ព័ត៌មានព័ត៌មានថ្មីៗពានរង្វាន់ពីធនាគារជាតិនៃកម្ពុជា

ធនាគារ អេស៊ីលីដា ភីអិលស៊ី បានទទួលពានរង្វាន់ពីធនាគារជាតិនៃកម្ពុជា

ថ្ងៃទី១៥ ខែធ្នូ ឆ្នាំ២០០៨

ពានរង្វាន់ពីធនាគារជាតិនៃកម្ពុជា

ភ្នំពេញ, ថ្ងៃទី១២ ខែធ្នូ ឆ្នាំ២០០៨ ៖ ធនាគារ អេស៊ីលីដា ភីអិលស៊ី ជាធនាគារលក់រាយឈានមុខគេនៅប្រទេសកម្ពុជា បច្ចុប្បន្នមានទ្រព្យសកម្មសរុបចំនួន ៦៧៧លានដុល្លារអាមេរិក និងមានដើមទុនសរុបលើសពី ៨៥លានដុល្លារអាមេរិក ដែលកំពុងធ្វើប្រតិបត្តិការនៅតាមបណ្តាសាខា និងការិយាល័យចំនួន ២២០ទូទាំងគ្រប់ខេត្ត-រាជធានីនៃព្រះរាជាណាចក្រកម្ពុជា បានប្រកាសនៅថ្ងៃនេះថា បានទទួលពានរង្វាន់ពីធនាគារជាតិនៃកម្ពុជា ។ ពានរង្វាន់នេះត្រូវបានទទួលស្គាល់ថា ធនាគារ អេស៊ីលីដា ភីអិលស៊ី បានចូលរួមចំណែកក្នុងការនាំមកនូវសេវាហិរញ្ញវត្ថុ ដល់គ្រប់វិស័យនៅក្នុងសហគមន៍ទាំងមូល ទូទាំងព្រះរាជាណាចក្រកម្ពុជា ។

លោក អ៊ិន ចាន់នី ប្រធាននាយកប្រតិបត្តិ ធនាគារអេស៊ីលីដា បានមានប្រសាសន៍ថា "យុទ្ធសាស្ត្រទីផ្សារក្នុងការពង្រីកប្រតិបត្តិការឱ្យកាន់តែបានទូលំទូលាយ តាមរយៈការបើកការិយាល័យថ្មីៗជាច្រើននៅក្បែរអតិថិជន និងការដាក់ចេញនូវផលិតផល និងសេវាកម្មល្អៗជាច្រើន ជាពិសេសការរៀបចំដើម្បីបំពេញតាមតម្រូវការរបស់អតិថិជនគ្រប់លំដាប់ថ្នាក់នៅក្នុងសង្គម គឺជាធាតុផ្សំយ៉ាងសំខាន់ ដែលនាំមកនូវជោគជ័យបែបនេះ" ។ លោកប្រធាននាយកប្រតិបត្តិ បានបន្ថែមទៀតថា "អ្វីៗទាំងនេះ គឺបានចូលរួមចំណែកក្នុងការពង្រឹងប្រតិបត្តិការហិរញ្ញវត្ថុរហូតដល់បច្ចុប្បន្ន ហើយយើងក៏មានគម្រោងពង្រីកបណ្តាញប្រតិបត្តិការរបស់ខ្លួនបន្ថែមទៀត យ៉ាងតិច២០ការិយាល័យប្រតិបត្តិការ នៅក្នុងប្រទេសកម្ពុជានាឆ្នាំក្រោយនេះ និងបើកការិយាល័យបន្ថែមទៀតនៅសាខាប្រទេសឡាវ" ។

លោក ជា សុខ ប្រធានក្រុមប្រឹក្សាភិបាលរបស់ធនាគារអេស៊ីលីដា ដែលជាអតីតធនាគារិកនៅធនាគារកណ្តាល និងជាអ្នកសេដ្ឋកិច្ច បានលើកឡើងថា "នៅក្នុងខណៈពេលដែលយើងកំពុងតែពង្រឹងបណ្តាញប្រតិបត្តិការរបស់យើង យើងក៏មានឆន្ទៈក្នុងការរក្សានូវជំនឿទុកចិត្តចំពោះសាធារណជន និងអ្នកបញ្ញត្តិច្បាប់ តាមរយៈការធ្វើប្រតិបត្តិការប្រកបដោយតម្លាភាព និងនិរន្តរភាព ។ នៅក្នុងដំណាក់កាលដ៏មានការលំបាក និងការប្រែប្រួលនេះ ការអនុវត្តស្របតាមច្បាប់និងបទប្បញ្ញត្តិនានា និងការជំរុញឱ្យមានអភិបាលកិច្ចក្នុងកម្រិតស្តង់ដារខ្ពស់ គឺជាកត្តាសំខាន់ណាស់ ដើម្បីថែរក្សានូវកេរ្តិ៍ឈ្មោះ ដើម្បីពង្រឹងនូវភាពរឹងមាំ និងសុចរិតភាព ដែលយើងបានខិតខំប្រឹងប្រែងកសាងយ៉ាងលំបាក" ។

សម្រាប់ព័ត៌មានបន្ថែម សូមទាក់ទងតាមរយៈ ៖

លោកស្រី សូ ផនណារី អនុប្រធាននាយកប្រតិបត្តិ និងជាប្រធាននាយិកាប្រតិបត្តិប្រតិបត្តិការ
អ៊ីម៉ែល ៖

លោក ព្រំ វិសុទ្ធ នាយកប្រតិបត្តិនីតិកម្ម និងជាលេខាធិការក្រុមហ៊ុន
អ៊ីម៉ែល ៖

« ព័ត៌មានមុន
បេឡាជាតិរបបសន្តិសុខសង្គមជ្រើសរើសធនាគារ អេស៊ីលីដា ភីអិលស៊ី ជាអ្នកគ្រប់គ្រងមូលនិធិ ព័ត៌មានបន្ទាប់ »
ធនាគារអេស៊ីលីដា ភីអិលស៊ី បានទទួលហិរញ្ញប្បទានឥតសំណង

ធនាគារ អេស៊ីលីដា ភីអិលស៊ី បាន​ទទួល​ពានរង្វាន់​ពី​ធនាគារ​ជាតិ​នៃ​កម្ពុជា

ធនាគារ អេស៊ីលីដា ភីអិលស៊ី បានទទួលពានរង្វាន់ពីធនាគារជាតិនៃកម្ពុជា