USD
THB
EUR
AUD
VND
CAD
LAK
JPY
GBP
CNY
navigate_nextព័ត៌មានnavigate_nextព័ត៌មានថ្មីៗnavigate_nextពិធីសូត្រមន្តចំរើនសិរីមង្គល មជ្ឈមណ្ឌលបណ្ដុះបណ្ដាលមីក្រូហិរញ្ញវត្ថុ អេស៊ីលីដា-អាស៊ាន
ពិធីសូត្រមន្តចម្រើនសិរីមង្គល មជ្ឈមណ្ឌលបណ្ដុះបណ្ដាលមីក្រូហិរញ្ញវត្ថុ អេស៊ីលីដា-អាស៊ាន
ថ្ងៃទី០៦ ខែមករា ឆ្នាំ២០០៩
ភ្នំពេញ, ថ្ងៃទី៦ ខែមករា ឆ្នាំ២០០៩ ធនាគារអេស៊ីលីដាភីអិលស៊ី ដែលជាធនាគារលក់រាយឈានមុខគេនៅក្នុងព្រះរាជាណាចក្រកម្ពុជា បានប្រារព្ធពិធីសូត្រមន្ត ចម្រើនសិរីមង្គល នៅមជ្ឈមណ្ឌលបណ្ដុះបណ្ដាលមីក្រូហិរញ្ញវត្ថុ អេស៊ីលីដា-អាស៊ាន ។ មជ្ឈមណ្ឌលនេះមានទីតាំងស្ថិតនៅអគារ លេខ៥០ ផ្លូវលេខ៥១៦ កែងផ្លូវ៣៣៥ ភូមិ០៦ សង្កាត់បឹងកក់១ ខណ្ឌទួលគោក រាជធានីភ្នំពេញ ដែលនឹងចាត់ចែង និងគ្រប់គ្រងដោយធនាគារ អេស៊ីលីដា ភីអិលស៊ី ដោយមានការគាំទ្រ ពីរាជរដ្ឋាភិបាលនៃព្រះរាជាណាចក្រកម្ពុជា និងទទួលបានហិរញ្ញប្បទានពីសាធារណរដ្ឋសហព័ន្ធអាល្លឺម៉ង់ តាមរយៈ KfW ។
លោក អ៊ិន ចាន់នី ប្រធាននាយកប្រតិបត្តិ ធនាគារអេស៊ីលីដា ភីអិលស៊ី បានមានប្រសាសន៍ថា "វាជាមហាកិត្តិយសរបស់ព្រះរាជាណាចក្រកម្ពុជា ជាពិសេស ធនាគារអេស៊ីលីដា ភីអិលស៊ី ដែលត្រូវបានជ្រើសរើសជាភ្នាក់ងារប្រតិបត្តិគម្រោង មជ្ឈមណ្ឌលបណ្តុះបណ្តាលមីក្រូហិរញ្ញវត្ថុអាស៊ាន ។ មជ្ឈមណ្ឌលនេះ នឹងផ្តល់ការបណ្តុះបណ្តាលដល់អ្នកបង្កើតគោលការណ៍ច្បាប់, ប្រតិបត្តិករ និងបុគ្គលិក ដែលមកពីស្ថាប័នមីក្រូហិរញ្ញវត្ថុ និងធនាគារនៅក្នុងតំបន់អាស៊ាន" ។ លោកប្រធាននាយកប្រតិបត្តិបានបន្ថែមទៀតថា "មជ្ឈមណ្ឌលនេះនឹងស្វែងរកការទទួលស្គាល់ជាផ្លូវការពីសកលវិទ្យាល័យដែលគេទទួលស្គាល់ជាអន្តរជាតិ និងបង្កើតឱ្យមានកម្មវិធីថ្នាក់អនុបណ្ឌិតមីក្រូហិរញ្ញវត្ថុ នៅដំណាក់កាលបន្ទាប់ ដោយធ្វើសហប្រតិបត្តិការជាមួយសកលវិទ្យាល័យនោះ" ៕
