ព័ត៌មានព័ត៌មានថ្មីៗធនាគារ អេស៊ីលីដា ឡាវ បើកសាខាថ្មីទី១២

ធនាគារ អេស៊ីលីដា ឡាវ បើកសាខាថ្មីទី១២

ធនាគារ អេស៊ីលីដា ឡាវ សាខាខាំមួន

ថ្ងៃទី១៥ ខែមករា ឆ្នាំ២០១០

នៅថ្ងៃទី១៥ ខែមករា ឆ្នាំ២០១០ ធនាគារ អេស៊ីលីដា ឡាវ ប្រារព្ធពិធីសម្ពោធសាខាថ្មី ដែលជាការិយាល័យទី១២ នៅក្នុងខេត្តខាំមួន មានទីតាំងស្ថិតនៅអគារលេខ១២៤ និង១២៥ ផ្លូវជាតិលេខ១៣ភាគខាងត្បូង ក្រុម០៧ ភូមិណងបួខាំ ស្រុកថាខេក ខេត្តខាំមួន សាធារណរដ្ឋប្រជាធិបតេយ្យប្រជាមានិតឡាវ ។

ធនាគារ អេស៊ីលីដា ឡាវ គឺជាធនាគារពាណិជ្ជដំបូងគេបង្អស់ដែលមកពីប្រទេសកម្ពុជា មកវិនិយោគនៅក្នុងសាធារណរដ្ឋប្រជាធិបតេយ្យប្រជាមានិតឡាវ ដែលមានដើមទុនចំនួន ១០០ពាន់លានគីប កាន់កាប់ដោយភាគហ៊ុនិកប្រាំ ដូចខាងក្រោម ៖

ធនាគារ អេស៊ីលីដា ភីអិលស៊ី (កម្ពុជា) មានចំនួន ៣៩,៩០%
FMO (ហុល្លង់ដ៍) មានចំនួន ២៥,២០%
Triodos-Doen (ហុល្លង់ដ៍) មានចំនួន ៩,៥០%
Triodos Fair Share Fund (ហុល្លង់ដ៍) មានចំនួន ៩,៥០%
IFC (សមាជិករបស់ក្រុមធនាគារពិភពលោក) មានចំនួន ១៥,៩០%

លោក ផន ណារិន អគ្គនាយកធនាគារអេស៊ីលីដា ឡាវ

លោក ផន ណារិន អគ្គនាយកធនាគារអេស៊ីលីដា ឡាវ បានមានប្រសាសន៍ថា នេះគឺជាព្រឹត្តិការណ៍អស្ចារ្យទី៥ហើយ សម្រាប់ធនាគារអេស៊ីលីដា ឡាវ បន្ទាប់ពីយើងបានសម្ពោធអគារការិយាល័យកណ្តាល ដែលបានចាប់ផ្តើមធ្វើប្រតិបត្តិការ នៅថ្ងៃទី០៨ ខែកក្កដា ឆ្នាំ២០០៨ ពិធីសម្ពោធការិយាល័យសាខាសាក់វណ្ណខេត និងសាខាចំប៉ាសាក់ នៅខែតុលា ឆ្នាំ២០០៨ និងពិធីសម្ពោធសាខាវៀងច័ន្ទ នៅខែមិថុនា ឆ្នាំ២០០៩ ។ អគារនេះ គឺជាការិយាល័យទី១២ហើយ របស់ធនាគារអេស៊ីលីដា ឡាវ និងជាការិយាល័យទី២៤៣ បើរាប់បញ្ចូលជាមួយធនាគារអេស៊ីលីដា ភីអិលស៊ី ។

