ព័ត៌មានព័ត៌មានថ្មីៗJardine Matheson Group ទិញភាគហ៊ុនចំនួន ១២,២៥% នៅក្នុងធនាគារ អេស៊ីលីដា ភីអិលស៊ី

Jardine Matheson Group ទិញភាគហ៊ុនចំនួន ១២,២៥% នៅក្នុងធនាគារ អេស៊ីលីដា ភីអិលស៊ី

ថ្ងៃទី១៧ ខែធ្នូ ឆ្នាំ២០០៩

ភ្នំពេញ, ថ្ងៃទី១៧ ខែធ្នូ ឆ្នាំ២០០៩, ក្រុមហ៊ុន JSH Asian Holdings Limited បានប្រកាសនៅថ្ងៃនេះថា ក្រុមហ៊ុនបានទិញភាគហ៊ុនចំនួន ១២,២៥% នៅក្នុងធនាគារ អេស៊ីលីដា ភីអិលស៊ី "ធនាគារ" ដែលជាធនាគារធំជាងគេលំដាប់ទី២នៃប្រទេសកម្ពុជា ពីស្ថាប័ន FMO ជាធនាគារអភិវឌ្ឍន៍អន្តរជាតិនៃប្រទេសហូឡង់ដ៍ ។ JSH Asian Holdings Limited គឺជាក្រុមហ៊ុនបុត្រសម្ព័ន្ធរបស់ Jardine Strategic Holdings Limited ដែលជាសមាជិករបស់ Jardine Matheson Group ហើយដែលបានចុះបញ្ជីក្នុងទីផ្សារភាគហ៊ុនជាសាធារណៈ ។ ការទិញភាគហ៊ុននេះ ត្រូវបានរំពឹងថានឹងបញ្ចប់នៅដំណាច់ឆ្នាំនេះ ។

លោក Alain Cany មុខងារជា Group Country Chairman នៃ Jardine Matheson នៅក្នុងប្រទេសវៀតណាម បានគូសបញ្ជាក់លើករណីទិញភាគហ៊ុននេះថា "យើងមានជំនឿថាធនាគារ អេស៊ីលីដា ភីអិលស៊ី បានបង្កើតឱ្យមានសក្តានុពលរីកចម្រើនដ៏ខ្លាំងក្លានៅក្នុងប្រទេសមួយ ដែលមានភាពភ្លឺថ្លានាពេលអនាគត ។ ការវិនិយោគ និងការគ្រប់គ្រងដោយ FMO នៅក្នុងធនាគារអេស៊ីលីដា បានជួយដល់ធនាគារឱ្យមាននិរន្តរភាពនៃការអភិវឌ្ឍ ហើយយើងពេញចិត្ត នឹងការរង់ចាំក្លាយជាភាគហ៊ុនិកមួយ ក្នុងដំណាក់កាលនៃការរីកចម្រើនរបស់ធនាគារនេះ" ។

លោក Jurgen Rigterink, FMO's CIO បានមានប្រសាសន៍ថា "ការចូលរួមរបស់យើងជាមួយធនាគារ អេស៊ីលីដា ភីអិលស៊ី បង្ហាញពីការគាំទ្ររបស់ FMO ដល់បណ្តាសហគ្រិនក្នុងការទទួលបានការអភិវឌ្ឍជាបន្តបន្ទាប់ ។ យើងបានចូលរួមជាលើកដំបូងនៅឆ្នាំ២០០០ ជាមួយនឹងការផ្តល់ហិរញ្ញវត្ថុ ពីមូលនិធិសហគ្រាសខ្នាតតូច និងខ្នាតតូចបំផុត ដែលយើងធ្វើការគ្រប់គ្រងចាត់ចែងក្នុងនាមរដ្ឋាភិបាលហូឡង់ដ៍ ហើយកម្រិតនៃការវិនិយោគរបស់យើង មានការកើនឡើងរហូតនាឆ្នាំកន្លងមកនេះ ។ យើងក៏បានផ្តល់ផងដែរនូវការគាំទ្រផ្នែកអភិវឌ្ឍន៍សមត្ថភាព ដូចជាការគ្រប់គ្រងហានិភ័យ និងអភិបាលកិច្ចសាជីវកម្ម ដែលបានជួយធនាគារ អេស៊ីលីដា ភីអិលស៊ី ក្លាយជាស្ថាប័នវិជ្ជាជីវៈមួយ រួចជាស្រេច សម្រាប់ដំណាក់កាលបន្ទាប់ ។ យើងគិតថា នេះជាពេលដ៏ត្រឹមត្រូវមួយសម្រាប់អ្នកវិនិយោគឯកជនធំមួយ ដូចជា Jardines ដើម្បីទិញភាគហ៊ុនរបស់យើងនៅក្នុងធនាគារអេស៊ីលីដា ។ FMO នឹងនៅតែជាភាគហ៊ុនិកមួយនៅធនាគារអេស៊ីលីដា ឡាវ និងនៅតែបន្តស្វែងរកឱកាសវិនិយោគថ្មីៗទៀតនៅក្នុងតំបន់ សម្រាប់ឆ្នាំខាងមុខ" ។

