USD
THB
EUR
AUD
VND
CAD
LAK
JPY
GBP
CNY
navigate_nextព័ត៌មានnavigate_nextព័ត៌មានថ្មីៗnavigate_nextពិធីអបអរសាទរខួបមួយឆ្នាំ ក្នុងការបង្កើតភាពជាដៃគូជាមួយក្រុមហ៊ុនព្រូដិនសលកម្ពុជា
ពិធីអបអរសាទរខួបមួយឆ្នាំ ក្នុងការបង្កើតភាពជាដៃគូជាមួយក្រុមហ៊ុនព្រូដិនសលកម្ពុជា
ថ្ងៃទី១៣ ខែមករា ឆ្នាំ២០១៤
កាលពីល្ងាចថ្ងៃទី១០ ខែមករា ឆ្នាំ២០១៤ ធនាគារអេស៊ីលីដា និងក្រុមហ៊ុនព្រូដិនសលកម្ពុជា បានប្រារព្ធពិធីអបអរសាទរខួបមួយឆ្នាំ ក្នុងការបង្កើតភាពជាដៃគូជាមួយគ្នា ។
នៅក្នុងពិធីខួបមួយឆ្នាំ ក្នុងការបង្កើតភាពជាដៃគូនេះ បណ្ឌិត អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា បានមានប្រសាសន៍ថ្លែងអំណរគុណដល់អតិថិជនដែលទិញសេវាធានារ៉ាប់រងអាយុជីវិត ពីក្រុមហ៊ុនព្រូដិនសល និងអបអរសាទរចំពោះសមិទ្ធផលសម្រេចបានយ៉ាងធំធេងក្នុងរយៈពេលមួយឆ្នាំនេះ ។
លោកបណ្ឌិតបានបន្តទៀតថា តាមរយៈកិច្ចសហប្រតិបត្តិការនេះ ក្រុមហ៊ុនព្រូដិនសលកម្ពុជា បានចែករំលែកបទពិសោធន៍ និងចំណេះដឹង ស្តីពីសេវាកម្មធានារ៉ាប់រងអាយុជីវិតដល់បុគ្គលិកធនាគារអេស៊ីលីដា នៅតាមបណ្តាការិយាល័យ និងសាខា ហើយធ្វើឱ្យធនាគារអេស៊ីលីដា និងក្រុមហ៊ុនព្រូដិនសលកម្ពុជា បម្រើសេវាកម្មធានារ៉ាប់រងអាយុជីវិតដ៏មានគុណភាព ឆ្លើយតបទៅនឹងតម្រូវការរបស់អតិថិជន និងធ្វើឱ្យពួកគាត់ ពេញចិត្តចំពោះសេវាកម្មធានារ៉ាប់រងអាយុជីវិតបែបនេះ ដែលពួកគាត់បានទន្ទឹងរង់ចាំជាយូរមកហើយ ។
បណ្ឌិត អ៊ិន ចាន់នី បានបន្ថែមទៀតថា ភាពជោគជ័យនេះ រួមចំណែកយ៉ាងធំធេងដល់ការរីកចម្រើនរបស់ធនាគារ អេស៊ីលីដា ភីអិលស៊ី ដែលធ្វើឱ្យមានប្រាក់ចំណេញដល់ជិត ៧៨លានដុល្លារអាមេរិក និងមានទ្រព្យសកម្មសរុបចំនួន ២,៣ ពាន់លានដុល្លារអាមេរិក នៅដំណាច់ឆ្នាំ២០១៣ ។ ធនាគារអេស៊ីលីដា មានការិយាល័យប្រតិបត្តិការចំនួន ២៣៨ការិយាល័យ គ្របដណ្តប់គ្រប់ខេត្ត-រាជធានី នៃព្រះរាជាណាចក្រកម្ពុជា, ៤១ការិយាល័យ នៅប្រទេសឡាវ និង ៦ការិយាល័យ នៅប្រទេសមីយ៉ាន់ម៉ា ។ បច្ចុប្បន្ន ធនាគារអេស៊ីលីដា ជាធនាគារពាណិជ្ជឈានមុខគេលើគ្រប់វិស័យ និងមានក្រុមហ៊ុនបុត្រសម្ព័ន្ធចំនួនបួន គឺ ធនាគារ អេស៊ីលីដា ឡាវ, អេស៊ីលីដា ស៊ីឃ្យួរឹធី ភីអិលស៊ី, អេស៊ីលីដា ត្រេននីង សេនធ័រ និងអេស៊ីលីដា មីក្រូហិរញ្ញវត្ថុ មីយ៉ានម៉ា ៕
