ព័ត៌មានព័ត៌មានថ្មីៗវិញ្ញាបនបត្រសរសើរសម្រាប់ឆ្នាំ២០០៩ ពីធនាគារ HSBC

វិញ្ញាបនបត្រសរសើរសម្រាប់ឆ្នាំ២០០៩ ពីធនាគារ HSBC

វិញ្ញាបនបត្រសរសើរ សម្រាប់ការបម្រើសេវាទូទាត់ជាសកលនិងសេវាគ្រប់គ្រងសាច់ប្រាក់ ពីធនាគារ HSBC

ថ្ងៃទី២៩ ខែមិថុនា ឆ្នាំ២០១០

នាព្រឹកថ្ងៃទី២៩ ខែមិថុនា ឆ្នាំ២០១០ នៅការិយាល័យកណ្តាលរបស់ធនាគារអេស៊ីលីដា មានពិធីប្រគល់វិញ្ញាបនបត្រសរសើរសម្រាប់ឆ្នាំ២០០៩ ពីធនាគារ HSBC សម្រាប់ការបម្រើសេវាទូទាត់ជាសកល និងសេវាគ្រប់គ្រងសាច់ប្រាក់ ដល់ធនាគារ អេស៊ីលីដា ភីអិលស៊ី ដែលជាធនាគារពាណិជ្ជនាំមុខគេនៅក្នុងប្រទេសកម្ពុជា ។ វិញ្ញាបនបត្រនេះចុះហត្ថលេខាដោយលោក Hersel Mehani អនុប្រធានជាន់ខ្ពស់ របស់ធនាគារ HSBC ។

ដោយមានធនាគារ HSBC ជាដៃគូពាណិជ្ជកម្ម ធនាគារអេស៊ីលីដាបានពង្រីកសេវាធនាគារយ៉ាងខ្លាំងជាពិសេសការប្រើសេវាទូទាត់ និងសេវាគ្រប់គ្រងសាច់ប្រាក់ទៅដល់អតិថិជនរបស់ធនាគារទាំងក្នុងនិងក្រៅប្រទេស ជាមួយនឹងបណ្តាញប្រតិបត្តិការ ២៣៣ការិយាល័យនិងសាខា ទូទាំងខេត្តនិងរាជធានីក្នុងប្រទេសកម្ពុជា ព្រមទាំង១៥ការិយាល័យនៅប្រទេសឡាវ និងបន្តពង្រីកទៅកាន់ប្រទេសនានាថែមទៀត ។

នេះជាលើកទី៤ហើយ ដែលធនាគារអេស៊ីលីដា បានទទួលវិញ្ញាបនបត្រសរសើរពីធនាគារ HSBC ហើយនេះជាសមិទ្ធិផលថ្មីមួយទៀតយ៉ាងសំខាន់ សម្រាប់អតិថិជនក្នុងការប្រើប្រាស់ សេវាកម្មដ៏សម្បូរបែប និងទំនើបរបស់ធនាគារអេស៊ីលីដា ។

HSBC គឺជាស្ថាប័នធនាគារ ដែលផ្តល់សេវាហិរញ្ញវត្ថុយ៉ាងធំនៅលើពិភពលោក និងមានការិយាល័យកណ្តាលនៅទីក្រុងឡុងដ៍ ។ ធនាគារ HSBC មានបណ្តាញប្រតិបត្តិការជាអន្តរជាតិប្រហែល ៨.០០០ ការិយាល័យ នៅក្នុង ៨៨ប្រទេស ជុំវិញពិភពលោក ។

« ព័ត៌មានមុន
ធនាគារអេស៊ីលីដា ឈ្នះពានរង្វាន់ជើងឯកបាយ័នម្តងទៀត ព័ត៌មានបន្ទាប់ »
បទសម្ភាសន៍វិទ្យុ វីអូអេ ជាមួយប្រធាននាយកប្រតិបត្តិ ធនាគារអេស៊ីលីដា

វិញ្ញាបនបត្រ​សរសើរ​សម្រាប់​​ឆ្នាំ២០០៩ ពី​ធនាគារ HSBC

វិញ្ញាបនបត្រសរសើរសម្រាប់ឆ្នាំ២០០៩ ពីធនាគារ HSBC