USD
THB
EUR
AUD
VND
CAD
LAK
JPY
GBP
CNY
navigate_nextព័ត៌មានnavigate_nextព័ត៌មានថ្មីៗnavigate_nextការភ្ជាប់បន្ថែមគណនីធនាគារ ជាមួយសេវាអេស៊ីលីដាទាន់ចិត្ត
ការភ្ជាប់បន្ថែមគណនីធនាគារ ជាមួយសេវាអេស៊ីលីដាទាន់ចិត្ត
ថ្ងៃទី២៥ ខែឧសភា ឆ្នាំ២០២០
លោកអ្នកអាចភ្ជាប់គណនីធនាគារ ជាមួយសេវាអេស៊ីលីដាយូនីធីទាន់ចិត្ត និងអាចផ្ទេរប្រាក់ពីគណនីទាន់ចិត្ត ទៅគណនីធនាគារ, ពីគណនីធនាគារ ទៅគណនីទាន់ចិត្ត, និងពីគណនីធនាគារ ទៅគណនីធនាគារ ។ល។
ប្រភេទគណនីធនាគារ
- គណនីឯកត្តជន និងគណនីក្រុមហ៊ុន-អង្គភាព រួមមាន ៖
- គណនីចរន្ត រួមទាំងគណនីចរន្តសម្រាប់ឥណទានវិបារូបរ៍ ។
- គណនីបញ្ញើសំចៃ រួមទាំងគណនីបើកប្រាក់បៀវត្ស និងគណនីសម្រាប់គាំទ្រឥណទាន-ប័ណ្ណឥណទាន ។
- គណនីបញ្ញើតាមតម្រូវការ ។
- គណនីរួម (Joint Account) ត្រូវមានលក្ខខណ្ឌ ដូចខាងក្រោម ៖
- លក្ខខណ្ឌនៃប្រតិបត្តិការគណនីចែងថា "ម្នាក់ក្នុងចំណោមអ្នកទាំងអស់ / Anyone of them may sign" ។
- មានបញ្ចូលស្នាមមេដៃ (Fingerprint Enrollment) របស់ម្ចាស់គណនី ។ ចំពោះសមាជិកគណនីរួម មិនអនុញ្ញាតឲ្យភ្ជាប់បន្ថែមជាមួយ សេវាអេស៊ីលីដាទាន់ចិត្ត ទេ ។
ប្រភេទរូបិយប័ណ្ណនៃគណនីធនាគារ
គណនីធនាគារ ជាប្រាក់រៀល និង/ឬប្រាក់ដុល្លារអាមេរិក ទើបអាចភ្ជាប់បន្ថែមជាមួយ សេវាអេស៊ីលីដាយូនីធីទាន់ចិត្ត បាន ។
របៀបភ្ជាប់គណនីធនាគារ ជាមួយសេវាអេស៊ីលីដាទាន់ចិត្ត
- គណនីឯកត្តជន និងគណនីរួម
- បើកកម្មវិធីអេស៊ីលីដាទាន់ចិត្ត
- ចូលប្រើសេវា (Login)
- ជ្រើសរើសប៊ូតុង ⋮
- ជ្រើសរើសម៉ឺនុយ "សុវត្ថិភាព និង ព័ត៌មានផ្ទាល់ខ្លួន"
- ជ្រើសរើសម៉ឺនុយ "ភ្ជាប់ឬលុបគណនីធនាគារ"
- បញ្ចូលលេខគណនីធនាគារ និងថ្ងៃខែឆ្នាំកំណើត
- សូមចុចប៊ូតុង "យល់ព្រម"
- បញ្ចូលលេខសុវត្ថិភាពដែលបានទទួលតាមរយៈការផ្ញើសារ
- សូមចុចប៊ូតុង "យល់ព្រម"
- លោកអ្នកអាចភ្ជាប់គណនីផ្សេងទៀត ដែលមានលេខសម្គាល់អតិថិជន (CIF) តែមួយ
- សូមចុចប៊ូតុង "យល់ព្រម"
- គណនីក្រុមហ៊ុន-អង្គភាព
- អតិថិជនត្រូវបំពេញពាក្យស្នើសុំភ្ជាប់គណនីធនាគារ ជាមួយសេវាអេស៊ីលីដាទាន់ចិត្ត នៅតាមសាខាដែលជិតបំផុត ដោយចុះហត្ថលេខា ឬស្នាមមេដៃ តាមលក្ខខណ្ឌបើកគណនី ។
- មិនបង់កម្រៃសេវា ។
warningលេខទូរសព្ទ ដែលភ្ជាប់សេវាអេស៊ីលីដាយូនីធីទាន់ចិត្ត និងលេខទូរស័ព្ទដែលផ្តល់ឱ្យនៅពេលបើកគណនីធនាគារ ត្រូវតែដូចគ្នា ទើបអាចភ្ជាប់បាន ។
របៀបលុបគណនីធនាគារ ចេញពីសេវាអេស៊ីលីដាទាន់ចិត្ត
- គណនីឯកត្តជន ឬគណនីរួម
បន្ទាប់ពីអតិថិជនបានភ្ជាប់បន្ថែមគណនីធនាគារ ជាមួយគណនីទាន់ចិត្តបានជោគជ័យ អតិថិជនក៏អាចលុបចេញវិញនូវគណនីដែលបានភ្ជាប់នោះដោយស្វ័យប្រវត្តិ តាមរយៈទូរស័ព្ទដែលចុះឈ្មោះប្រើប្រាស់សេវាអេស៊ីលីដាទាន់ចិត្ត តាមរបៀបដូចខាងក្រោម ៖ - បើកកម្មវិធីអេស៊ីលីដាទាន់ចិត្ត
- ចូលប្រើសេវា (Login)
- ជ្រើសរើសប៊ូតុង ⋮
- ជ្រើសរើសម៉ឺនុយ "សុវត្ថិភាព និង ព័ត៌មានផ្ទាល់ខ្លួន"
- ជ្រើសរើសម៉ឺនុយ "ភ្ជាប់ឬលុបគណនីធនាគារ"
- ចុចលើប៊ូតុងបិទគណនីដែលត្រូវលប់ចេញ
- គណនីក្រុមហ៊ុន-អង្គភាព
អតិថិជនត្រូវបំពេញពាក្យស្នើសុំលុបគណនីធនាគារ ចេញពីសេវាអេស៊ីលីដាទាន់ចិត្ត នៅតាមសាខាដែលជិតបំផុត ដោយចុះហត្ថលេខា ឬស្នាមមេដៃ តាមលក្ខខណ្ឌបើកគណនី ។