នៅក្នុងការប្រកាសស្វាគមន៍ លោក ជា សុខ ប្រធានក្រុមប្រឹក្សាភិបាលធនាគារអេស៊ីលីដា បានមានប្រសាសន៍ថា ធនាគារបានដឹងពីការចាប់អារម្មណ៍របស់ក្រុមហ៊ុន Jardine Matheson Group ជាច្រើនដង ហើយក៏កំពុងធ្វើការជាប់ជាមួយភាគីទាំងពីរ ដើម្បីសម្របសម្រួលការទិញ-លក់នេះ ។ "Jardines នឹងនាំយកនូវបទពិសោធន៍ក្នុងវិស័យធនាគារ និងពាណិជ្ជកម្ម សម្រាប់រយៈពេលជាង ១៧៥ឆ្នាំ នៅក្នុងតំបន់អាស៊ី ។ នៅក្នុងកិច្ចប្រជុំរបស់យើងជាមួយក្រុមហ៊ុន Jardines យើងបានចែករំលែកនូវតម្លៃរួមគ្នាស្រដៀងគ្នា និងប្តេជ្ញារួមគ្នា ដើម្បីភាពជោគជ័យរបស់ធនាគារ ។ យើងរង់ចាំ ដៃគូវិនិយោគយូរអង្វែង សម្រាប់កសាងអាជីវកម្មរបស់យើង និងដើរតួនាទីឈានមុខគេក្នុងការអភិវឌ្ឍសេដ្ឋកិច្ចកម្ពុជា" ។

លោក អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា បានផ្តល់តម្លៃខ្ពស់ចំពោះ FMO ថាជាភាគហ៊ុនិក ស្ថាបនិកដែលបានដើរតួនាទីយ៉ាងសំខាន់នៅក្នុងការកសាង ធនាគារ អេស៊ីលីដា ភីអិលស៊ី ឱ្យក្លាយទៅជាស្ថាប័នដែលមានកេរ្តិ៍ឈ្មោះដូចសព្វថ្ងៃ ។ លោក អ៊ិន ចាន់នី បានមានប្រសាសន៍ថា "យើងជំពាក់ពួកគេនូវគុណបំណាច់ដ៏ធំធេង ហើយនៅខណៈពេលដែលពួកគេឈប់ជាភាគហ៊ុនិក ពួកគេនៅតែជាដៃគូយ៉ាងសំខាន់នៅក្នុងកិច្ចការមួយចំនួនទាក់ទងនឹងការអភិវឌ្ឍ ធនាគារ អេស៊ីលីដា ភីអិលស៊ី បន្តទៅមុខទៀត" ។

ក្រោយពីបញ្ចប់ប្រតិបត្តិការទិញ-លក់នេះ លោក Alain Cany នឹងចូលជាសមាជិកក្រុមប្រឹក្សាភិបាលជំនួស លោក Joseph Hoess ដែលនៅរក្សាតួនាទីជាអនុប្រធានក្រុមប្រឹក្សាភិបាលរបស់ធនាគារ អេស៊ីលីដា ឡាវ លីមីតធីត ។ លោក Cany គឺជា Group Country Chairman របស់ Jardine Matheson វៀតណាម ហើយជាអតីតប្រធាននាយកប្រតិបត្តិ របស់ HSBC វៀតណាម ។

អំពី Jardine Strategic

Jardine Strategic គឺជាក្រុមហ៊ុនមេមួយនៅក្នុង Jardine Matheson Group ដែលអនុវត្តយុទ្ធសាស្ត្រ វិនិយោគរយៈពេលវែងនៅក្នុងទំនាក់ទំនងពាណិជ្ជកម្មជាមួយប្រទេសជាច្រើន ជាពិសេសជាមួយប្រទេសក្នុងតំបន់អាស៊ី និងជាមួយក្រុមហ៊ុនដែលមានគុណភាពខ្ពស់ ធ្លាប់មានទំនាក់ទំនងប្រកបដោយសក្តានុពលជាមួយ Jardine Matheson Group ។ ផលប្រយោជន៍សំខាន់ៗត្រូវបានបែងចែកជា Jardine Matheson ៥៣%, Hongkong Land ៤៩%, Dairy Farm ៧៨%, Mandarin Oriental ៧៣%, និង Jardine Cycle and Carriage ៦៨% ដែលជាលទ្ធផល ផលប្រយោជន៍ ៥០% គឺស្ថិតនៅក្នុង Astra International ។ យុទ្ធសាស្ត្ររបស់ Jardine គឺ ៨១% ត្រូវកាន់កាប់ដោយ Jardine Matheson ។ ក្រុមហ៊ុននេះ មានផលប្រយោជន៍ ២១% ផងដែរនៅក្នុង Rothschilds Continuation ។

