ព័ត៌មានព័ត៌មានថ្មីៗធនាគារ អេស៊ីលីដា ភីអិលស៊ី បើកសាខាថ្មីទី២៦០ នៅក្នុងក្រុងបាត់ដំបង

ធនាគារ អេស៊ីលីដា ភីអិលស៊ី បើកសាខាថ្មីទី២៦០ នៅក្នុងក្រុងបាត់ដំបង

ថ្ងៃទី២៨ ខែមីនា ឆ្នាំ២០១៧

ធនាគារ អេស៊ីលីដា ភីអិលស៊ី សាខាទី២ ក្រុងបាត់ដំបង

ដើម្បីផ្តល់នូវសេវាកម្មប្រកបដោយគុណភាព និងភាពងាយស្រួលឱ្យកាន់តែប្រសើរថែមទៀតជូនដល់អតិថិជនទាំងអស់ យើងខ្ញុំមានសេចក្តីសោមនស្សរីករាយសូមជូនដំណឹងដល់អតិថិជន និងសាធារណជនឱ្យបានជ្រាបថា ធនាគារអេស៊ីលីដាបានបើកសាខាថ្មីទី២៦០ គឺ សាខាទី២ ក្រុងបាត់ដំបង (ជាសាខាទី៣ នៅក្នុងក្រុងបាត់ដំបង) មានទីតាំងនៅលើផ្លូវជាតិលេខ៥ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។

ធនាគារ អេស៊ីលីដា ភីអិលស៊ី សាខាទី២ ក្រុងបាត់ដំបង នឹងចាប់បើកបម្រើជូនលោកអ្នកនូវសេវាកម្មធនាគារ ពីថ្ងៃទី១ ខែមេសា ឆ្នាំ២០១៧ នេះតទៅ ។

ភាពនៅជិតដើម្បីបម្រើលោកអ្នក គឺជាការប្តេជ្ញាចិត្ត និងការយកចិត្តទុកដាក់បំផុតរបស់យើងខ្ញុំ ដើម្បីផ្តល់នូវសេវាកម្មប្រកបដោយគុណភាព និងជឿជាក់សម្រាប់លោកអ្នក ។ ទោះជាលោកអ្នកនៅទីណាក៏ដោយ យើងខ្ញុំនៅទីនោះ រង់ចាំស្វាគមន៍បម្រើលោកអ្នកជានិច្ច ។

បច្ចុប្បន្នធនាគារ អេស៊ីលីដា ភីអិលស៊ី មានបណ្តាញប្រតិបត្តិការរហូតដល់ ២៦០ សាខា ទូទាំងព្រះរាជាណាចក្រកម្ពុជា និង ៤១ សាខានៅប្រទេសឡាវ និង ៧ សាខានៅប្រទេសមីយ៉ាន់ម៉ា ដោយមានទ្រព្យសកម្មសរុប ចំនួនជាង ៤.៧៦៩ លានដុល្លារអាមេរិក សមតុល្យឥណទានសរុប ចំនួន ២.៩០១ លានដុល្លារអាមេរិក និងប្រាក់បញ្ញើសន្សំសរុប ចំនួន ៣.១៩៤ លានដុល្លារអាមេរិក ។

សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងការិយាល័យទំនាក់ទំនងអតិថិជន តាមរយៈទូរស័ព្ទលេខ ៖ ០២៣ ៩៩៤ ៤៤៤ ឬ ០១៥ ៩៩៩ ២៣៣ បម្រើ២៤ម៉ោងក្នុងមួយថ្ងៃ និង៧ថ្ងៃក្នុងមួយសប្តាហ៍ ។

« ព័ត៌មានមុន
វិញ្ញាបនបត្រអនុលោមភាពសារពើពន្ធ ព័ត៌មានបន្ទាប់ »
សព្ទសាធុការពរ ក្នុងបុណ្យចូលឆ្នាំថ្មី ឆ្នាំរកា នព្វស័ក ព.ស.២៥៦១ គ.ស.២០១៧ របស់ប្រធាននាយកប្រតិបត្តិ

ធនាគារ អេស៊ីលីដា ភីអិលស៊ី បើក​សាខា​ថ្មី​ទី២៦០ នៅ​ក្នុង​ក្រុង​បាត់ដំបង

ធនាគារ អេស៊ីលីដា ភីអិលស៊ី បើកសាខាថ្មីទី២៦០ នៅក្នុងក្រុងបាត់ដំបង