USD
THB
EUR
AUD
VND
CAD
LAK
JPY
GBP
CNY
navigate_nextព័ត៌មានnavigate_nextព័ត៌មានថ្មីៗnavigate_nextអេស៊ីលីដា ទទួលបានអាជ្ញាប័ណ្ណឲ្យបើកការិយាល័យតំណាង នៅមីយ៉ាន់ម៉ា
អេស៊ីលីដា ទទួលបានអាជ្ញាប័ណ្ណឲ្យបើកការិយាល័យតំណាង នៅមីយ៉ាន់ម៉ា
ថ្ងៃទី២៦ ខែមេសា ឆ្នាំ២០១៦
រាជធានីភ្នំពេញ ថ្ងៃទី២៦ ខែមេសា ឆ្នាំ២០១៦ ៖ ធនាគារ អេស៊ីលីដា ភីអិលស៊ី ប្រជាធនាគារដែលលោកអ្នកជឿទុកចិត្ត និងជាធនាគារពាណិជ្ជនាំមុខគេក្នុងព្រះរាជាណាចក្រកម្ពុជា បានប្រកាសព័ត៌មាននៅថ្ងៃនេះថា ធនាគារ អេស៊ីលីដា ភីអិលស៊ី បានទទួលអាជ្ញាប័ណ្ណឲ្យបើកការិយាល័យតំណាងនៅសាធារណរដ្ឋសហភាពមីយ៉ាន់ម៉ា ពីធនាគារកណ្តាលមីយ៉ាន់ម៉ា ដែលមានទីតាំងស្ថិតនៅ អគារលេខ១៨៦(ប៊ី) ផ្លូវស្វេកូងតាយ តំបន់យ៉េតាសេ ក្រុងបាហាន យ៉ាំងកូង មីយ៉ាន់ម៉ា ។
បណ្ឌិត អ៊ិន ចាន់នី ប្រធាននាយកប្រតិបត្តិ ធនាគារ អេស៊ីលីដា ភីអិលស៊ី បានមានប្រសាសន៍ថា ការទទួលបានអាជ្ញាប័ណ្ណជាការិយាល័យតំណាងនៅសាធារណរដ្ឋសហភាពមីយ៉ាន់ម៉ានេះ នឹងផ្តល់ឲ្យធនាគារ អេស៊ីលីដា ភីអិលស៊ី បម្រើប្រតិបត្តិការផ្សព្វផ្សាយទីផ្សារ, ផ្តល់ការទំនាក់ទំនង, និងផ្តល់ឯកសារពាក់ព័ន្ធនឹងគោលដៅអាជីវកម្ម ជូនដល់អតិថិជន, ណែនាំដល់អតិថិជននៅសាធារណរដ្ឋសហភាពមីយ៉ាន់ម៉ា ឲ្យបានស្គាល់ពីប្រតិបត្តិការធនាគារ, ត្រួតពិនិត្យនិងតាមដានឥណទានក្រៅប្រទេសដែលធ្វើអនុប្បទានដោយធនាគារ អេស៊ីលីដា ភីអិលស៊ី ។ ការទទួលបានអាជ្ញាប័ណ្ណនេះ នឹងធ្វើឲ្យធនាគារ អេស៊ីលីដា ភីអិលស៊ី ឈានទៅជំហានបន្ទាប់ចំពោះការធ្វើប្រតិបត្តិការធនាគារជាមួយនឹងលទ្ធផលសម្រេចក្នុងសាធារណរដ្ឋសហភាពមីយ៉ាន់ម៉ា ដើម្បីស្របតាមផែនការយុទ្ធសាស្ត្ររបស់ធនាគារ អេស៊ីលីដា ភីអិលស៊ី និងដើម្បីក្លាយជាធនាគារនាំមុខក្នុងតំបន់ និងស្ថិតក្នុងបរិបទសមាហរណកម្មសេដ្ឋកិច្ចអាស៊ាន ។
អំពីធនាគារ អេស៊ីលីដា ភីអិលស៊ី
បច្ចុប្បន្នធនាគារ អេស៊ីលីដា ភីអិលស៊ី បានបង្កើតឲ្យមានអារ្យភាវូបនីយកម្មទាន់សម័យនូវសេវាកម្មហិរញ្ញវត្ថុ អស់រយៈពេលជាង ២៤ឆ្នាំមកហើយ ដើម្បីបម្រើសេវាកម្មហិរញ្ញវត្ថុជូនដល់អតិថិជនទាំងវិស័យឯកជន និងវិស័យសាធារណៈ តាមរយៈបណ្តាញប្រតិបត្តិការចំនួន ២៥៨ សាខា ទូទាំងព្រះរាជាណាចក្រកម្ពុជា និង ៤១ ការិយាល័យ នៅប្រទេសឡាវ និង ៦ ការិយាល័យនៅប្រទេសមីយ៉ាន់ម៉ា ព្រមទាំងមានទ្រព្យសកម្មសរុបចំនួនជាង ៤.១៩០ លានដុល្លារអាមេរិក សមតុល្យឥណទានសរុបចំនួន ២.៧៣៣ លានដុល្លារអាមេរិក និងប្រាក់បញ្ញើសន្សំសរុបចំនួន ២.៨៦៥ លានដុល្លារអាមេរិក គិតត្រឹមខែមីនា ឆ្នាំ២០១៦ នេះ ។
ធនាគារ អេស៊ីលីដា ភីអិលស៊ី បានបង្កើតក្រុមហ៊ុនបុត្រសម្ព័ន្ធចំនួនប្រាំ គឺ ធនាគារ អេស៊ីលីដា ឡាវ, អេស៊ីលីដា ស៊ីឃ្យួរឹធី ភីអិលស៊ី, វិទ្យាស្ថាន ពាណិជ្ជសាស្ត្រ អេស៊ីលីដា, ស្ថានប័នមីក្រូហិរញ្ញវត្ថុ អេស៊ីលីដា មីយ៉ាន់ម៉ា និង អេស៊ីលីដា ប្រូភើធី អិលធីឌី ។
លោក ព្រំ វិសុទ្ធ
អនុប្រធាននាយកប្រតិបត្តិ និងជាគណៈប្រធាននាយកប្រតិបត្តិនីតិកម្ម និងលេខាធិការក្រុមហ៊ុន
អ៊ីម៉ែល ៖ visoth@acledabank.com.kh