អំពី FMO

ក្រុមហ៊ុនអភិវឌ្ឍន៍ហិរញ្ញវត្ថុរបស់ប្រទេសហូឡង់ដ៏ (FMO) គឺជាធនាគារអភិវឌ្ឍន៍អន្តរជាតិរបស់ប្រទេសហូឡង់ដ៍ ។ FMO មិនរួញរានឹងការវិនិយោគលើដើមទុនជាមួយក្រុមហ៊ុន និងស្ថាប័នហិរញ្ញវត្ថុជាច្រើន នៅក្នុងបណ្តាប្រទេសកំពុងអភិវឌ្ឍ ។ ជាមួយនឹងសមតុល្យវិនិយោគ ៤,២ពាន់លានអឺរ៉ូ FMO គឺជាធនាគារមួយក្នុងចំណោមធនាគារអភិវឌ្ឍន៍ វិស័យឯកជនទ្វេភាគីធំជាងគេនៅលើពិភពលោក ។ ការថ្លែងអំណរគុណដោយឡែក ចំពោះទំនាក់ទំនងដ៏ល្អជាមួយរដ្ឋាភិបាលប្រទេសហូឡង់ដ៏ FMO ហ៊ានប្រថុយនឹងហានិភ័យដែលអ្នកផ្តល់ហិរញ្ញប្បទានពាណិជ្ជកម្មដទៃទៀតមិនហ៊ានប្រថុយ ឬមិនទាន់បានត្រៀម ឬទើបតែបានត្រៀមខ្លួនប្រថុយនឹងហានិភ័យ ។ បេសកកម្មរបស់ FMO ៖ គឺកសាងសហគ្រាសទាំងឡាយឱ្យរីកចម្រើន ដែលអាចដើរតួនាទីជាក្បាលម៉ាស៊ីនសម្រាប់ការរីកចម្រើន ប្រកបដោយចិរភាព នៅក្នុងប្រទេសទាំងនោះ ។

សម្រាប់ព័ត៌មានបន្ថែម សូមទាក់ទងមក ៖

Jardine Matheson Limited
[Neil M McNamara]
ទូរស័ព្ទ ៖ +៨៥២ ២៨៤៣ ៨២២៧

Golin Harris
Kennes Young
ទូរស័ព្ទ ៖ +៨៥២ ២៥០១ ៧៩៨៧

FMO
Nicoline van Slingelandt, Communications Officer (PR)
ទូរស័ព្ទ ៖ +៣១ ៧០ ៣១៤ ៩៧៩០, +៣១ ៦២២ ៥៦៣ ០៤៧
អ៊ីម៉ែល ៖
វេបសាយ ៖ www.fmo.nl

ធនាគារ អេស៊ីលីដា ភីអិលស៊ី
លោកស្រី សូ ផនណារី អនុប្រធាននាយកប្រតិបត្តិ និងជាប្រធាននាយិកាប្រតិបត្តិប្រតិបត្តិការ
អ៊ីម៉ែល ៖

លោក ព្រំ វិសុទ្ធ នាយកប្រតិបត្តិនីតិកម្ម និងជាលេខាធិការក្រុមហ៊ុន
អ៊ីម៉ែល ៖

« ព័ត៌មានមុន
ធនាគារ អេស៊ីលីដា បើកសាខាថ្មីនៅផ្សារដើមថ្កូវ ព័ត៌មានបន្ទាប់ »
ប័ណ្ណសរសើរចំពោះស្នាដៃល្អក្នុងការទប់ស្កាត់ការរីករាលដាលមេរោគអេដស៍-ជំងឺអេដស៍

Jardine Matheson Group ទិញ​ភាគហ៊ុន​ចំនួន ១២,២៥% នៅ​ក្នុង​ធនាគារ អេស៊ីលីដា ភីអិលស៊ី

អំពី Jardine Strategic

អំពី FMO

Jardine Matheson Group ទិញភាគហ៊ុនចំនួន ១២,២៥% នៅក្នុងធនាគារ អេស៊ីលីដា ភីអិលស៊ី