ផលិតផល និងសេវាក្រុមហ៊ុនសេវាបញ្ញើ-សន្សំគណនីព្រះសង្ឃ និងគណនីមូលនិធិវត្ត

គណនីព្រះសង្ឃ និងគណនីមូលនិធិវត្ត

ឥឡូវនេះលោកអ្នកអាចស្នើសុំបើកគណនីថ្មី របស់លោកអ្នកតាមអនឡាញនៅលើកុំព្យូទ័រ ឬទូរសព្ទដៃរបស់លោកអ្នក បានគ្រប់ពេលវេលា ដោយគ្រាន់តែចូលតាមតំណភ្ជាប់នេះ ។

គណនីព្រះសង្ឃ និងគណនីមូលនិធិវត្ត ជាសេវាប្រាក់បញ្ញើមួយប្រភេទរបស់ធនាគារ អេស៊ីលីដា ភីអិលស៊ី ដែលអនុញ្ញាតប្រគេនព្រះសង្ឃ អង្គភាពព្រះពុទ្ធសាសនា (វត្ត) និងសមាគមព្រះពុទ្ធសាសនា អាចបើកគណនីបញ្ញើ-សន្សំ សម្រាប់គ្រប់គ្រង និងចាត់ចែងសាច់ប្រាក់ មូលនិធិវត្ត ឬបច្ច័យផ្សេងៗ ។

អត្ថប្រយោជន៍

ងាយស្រួលក្នុងការទុកដាក់សាច់ប្រាក់ មូលនិធិ និងបច្ច័យផ្សេងៗ ក្នុងទីកន្លែងដែលមានសុវត្ថិភាព ហើយអាចដកយកទៅប្រើប្រាស់តាមតម្រូវការ បានគ្រប់ពេលវេលា ។
មានសុវត្ថិភាព និងតម្លាភាពក្នុងការគ្រប់គ្រងចរន្តសាច់ប្រាក់ នៅធនាគារ អេស៊ីលីដា ភីអិលស៊ី និងប្រើប្រាស់សាច់ប្រាក់ជាមួយភាគីផ្សេងទៀត ។
ទទួលជំនួយសប្បុរស មូលនិធិសម្រាប់កសាង ឬបច្ច័យផ្សេងៗ ដែលផ្ទេរចូលគណនីតាមរយៈសេវាអេស៊ីលីដាម៉ូបាល សេវាអេស៊ីលីដាអ៊ីនធើណែត និងសេវាអេស៊ីលីដាអ៊ីខុមមើស បានគ្រប់ពេលវេលា គ្រប់ទីកន្លែង ទូទាំងពិភពលោក ពីពុទ្ធបរិស័ទ និងសាធារណជនទូទៅ ទាំងជនជាតិខ្មែរ និងបរទេស ។
ទទួលបានចំណូលពីការប្រាក់ តាមអត្រាការប្រាក់ខ្ពស់ ។
ទប់ស្កាត់ហានិភ័យផ្សេងៗ ។
បង្កើនទំនុកចិត្ត និងសទ្ធាជ្រះថ្លាពីពុទ្ធបរិស័ទ ។

លក្ខណៈពិសេស

គណនីព្រះសង្ឃ និងគណនីមូលនិធិវត្ត ជាប្រភេទគណនីចរន្ត គណនីបញ្ញើសំចៃ គណនីបញ្ញើតាមតម្រូវការ ឬប្រាក់បញ្ញើមានកាលកំណត់ គ្រប់ប្រភេទ អាស្រ័យតាមតម្រូវការជាក់ស្តែងរបស់អតិថិជន ។
មិនតម្រូវឱ្យដាក់ប្រាក់តម្កល់ដំបូង និងមានសមតុល្យគណនីអប្បបរមាឡើយ ។
ប្រភេទរូបិយប័ណ្ណ ជាប្រាក់រៀល ប្រាក់ដុល្លារអាមេរិក ឬប្រាក់បាត ។ល។

ឯកសារគាំទ្រសម្រាប់បើកគណនី

គណនីព្រះសង្ឃ (រូបវ័ន្តបុគ្គល)

១. គណនីផ្ទាល់ខ្លួនសម្រាប់ព្រះសង្ឃជាជនជាតិខ្មែរ

លិខិតសម្គាល់ព្រះសង្ឃ (ឆាយា សង្ឃដីកា ឬសុទ្ធិប័ត្រ) ច្បាប់ដើម ដែលមានបិទរូបថត ។
អាសយដ្ឋានទំនាក់ទំនង មានបញ្ជាក់ក្នុងលិខិតសម្គាល់ព្រះសង្ឃ ។
មានលេខទូរស័ព្ទចល័ត និង/ឬអ៊ីម៉ែល ។

២. គណនីផ្ទាល់ខ្លួនសម្រាប់ព្រះសង្ឃជាជនជាតិបរទេស

លិខិតសម្គាល់ព្រះសង្ឃ និងលិខិតឆ្លងដែនច្បាប់ដើម ដែលមានបិទរូបថត ច្បាស់លាស់ ត្រឹមត្រូវ គ្មានស្នាមបិទថ្មី កោសលុប ឬចំណុចសង្ស័យផ្សេងៗ និងនៅមានសុពលភាពយ៉ាងតិច ៣ខែ (គិតចាប់ពីថ្ងៃទទួលឯកសារ) ។
លិខិតបញ្ជាក់ទីលំនៅចេញដោយអាជ្ញាធរមានសមត្ថកិច្ច ឬលិខិតបញ្ជាក់ពីចៅអធិការវត្តដែលព្រះសង្ឃគង់ (ស្នាក់) នៅ ។
លេខទូរស័ព្ទចល័ត និង/ឬអ៊ីម៉ែល ។

