ព័ត៌មានព័ត៌មានថ្មីៗទេសាភិបាលរងរបស់ធនាគារឡាវ ទស្សនកិច្ចធនាគារ អេស៊ីលីដា ភីអិលស៊ី

ទេសាភិបាលរងរបស់ធនាគារឡាវ ទស្សនកិច្ចធនាគារ អេស៊ីលីដា ភីអិលស៊ី

ថ្ងៃទី១៣ ខែកក្កដា ឆ្នាំ២០១៦

កាលពីព្រឹកថ្ងៃទី១២ ខែកក្កដា ឆ្នាំ២០១៦ ឯកឧត្តម Sonexay SITPHAXAY ទេសាភិបាលរងធនាគារឡាវ (Bank of the Lao PDR) បានអញ្ជើញមកទស្សនកិច្ចនៅការិយាល័យកណ្តាលរបស់ធនាគារ អេស៊ីលីដា ភីអិលស៊ី ។

គោលបំណងនៃដំណើរទស្សនកិច្ចនេះ គឺដើម្បីស្វែងយល់ពីសមិទ្ធផលរបស់ធនាគារ អេស៊ីលីដា ភីអិលស៊ី និងផ្លាស់ប្តូរយោបល់អំពីការយល់ឃើញ ទាក់ទងនឹងវិស័យសេដ្ឋកិច្ច និងបទបញ្ញត្តិនានាក្នុងវិស័យធនាគារនៅសាធារណៈរដ្ឋប្រជាធិបតេយ្យប្រជាមានិតឡាវ ។

នៅក្នុងដំណើរទស្សនកិច្ចនេះ ឯកឧត្តម Sonexay SITPHAXAY ក៏បានស្នើសុំធនាគារ អេស៊ីលីដា ភីអិលស៊ី ឱ្យជួយគាំទ្រដល់ធនាគារឡាវ ទាំងបច្ចេកទេស និងបទពិសោធន៍ដ៏ជោគជ័យទាក់ទងនឹងបច្ចេកវិជ្ជាព័ត៌មានវិទ្យា ជាពិសេសគឺជួយគាំទ្រទាក់ទងនឹងប្រព័ន្ធប្រតិបត្តិការស្នូលរបស់ធនាគារ (Core Banking System) តែម្តង ដែលកំពុងតែប្រតិបត្តិនៅតាមធនាគាររបស់រដ្ឋមួយចំនួននៅក្នុងប្រទេសឡាវ ។

មិនតែប៉ុណ្ណោះ ឯកឧត្តមទេសាភិបាលរងក៏បានអញ្ជើញទស្សនាអគារថ្មីការិយាល័យកណ្តាលរបស់ធនាគារ អេស៊ីលីដា ភីអិលស៊ី និងស្វែងយល់ពីការរីកចម្រើនរបស់ធនាគារអេស៊ីលីដា ជាពិសេសទាក់ទងនឹងបណ្តាញប្រតិបត្តិការ និងការកាន់កាប់ចំណែកទីផ្សារដ៏ធំនៃវិស័យធនាគារនៅក្នុងប្រទេសកម្ពុជា ។

ឆ្លៀតក្នុងឱកាសនោះផងដែរ បណ្ឌិត អ៊ិន ចាន់នី ប្រធាននាយកប្រតិបត្តិធនាគារ អេស៊ីលីដា ភីអិលស៊ី ក៏បានសម្តែងនូវសេចក្តីរីករាយក្នុងការជួយសហការ និងគាំទ្រដល់ធនាគារឡាវ ទាក់ទងនឹងប្រព័ន្ធប្រតិបត្តិការស្នូលរបស់ធនាគារ និងថ្លែងអំណរគុណយ៉ាងជ្រាលជ្រៅចំពោះធនាគារឡាវ ដែលបានឧបត្ថម្ភគាំទ្រដល់ធនាគារ អេស៊ីលីដា ឡាវ នៅប្រទេសឡាវ ធ្វើឱ្យធនាគារ អេស៊ីលីដា ឡាវ រីកចម្រើនលូតលាស់ និងទទួលបានជោគជ័យដូចសព្វថ្ងៃនេះ ។

« ព័ត៌មានមុន
ធនាគារ អេស៊ីលីដា ភីអិលស៊ី ដាក់ឲ្យប្រើប្រាស់ជាផ្លូវការនូវ ប័ណ្ណម៉ាស្ទ័រកាតអេស៊ីលីដា ព័ត៌មានបន្ទាប់ »
ការដាក់ឱ្យដំណើរការជាផ្លូវការសេវាទូទាត់រហ័ស

ទេសា​ភិបាល​រង​របស់​ធនាគារ​ឡាវ ទស្សនកិច្ច​ធនាគារ អេស៊ីលីដា ភីអិលស៊ី

ទេសាភិបាលរងរបស់ធនាគារឡាវ ទស្សនកិច្ចធនាគារ អេស៊ីលីដា ភីអិលស៊ី