លោកបានមានប្រសាសន៍បន្តទៀតថា គ្រប់ផលិតផល និងសេវាកម្ម របស់ធនាគារអេស៊ីលីដា ឡាវ ទាំងអស់ មានការកើនឡើងគួរឱ្យកត់សម្គាល់ នៅចុងត្រីមាសឆ្នាំ២០០៩នេះ ។ នៅដំណាច់ឆ្នាំ២០០៩ ធនាគារអេស៊ីលីដា ឡាវ បានផ្តល់ឥណទានជូនអតិថិជនរបស់ខ្លួនចំនួន ៤.០៧១នាក់ ស្មើនឹងសមតុល្យឥណទានមានចំនួនជាង ១២លានដុល្លារអាមេរិក និងមានអតិថិជនចំនួន ៧.២១៥នាក់ កំពុងដាក់ប្រាក់បញ្ញើ-សន្សំ ដែលមានសមតុល្យប្រាក់បញ្ញើ-សន្សំចំនួនជិត ១៤,៤លានដុល្លារអាមេរិក ។ ពិធីសម្ពោធអគារថ្មី ធនាគារ អេស៊ីលីដា ឡាវ សាខាខាំមួន គឺជាជំហានថ្មីមួយទៀតឆ្ពោះទៅរកការពង្រីកបណ្តាញប្រតិបត្តិការគ្របដណ្តប់ទូទាំងសាធារណរដ្ឋប្រជាធិបតេយ្យប្រជាមានិតឡាវ នាពេលអនាគតដ៏ខ្លីខាងមុខ ។ បច្ចុប្បន្ន យើងមានបុគ្គលិកចំនួន ២៧១នាក់ បម្រើការនៅការិយាល័យចំនួន ១២ គឺការិយាល័យកណ្តាលជាការិយាល័យប្រតិបត្តិការ សាខាចំនួន០៤ និងប៉ុស្តិ៍សេវាចំនួន០៧ ។

ធនាគារអេស៊ីលីដា ឡាវ បម្រើជូននូវរាល់សេវាធនាគារពាណិជ្ជ និងសេវាធនាគារលក់រាយគ្រប់ប្រភេទជូនដល់អតិថិជនចាប់ពីមុខជំនួញជាលក្ខណៈគ្រួសារ រហូតដល់សហគ្រាសខ្នាតតូច និងមធ្យម មានដូចជា ៖

សេវាឥណទាន ៖ ឥណទានជំនួញខ្នាតតូច ឥណទានជំនួញខ្នាតមធ្យម និង ឥណទានសម្រាប់ការប្រើប្រាស់ផ្ទាល់ខ្លួន
សេវាបញ្ញើ-សន្សំ ៖ គណនីបញ្ញើសំចៃ គណនីចរន្ត គណនីមានកាលកំណត់ និង គណនីសោធននិវត្តន៍
សេវាផ្ទេរប្រាក់ ៖ សេវាផ្ទេរប្រាក់ក្នុងស្រុក និង សេវាផ្ទេរប្រាក់ក្រៅប្រទេស (តាមរយៈប្រព័ន្ធ SWIFT និង Western Union)
សេវាហិរញ្ញប្បទានពាណិជ្ជកម្ម ៖ លិខិតធានាលើការអនុវត្តកិច្ចសន្យា លិខិតធានាលើការដេញថ្លៃ
សេវាចាត់ចែងសាច់ប្រាក់ ៖ សេវាបើកប្រាក់បៀវត្ស សេវាប្តូរប្រាក់ សេវាបញ្ជាអចិន្ត្រៃយ៍ សេវាលិខិតអះអាងលើគណនីនិងព័ត៌មានអតិថិជន សេវាមូលប្បទានប័ត្រសាច់ប្រាក់ សេវាមូលប្បទានប័ត្រទេសចរណ៍ និង សេវាទិញមូលប្បទានប័ត្របរទេស

« ព័ត៌មានមុន
ប័ណ្ណសរសើរចំពោះស្នាដៃល្អក្នុងការទប់ស្កាត់ការរីករាលដាលមេរោគអេដស៍-ជំងឺអេដស៍ ព័ត៌មានបន្ទាប់ »
ពិធីសម្ពោធអគារថ្មី ការិយាល័យសាខាខេត្តព្រៃវែង

ធនាគារ អេស៊ីលីដា ឡាវ បើក​សាខា​ថ្មី​ទី១២

ធនាគារ អេស៊ីលីដា ឡាវ បើកសាខាថ្មីទី១២