គណនីរួម

គណនីរួមរវាងជនជាតិខ្មែរ ៖ សមាជិកគណនីមួយរូបៗ ត្រូវផ្តល់ឯកសារដូចការបើកគណនីផ្ទាល់ខ្លួន ដូចចំណុចទី១ ខាងលើ និង/ឬលិខិតសម្គាល់អត្តសញ្ញាណសមាជិកគណនីជាគ្រហស្ថ ។
គណនីរួមរវាងជនជាតិបរទេស ៖ សមាជិកគណនីមួយរូបៗ ត្រូវផ្តល់ឯកសារដូចការបើកគណនីផ្ទាល់ខ្លួន ដូចចំណុចទី២ ខាងលើ និង/ឬលិខិតឆ្លងដែនសមាជិកគណនីជាគ្រហស្ថ ។
គណនីរួមរវាងជនជាតិខ្មែរ និងជនជាតិបរទេស ៖

ជនជាតិខ្មែរ ៖ ត្រូវផ្តល់ឯកសារដូចការបើកគណនីផ្ទាល់ខ្លួន ដូចចំណុចទី១ ខាងលើ និង/ឬលិខិតសម្គាល់អត្តសញ្ញាណសមាជិកគណនីជាគ្រហស្ថ ។
ជនជាតិបរទេស ៖ ត្រូវផ្តល់ឯកសារដូចការបើកគណនីផ្ទាល់ខ្លួន ដូចចំណុចទី២ ខាងលើ និង/ឬលិខិតឆ្លងដែនសមាជិកគណនីជាគ្រហស្ថ ។ ប៉ុន្តែមិនតម្រូវឲ្យបង្ហាញលិខិតបញ្ជាក់ចៅអធិការវត្ត ឬលិខិតបញ្ជាក់ពីអាជ្ញាធរមានសមត្ថកិច្ចមូលដ្ឋាន នៅក្នុងព្រះរាជាណាចក្រកម្ពុជា បន្ថែមទៀតឡើយ ។

គណនីមូលនិធិវត្ត (នីតិបុគ្គល)

ឯកសារសម្គាល់អត្តសញ្ញាណរបស់សមាជិកគណនី ដូចជា លិខិតសម្គាល់ព្រះសង្ឃ និង/ឬអត្តសញ្ញាណប័ណ្ណសញ្ជាតិខ្មែរ ឬលិខិតឆ្លងដែន របស់គណៈកម្មការវត្ត ឬគណៈគ្រប់គ្រងសមាគមព្រះពុទ្ធសាសនា ។
សេចក្តីសម្រេចស្តីពីការតែងតាំងចៅអធិការវត្ត ឬប្រធានសមាគមព្រះពុទ្ធសាសនា ។
រចនាសម្ព័ន្ធគ្រប់គ្រងដែលមានសមាសភាពសមាជិក-សមាជិកាគណៈកម្មការវត្ត ឬគណៈគ្រប់គ្រងសមាគមព្រះពុទ្ធសាសនា ។
លក្ខន្តិកៈរបស់វត្ត ឬសមាគមព្រះពុទ្ធសាសនា ដែលសមស្របតាមសភាពជាក់ស្តែង ។
លិខិតអនុញ្ញាត ឬសេចក្តីសម្រេចរបស់ក្រសួងធម្មការ និងសាសនា ដូចជា ៖ សេចក្តីសម្រេចឲ្យដំណើរការវត្ត ឬលិខិតអនុញ្ញាតដែលពាក់ព័ន្ធនឹងឈ្មោះរបស់វត្ត ឬវិញ្ញាបនបត្រសមាគម ។ល។
សេចក្តីសម្រេចចិត្តរបស់ចៅអធិការ ប្រធានគណៈកម្មការវត្ត ឬប្រធានសមាគមព្រះពុទ្ធសាសនាលើការបើកគណនី ។
លិខិតផ្ទេរសិទ្ធិដល់បុគ្គលណាម្នាក់ជាតំណាងឲ្យវត្ត ឬសមាគមព្រះពុទ្ធសាសនា ឬឯកសារពាក់ព័ន្ធផ្សេងៗទៀត ។
រាល់ឯកសារទាំងអស់ខាងលើ តម្រូវឲ្យផ្តល់ជាភាសាខ្មែរ ឬភាសាអង់គ្លេស ឬបកប្រែជាផ្លូវការមកជាភាសាខ្មែរ ឬភាសាអង់គ្លេស ។

សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងភ្នាក់ងារបម្រើអតិថិជននៅសាខាធនាគារអេស៊ីលីដា ដែលនៅជិតលោកអ្នកបំផុត ឬទាក់ទងមកការិយាល័យទំនាក់ទំនងអតិថិជន ។

គណនី​ព្រះ​សង្ឃ និង​គណនី​មូលនិធិ​វត្ត

អត្ថប្រយោជន៍

លក្ខណៈ​ពិសេស

ឯកសារ​គាំទ្រ​សម្រាប់​បើក​គណនី

គណនីព្រះសង្ឃ និងគណនីមូលនិធិវត្ត

លក្ខណៈពិសេស

ឯកសារគាំទ្រសម្រាប់បើកគណនី