ភ្នំពេញ, ថ្ងៃទី១៩ ខែធ្នូ ឆ្នាំ២០០៨ ៖ ធនាគារអេស៊ីលីដា ភីអិលស៊ី ជាធនាគារលក់រាយឈានមុខគេនៅប្រទេសកម្ពុជា បច្ចុប្បន្នមានទ្រព្យសកម្មសរុបចំនួន ៦៧៧លានដុល្លារអាមេរិក និងមានដើមទុនសរុបលើសពី ៨៥លានដុល្លារអាមេរិក ដែលកំពុងធ្វើប្រតិបត្តិការនៅតាមបណ្តាសាខា និងការិយាល័យចំនួន ២២០ ទូទាំងគ្រប់ខេត្ត-រាជធានីនៃព្រះរាជាណាចក្រកម្ពុជា បានប្រកាសនៅថ្ងៃនេះថា បានទទួលហិរញ្ញប្បទានឥតសំណងចំនួន ៦១០.០០០អឺរ៉ូ ពីសាធារណរដ្ឋសហព័ន្ធអាល្លឺម៉ង់ តាមរយៈ KfW ។ ហិរញ្ញប្បទានឥតសំណងនេះ នឹងប្រើប្រាស់សម្រាប់គាំទ្រមជ្ឈមណ្ឌលបណ្តុះបណ្តាលមីក្រូហិរញ្ញវត្ថុអាស៊ាន ដែលនឹងចាត់ចែង និងគ្រប់គ្រងដោយធនាគារអេស៊ីលីដា ភីអិលស៊ី ជាពិសេសសម្រាប់ចំណាយលើការទិញឧបករណ៍សម្ភារៈ, ការបណ្តុះបណ្តាល, សេវាទីប្រឹក្សាអន្តរជាតិ និងការកសាងសមត្ថភាពសាស្ត្រាចារ្យ ។
លោក អ៊ិន ចាន់នី ប្រធាននាយកប្រតិបត្តិ ធនាគារអេស៊ីលីដា ភីអិលស៊ី បានមានប្រសាសន៍ថា "វាជាមហាកិត្តិយសរបស់ព្រះរាជាណាចក្រកម្ពុជា ជាពិសេស ធនាគារអេស៊ីលីដា ភីអិលស៊ី ដែលត្រូវបានជ្រើសរើសជាភ្នាក់ងារប្រតិបត្តិគម្រោង មជ្ឈមណ្ឌលបណ្តុះណ្តាលមីក្រូហិរញ្ញវត្ថុ អេស៊ីលីដា-អាស៊ាន ។ មជ្ឈមណ្ឌលនេះ នឹងផ្តល់ការបណ្តុះបណ្តាលដល់អ្នកបង្កើតគោលការណ៍ច្បាប់, ប្រតិបត្តិករ និងបុគ្គលិក ដែលមកពីស្ថាប័នមីក្រូហិរញ្ញវត្ថុ និងធនាគារនៅក្នុងតំបន់អាស៊ាន" ។ លោកប្រធាននាយកប្រតិបត្តិបានបន្ថែមទៀតថា "មជ្ឈមណ្ឌលនេះនឹងអភិវឌ្ឍន៍ និងប្រែក្លាយទៅជាវិទ្យាស្ថានបណ្តុះបណ្តាលវិស័យមីក្រូហិរញ្ញវត្ថុ និងធនាគារមួយដោយឡែកនៅពេលអនាគត ព្រមទាំង បង្កើតឱ្យមានកម្មវិធីថ្នាក់អនុបណ្ឌិតមីក្រូហិរញ្ញវត្ថុ ស្របតាមកម្មវិធីបណ្តាសកលវិទ្យាល័យនៅក្នុងពិភពលោក" ។
សម្រាប់ព័ត៌មានបន្ថែម សូមទាក់ទងតាមរយៈ ៖
លោកស្រី សូ ផនណារី អនុប្រធាននាយកប្រតិបត្តិ និងជាប្រធាននាយិកាប្រតិបត្តិប្រតិបត្តិការ
អ៊ីម៉ែល ៖
លោក ព្រំ វិសុទ្ធ នាយកប្រតិបត្តិនីតិកម្ម និងជាលេខាធិការក្រុមហ៊ុន
អ៊ីម៉ែល ៖
