ព័ត៌មានព័ត៌មានថ្មីៗប្រសិទ្ធពរខួបលើកទី២០ នៃ អេស៊ីលីដា

ប្រសិទ្ធពរខួបលើកទី២០ នៃ អេស៊ីលីដា

ថ្ងៃទី១៩ ខែមករា ឆ្នាំ២០១២

ថ្ងៃទី១៩ ខែមករា ឆ្នាំ២០១២ នេះជាខួបលើកទី២០ នៃកំណើត អេស៊ីលីដា

អេស៊ីលីដា បានបង្កើតឡើងដោយមហាសន្និបាតលើកទី១ នៅថ្ងៃទី១៩ ខែមករា ឆ្នាំ១៩៩៣ ដោយមាន ទស្សនៈ ធានានូវនិរន្តរភាព ប្រភពធនធានហិរញ្ញវត្ថុសម្រាប់ជនក្រីក្រ ដែលប្រកបរបរខ្នាតតូច និងតូចបំផុត ។

៧ឆ្នាំក្រោយមក នៅថ្ងៃទី០៧ ខែតុលា ឆ្នាំ២០០០ ទស្សនៈ នេះ ធ្វើឱ្យអេស៊ីលីដា បានប្រែក្លាយ និងអភិវឌ្ឍទៅជាធនាគារពាណិជ្ជនាំមុខ ក្នុងប្រទេសកម្ពុជា ដោយមាន បេសកកម្ម "ផ្តល់ជូនសហគ្រិនខ្នាតតូចបំផុត ខ្នាតតូច ខ្នាតមធ្យម និងសាធារណជន នូវមធ្យោបាយក្នុងការគ្រប់គ្រង ចាត់ចែងធនធានហិរញ្ញវត្ថុឱ្យមានប្រសិទ្ធភាពខ្ពស់ ដើម្បីលើកស្ទួយជីវភាពរស់នៅឱ្យប្រសើរឡើង ដោយអនុវត្តឱ្យបាននូវនិរន្តរភាព និងបង្កើននូវអត្ថប្រយោជន៍ជូនដល់ភាគហ៊ុនិក កម្មករនិយោជិត ព្រមទាំងសហគមន៍ទាំងអស់ ។ យើងប្រកាន់ខ្ជាប់ជានិច្ចនូវគោលការណ៍សីលធម៌ វិជ្ជាជីវៈ សង្គម ច្បាប់ និងបរិស្ថាន ប្រកបដោយកម្រិតខ្ពស់បំផុត" ។

តាមរយៈ ទស្សនៈ និងបេសកកម្ម នេះ អេស៊ីលីដា បានចូលរួមចំណែកយ៉ាងសកម្មក្នុងការអភិវឌ្ឍសេដ្ឋកិច្ចនៃព្រះរាជាណាចក្រកម្ពុជា តាមរយៈនិរន្តរភាពនៃការផ្តល់សេវាហិរញ្ញវត្ថុពេញលេញសម្បូរបែប មានជាអាទិ៍ ឥណទាន និងប្រាក់បញ្ញើ ជូនដល់សហគ្រិនគ្រប់មជ្ឈដ្ឋាន ព្រមទាំងបានចូលរួមបំពេញកាតព្វកិច្ចពន្ធជូនរាជរដ្ឋាភិបាល ដូចមានតួលេខខាងក្រោម ។

សូមថ្លែងអំណរគុណដោយគោរពដ៏ខ្ពង់ខ្ពស់ និងសូមប្រសិទ្ធពរជ័យសិរីសួស្តី ជូនចំពោះអាជ្ញាធរគ្រប់ជាន់ថ្នាក់ អតិថិជន និងកម្មករនិយោជិតអេស៊ីលីដាទាំងអស់ ដែលបានចូលរួមធ្វើឱ្យអេស៊ីលីដា ទទួលបាននូវជោគជ័យ ក្នុងការរួមចំណែកអភិវឌ្ឍប្រទេសជាតិមាតុភូមិកម្ពុជា ។

សូមគោរព និងសូមអរគុណ
ប្រធាននាយកប្រតិបត្តិ

លោក អ៊ិន ចាន់នី

សមតុល្យឥណទាន

ចំនួនអតិថិជន

សមតុល្យប្រាក់បញ្ញើ

ចំនួនគណនី

របាយការណ៍បង់ពន្ធប្រចាំឆ្នាំ

« ព័ត៌មានមុន
ពិធីសម្ពោធអគារការិយាល័យថ្មី សាខាស្រុកព្រៃឈរ ព័ត៌មានបន្ទាប់ »
ពិធីសម្ពោធអគារការិយាល័យថ្មី សាខាខេត្តព្រះវិហារ

ប្រសិទ្ធពរ​ខួប​លើក​ទី​២០ នៃ អេស៊ីលីដា

ថ្ងៃទី​១៩ ខែ​មករា ឆ្នាំ​២០១២ នេះ​ជា​ខួប​លើក​ទី២០ នៃ​កំណើត អេស៊ីលីដា

ប្រសិទ្ធពរខួបលើកទី២០ នៃ អេស៊ីលីដា

ថ្ងៃទី១៩ ខែមករា ឆ្នាំ២០១២ នេះជាខួបលើកទី២០ នៃកំណើត អេស៊ីលីដា