ព័ត៌មានព័ត៌មានថ្មីៗធនាគារ អេស៊ីលីដា ភីអិលស៊ី សហការជាមួយនឹងធនាគារជប៉ុន SMBC រៀបចំវេទិកាពិភាក្សាពីធនធានមនុស្ស និងសេវាធនាគារ

ធនាគារ អេស៊ីលីដា ភីអិលស៊ី សហការជាមួយនឹងធនាគារជប៉ុន SMBC រៀបចំវេទិកាពិភាក្សាពីធនធានមនុស្ស និងសេវាធនាគារ

ថ្ងៃទី១១ ខែកក្កដា ឆ្នាំ២០១៩

នៅរសៀលថ្ងៃទី១១ ខែកក្កដា ឆ្នាំ២០១៩ ធនាគារ អេស៊ីលីដា ភីអិលស៊ី និងធនាគារជប៉ុន SMBC បានសហការគ្នារៀបចំវេទិកាជួបជុំរវាងសាជីវកម្មជប៉ុន និងថ្នាក់ដឹកនាំរបស់ស្ថាប័នទាំងពីរ ដើម្បីពិភាក្សាអំពីកិច្ចការធនធានមនុស្ស និងសេវាកម្មធនាគារនៅក្នុងប្រទេសកម្ពុជា ។

នៅក្នុងវេទិកានេះក៏មានការចូលរួមពី បណ្ឌិត អ៊ិន ចាន់នី ប្រធាននាយកប្រតិបត្តិ របស់ធនាគារ អេស៊ីលីដា ភីអិលស៊ី ព្រមទាំងសាជីវកម្មជប៉ុន និងកម្ពុជាជាច្រើនទៀតផងដែរ ។

គួរបញ្ជាក់ផងដែរថា ធនាគារជប៉ុន SMBC ជាភាគហ៊ុនិកធំមួយរបស់ធនាគារ អេស៊ីលីដា ភីអិលស៊ី ដែលកាន់កាប់ភាគហ៊ុនរបស់ធនាគារ អេស៊ីលីដា ភីអិលស៊ី ចំនួន ១៨,២៥% ។

SMBC បានវិនិយោគធនធានរបស់ខ្លួនយ៉ាងសកម្មក្នុងប្រទេសជាច្រើននៅតំបន់អាស៊ី ដែលមានសក្តានុពលរីកចម្រើនខ្លាំង ។ ដើម្បីផ្តល់ជូនអតិថិជនរបស់ធនាគារ អេស៊ីលីដា ទទួលបាននូវសេវាកម្មហិរញ្ញវត្ថុសមាហ័រណកម្មបានល្អប្រសើរ SMBC បានផ្តល់អ្នកជំនាញជាន់ខ្ពស់មកបម្រើការជាទីប្រឹក្សានៅក្នុងផ្នែកសាជីវកម្មអន្តរជាតិរបស់ធនាគារ អេស៊ីលីដា ចាប់តាំងពីឆ្នាំ២០១៣ មក ។

« ព័ត៌មានមុន
ធនាគារ អេស៊ីលីដា ភីអិលស៊ី និង លី ហួរ ផេប្រ៉ូ ភីអិលស៊ី (លី ហួរ វេរលុយ) ប្រកាសជាផ្លូវការភាពជាដៃគូផ្តល់សេវាផ្ទេរប្រាក់ និងទូទាត់ប្រាក់ទូទាំងប្រទេស ព័ត៌មានបន្ទាប់ »
ធនាគារ អេស៊ីលីដា ភីអិលស៊ី និងយូញៀនផេ ចាប់ដៃគូសហប្រតិបត្តិការអាជីវកម្ម