ព័ត៌មានព័ត៌មានថ្មីៗពានរង្វាន់ដៃគូឆ្នើម និងអភិវឌ្ឍន៍ផលិតផលទាន់សម័យឆ្នាំ២០១២...

ពានរង្វាន់ដៃគូឆ្នើម និងអភិវឌ្ឍន៍ផលិតផលទាន់សម័យឆ្នាំ២០១២ ពី J.P. Morgan

ថ្នាក់គ្រប់គ្រងជាន់ខ្ពស់របស់ធនាគារអេស៊ីលីដា និង J.P. Morgan ថតរូបអនុស្សាវរីយ៍ក្នុងពិធីទទួលពានរង្វាន់

ថ្ងៃទី១០ ខែមករា ឆ្នាំ២០១៣

ធនាគារអេស៊ីលីដា ជាធនាគារពាណិជ្ជឈានមុខគេនៅក្នុងព្រះរាជាណាចក្រកម្ពុជា បានទទួលនូវពានរង្វាន់ដៃគូឆ្នើម និងអភិវឌ្ឍន៍ផលិតផលទាន់សម័យឆ្នាំ២០១២ ពី J.P. Morgan ។

អេស៊ីលីដា គឺជាធនាគារតែមួយគត់ដែលទទួលបានពានរង្វាន់នេះ ក្នុងចំណោមធនាគារទាំងឡាយនៅក្នុងប្រទេសកម្ពុជា ឡាវ និងវៀតណាម ។

នេះជាសមិទ្ធផលដែលបង្ហាញថាអតិថិជនបានជឿជាក់ និងពេញចិត្តនឹងការប្រើប្រាស់ផលិតផលនិងសេវាកម្ម ដែលជួយឱ្យប្រតិបត្តិការមុខជំនួញរបស់ពួកគាត់កាន់តែប្រសើរឡើង ។ ពានរង្វាន់នេះក៏បានបញ្ជាក់យ៉ាងច្បាស់ពីការប៉ិនប្រសព្វនៃការរៀបចំនូវរាល់ដំណោះស្រាយថ្មីៗ និងបានណែនាំជូនអតិថិជននូវការជ្រើសយកផលិតផល និងសេវាកម្មដែលមានលក្ខណៈទូលំទូលាយស្របតាមតម្រូវការរបស់ពួកគាត់ ។ គំនិតឆ្នៃប្រឌិតនេះជាកត្តានាំមកនូវភាពជោគជ័យ ដោយ J.P.Morgan បាននឹងកំពុងសហការគ្នាយ៉ាងជិតស្និត ដើម្បីជួយជំរុញឱ្យពួកយើងឆ្ពោះទៅរកការអនុវត្តដ៏មានប្រសិទ្ធភាពបំផុត និងជួយឱ្យយើងរីកចម្រើនទាំងអស់គ្នា ។

J.P. Morgan គឺជាស្ថាប័នឈានមុខគេលើសេវាហិរញ្ញវត្ថុ ដែលកំពុងនឹងផ្តល់ជូននូវដំណោះស្រាយ និងការប្រឹក្សាជូនអតិថិជនជាង ១០០ប្រទេស ជាមួយនឹងផលិតផលរួមបញ្ចូលគ្នាដ៏សំបូរបែប និងជួយសម្រួលដល់អតិថិជនក្នុងការប្រកបអាជីវកម្ម និងចាត់ចែងទ្រព្យសម្បត្តិរបស់ពួកគាត់ជាង ២០០ឆ្នាំមកហើយ ។

« ព័ត៌មានមុន
ធនាគារអេស៊ីលីដា ចាប់ដៃគូជាមួយក្រុមហ៊ុនព្រូដិនសល (ខេមបូឌា) ឡាយហ្វ៍ អឹសួរ៉ិនស៍ ព័ត៌មានបន្ទាប់ »
ពិធីសម្ពោធអគារការិយាល័យថ្មី សាខាខេត្តមណ្ឌលគិរី

ពាន​រង្វាន់​ដៃ​គូ​ឆ្នើម​ និងអភិវឌ្ឍន៍​ផលិតផល​ទាន់​សម័យ​ឆ្នាំ២០១២ ពី​ J.P. Morgan

ពានរង្វាន់ដៃគូឆ្នើម និងអភិវឌ្ឍន៍ផលិតផលទាន់សម័យឆ្នាំ២០១២ ពី J.P. Morgan