ព័ត៌មានព័ត៌មានថ្មីៗវិញ្ញាបនបត្រឧត្តមភាពពីធនាគារ Wells Fargo

វិញ្ញាបនបត្រឧត្តមភាពពីធនាគារ Wells Fargo

ថ្ងៃទី១៨ ខែកញ្ញា ឆ្នាំ២០១២

រាជធានីភ្នំពេញ, ថ្ងៃទី១៨ ខែកញ្ញា ឆ្នាំ២០១២ ៖ ធនាគារ អេស៊ីលីដា ភីអិលស៊ី ជាធនាគារពាណិជ្ជឈានមុខគេលើគ្រប់វិស័យ បានទទួលវិញ្ញាបនបត្រឧត្តមភាពពីធនាគារ Wells Fargo ប្រចាំឆមាសទី១ ឆ្នាំ២០១២ សម្រាប់ប្រតិបត្តិការសេវាទូទាត់ក្រៅប្រទេស ជាមួយធនាគារ Wells Fargo បានយ៉ាងរលូន ប្រកបដោយភាពច្បាស់លាស់ និងត្រឹមត្រូវ ។

លោក Joseph Uhlir នាយកផ្នែកលក់ប្រចាំតំបន់អាស៊ី នៃសេវាទូទាត់ជាសកលរបស់ធនាគារ Wells Fargo បានប្រគល់វិញ្ញាបនបត្រនេះជូនលោកស្រី សូ ផនណារី អនុប្រធាននាយកប្រតិបត្តិ និងជាប្រធាននាយិកាប្រតិបត្តិប្រតិបត្តិការរបស់ធនាគារអេស៊ីលីដា នៅការិយាល័យកណ្តាល ធនាគារអេស៊ីលីដា ។

Wells Fargo គឺជាក្រុមហ៊ុនផ្តល់សេវាកម្មហិរញ្ញវត្ថុដ៏សម្បូរបែប លើវិស័យធនាគារ ធានារ៉ាប់រង វិនិយោគ អចលនទ្រព្យ ព្រមទាំងសេវាហិរញ្ញវត្ថុសម្រាប់ក្រុមហ៊ុន និងសម្រាប់អ្នកប្រើប្រាស់ទូទៅ នៅទ្វីបអាមេរិកខាងជើង និងតំបន់ជាច្រើនផ្សេងទៀតនៅលើពិភពលោក ។ Wells Fargo មានការិយាល័យកណ្តាលនៅសហរដ្ឋអាមេរិក ក្នុងរដ្ឋ San Francisco, មានទ្រព្យសកម្មសរុបចំនួន ១.៣០០.០០០ លានដុល្លារអាមេរិក និងមានសមាជិកក្រុមចំនួន ២៦៥.០០០នាក់ នៅក្នុងប្រទេសជាង ៣៥ប្រទេស ជាមួយនឹងពាណិជ្ចកម្មរបស់ខ្លួនជាង ៨០មុខជំនួញ ។ សម្រាប់ព័ត៌មានបន្ថែម សូមទស្សនាវេបសាយ www.wellsfargo.com ។

សូចចុចទីនេះ សម្រាប់ពានរង្វាន់ និងវិញ្ញាបនបត្រ ជាច្រើនផ្សេងៗទៀត ។

« ព័ត៌មានមុន
ធនាគារ អេស៊ីលីដា ភីអិលស៊ី ចុះហត្ថលេខាលើអនុស្សរណៈនៃការយោគយល់គ្នាជាមួយ ធនាគារ SMBC ព័ត៌មានបន្ទាប់ »
សេចក្តីជូនដំណឹងរបស់រដ្ឋាករទឹកស្វយ័តក្រុងភ្នំពេញ

វិញ្ញាបនបត្រ​ឧត្តមភាព​ពី​ធនាគារ Wells Fargo

វិញ្ញាបនបត្រឧត្តមភាពពីធនាគារ Wells Fargo