ព័ត៌មានព័ត៌មានថ្មីៗធនាគារអេស៊ីលីដា ភីអិលស៊ី បង្កើនដើមទុនរហូតដល់ ៦០លានដុល្លារអាមេរិក

ធនាគារអេស៊ីលីដា ភីអិលស៊ី បង្កើនដើមទុនរហូតដល់ ៦០លានដុល្លារអាមេរិក

ថ្ងៃទី២៣ ខែមករា ឆ្នាំ២០០៩

ភ្នំពេញ ថ្ងៃទី២៣ ខែមករា ឆ្នាំ២០០៩ ៖ ធនាគារអេស៊ីលីដា ភីអិលស៊ី ជាធនាគារលក់រាយឈានមុខគេនៅប្រទេសកម្ពុជា បានប្រកាសបង្កើនដើមទុនរបស់ខ្លួនពី ៥០លានដុល្លារអាមេរិក ទៅ ៦០លានដុល្លារអាមេរិក ។

ធនាគារអេស៊ីលីដា ភីអិលស៊ី មានដើមទុន ៥១% កាន់កាប់ដោយភាគហ៊ុនិកកម្ពុជា ក្នុងនោះរួមមានបុគ្គលិករបស់ខ្លួន និង៤៩% ទៀត កាន់កាប់ដោយស្ថាប័នអន្តរជាតិឈានមុខគេ រួមមាន សាជីវកម្មហិរញ្ញវត្ថុអន្តរជាតិ (IFC), ធនាគារអភិវឌ្ឍន៍អាល្លឺម៉ង់ (DEG), ធនាគារអភិវឌ្ឍន៍ហុល្លង់ដ៍ (FMO), Triodos-Doen Foundation និង Triodos Fair Share Fund ។

ដូចកាលពីមុនដែរ ការបន្ថែមដើមទុន ត្រូវបានធ្វើឡើងតាមរយៈការចេញសិទ្ធិចំនួន ១០លានភាគហ៊ុនថ្មីបន្ថែមទៀតដែលមានតម្លៃ ១ដុល្លារក្នុងមួយសិទ្ធិ ហើយត្រូវបានបន្ថែមដោយភាគហ៊ុនិកបច្ចុប្បន្នរបស់ខ្លួន ។ រចនាសម្ព័ន្ធភាគហ៊ុនិកបច្ចុប្បន្នរបស់ធនាគារអេស៊ីលីដា ត្រូវបានផ្លាស់ប្តូរដូចខាងក្រោម ៖

ភាគហ៊ុនិកនាថ្ងៃទី២៣ ខែមករា ឆ្នាំ២០០៩
ភាគហ៊ុនិក	ចំនួនហ៊ុន	តម្លៃចុះបញ្ជី (US$)	កម្មសិទ្ធិ (%)
អង្គការ អេស៊ីលីដា	១៩.២០០.០០០	១៩.២០០.០០០	៣២,០០
ក្រុមហ៊ុន អេ អេស អេ អ៊ីន្ស	១១.៤០០.០០០	១១.៤០០.០០០	១៩,០០
ធនាគារអភិវឌ្ឍន៍អាល្លឺម៉ង់ (DEG)	៧.៣៥០.០០០	៧.៣៥០.០០០	១២,២៥
ធនាគារអភិវឌ្ឍន៍ហុល្លង់ដ៍ (FMO)	៧.៣៥០.០០០	៧.៣៥០.០០០	១២,២៥
សាជីវកម្មហិរញ្ញវត្ថុអន្តរជាតិ (IFC)	៧.៣៥០.០០០	៧.៣៥០.០០០	១២,២៥
Triodos Doen	៣.៦៨៥.៧៥០	៣.៦៨៥.៧៥០	០៦,១៤
Triodos Fair Share Fund	៣.៦៦៤.២៥០	៣.៦៦៤.២៥០	០៦,១១
សរុប	៦០.០០០.០០០	៦០.០០០.០០០	១០០%

នេះជាលើកទី៥ហើយ ដែលធនាគារអេស៊ីលីដា ភីអិលស៊ី បានបង្កើនដើមទុនរបស់ខ្លួន ចាប់ពីបានចុះបញ្ជីជាធនាគារមក ។ គួររំលឹកផងដែរថា នៅក្នុងឆ្នាំ២០០០ ធនាគារអេស៊ីលីដា បានបង្កើនដើមទុនចំនួន ៤លានដុល្លារអាមេរិក ដើម្បីក្លាយខ្លួនជាធនាគារឯកទេស ។ នៅក្នុងឆ្នាំ២០០៣ ដើម្បីគាំទ្រចំពោះកំណើនប្រតិបត្តិការ ធនាគារអេស៊ីលីដា បានបង្កើនដើមទុនរបស់ខ្លួនរហូតដល់ទៅ ១៣លានដុល្លារអាមេរិក តាមរយៈការចេញសិទ្ធិ និងបានចុះបញ្ជីសារជាថ្មី ជាធនាគារពាណិជ្ជ ដែលមានឈ្មោះថា "ធនាគារ អេស៊ីលីដា ភីអិលស៊ី" ។ នៅក្នុងឆ្នាំ២០០៦ ធនាគារបានបង្កើនដើមទុនរបស់ខ្លួនជាថ្មីម្តងទៀត រហូតដល់ទៅ ៣០លានដុល្លារអាមេរិក និង ៥០លានដុល្លារអាមេរិកនាឆ្នាំ២០០៨ ដើម្បីគាំទ្រចំពោះការពង្រីកសាខារបស់ខ្លួន និងការសាងសង់បណ្តាញប្រតិបត្តិការ អេ ធី អឹម ខណៈដែលការបន្ថែមចុងក្រោយនេះ នឹងធ្វើឱ្យធនាគារបន្តការរីកលូតលាស់របស់ខ្លួន ដើម្បីសម្រេចនូវគោលដៅយុទ្ធសាស្ត្ររបស់ធនាគារ ៕

« ព័ត៌មានមុន
ពិធីសម្ពោធការិយាល័យធនាគារអេស៊ីលីដា ភីអិលស៊ី សាខាកំពង់ថ្ម ព័ត៌មានបន្ទាប់ »
ធនាគារជាតិឡាវស្វែងយល់ពីការអភិវឌ្ឍរបស់ធនាគារអេស៊ីលីដា

ធនាគារ​អេស៊ីលីដា ភីអិលស៊ី បង្កើន​ដើម​ទុន​រហូត​ដល់ ៦០លាន​​ដុល្លារ​អាមេរិក

ធនាគារអេស៊ីលីដា ភីអិលស៊ី បង្កើនដើមទុនរហូតដល់ ៦០លានដុល្លារអាមេរិក