ផលិតផល និងសេវាឯកត្តជនសេវាផ្ទេរប្រាក់ផ្ទេរប្រាក់ក្រៅប្រទេសតាមម៉ាន់នីក្រាម

ផ្ទេរប្រាក់ក្រៅប្រទេសតាមម៉ាន់នីក្រាម

លោកអ្នកអាចផ្ទេរប្រាក់ទៅ-មក ក្រៅប្រទេស ទូទាំងពិភពលោកបានយ៉ាងឆាប់រហ័ស តាមរយៈ ម៉ាន់នីក្រាម (MoneyGrame) ប្រកបដោយសុវត្ថិភាពខ្ពស់ និងងាយស្រួល។

អត្ថប្រយោជន៍

ផ្ទេរប្រាក់ចេញទៅក្រៅប្រទេស ជាមួយអេស៊ីលីដាម៉ូបាល នៅក្នុងទូរស័ព្ទដៃរបស់លោកអ្នក ដើម្បីទូទាត់ថ្លៃទំនិញនាំចូល សាលារៀន ឬផ្ញើជូនក្រុមគ្រួសារ ទូទាំងពិភពលោក បានភ្លាមៗគ្រប់ពេលវេលា។
ទទួលប្រាក់ដែលផ្ទេរចូលគណនីធនាគារ អេស៊ីលីដា ពីក្រៅប្រទេស ទូទាំងពិភពលោក បានភ្លាមៗគ្រប់ពេលវេលា ដោយមិនអស់ថ្លៃសេវា។
ទទួលប្រាក់ដែលផ្ទេរពីក្រៅប្រទេស ដោយប្រើលេខសម្ងាត់ ៨ខ្ទង់ និងលិខិតសម្គាល់អត្តសញ្ញាណ ដើម្បីដកប្រាក់នៅតាមបញ្ជរធនាគារ អេស៊ីលីដា ដោយមិនអស់ថ្លៃសេវា។

លក្ខណៈពិសេស

ទទួលប្រាក់ផ្ទេរចូលជាដុល្លារ ឬរៀល តាមប្រភេទរូបិយប័ណ្ណនៃគណនីរបស់អ្នកទទួល ហើយអាចដកប្រាក់បានភ្លាមៗនៅតាមម៉ាស៊ីនអេធីអឹម របស់ធនាគារ អេស៊ីលីដា គ្រប់ទីកន្លែង។
ផ្ទេរប្រាក់ចេញទៅក្រៅប្រទេស តាមអេស៊ីលីដាម៉ូបាល ជាប្រាក់ដុល្លារអាមេរិក តាមធនាគារអន្តរការី ដែលមានស្លាកសញ្ញាម៉ាន់នីក្រាម ទូទាំងពិភពលោក។ ករណីរូបិយប័ណ្ណនៃគណនីផ្ទេរចេញជាប្រាក់ផ្សេង នោះប្រព័ន្ធនឹងប្តូរដោយស្វ័យប្រវត្តិទៅជាដុល្លារអាមេរិក។
អាចមកផ្ទេរប្រាក់ចេញទៅក្រៅប្រទេស នៅតាមបញ្ជរធនាគារ អេស៊ីលីដា ក៏បានដែរ។
ថ្លៃសេវាផ្ទេរប្រាក់ គិតតែពីអ្នកផ្ទេរតែប៉ុណ្ណោះ ចំពោះអ្នកទទួលមិនគិតថ្លៃសេវាទេ។

ការផ្ទេរប្រាក់

លោកអ្នកអាចផ្ទេរប្រាក់ចេញទៅក្រៅប្រទេស បានដោយខ្លួនឯង តាមអេស៊ីលីដាម៉ូបាល គ្រប់ពេលវេលា ដោយបញ្ចូលព័ត៌មាននៃការផ្ទេរប្រាក់ និងព័ត៌មានអ្នកទទួល ឱ្យបានត្រឹមត្រូវ។
លោកអ្នកអាចផ្ទេរបាន ៤ដង ក្នុងមួយថ្ងៃ និងក្នុងមួយដងបាន ៩៩៩៩ ដុល្លារអាមេរិក លើអេស៊ីលីដាម៉ូបាល។
ឬលោកអ្នកអាចអញ្ជើញមកផ្ទេរប្រាក់នៅតាមបញ្ជរសាខាធនាគារ អេស៊ីលីដា ដែលនៅជិតលោកអ្នក ដោយកាត់ទឹកប្រាក់ចេញពីគណនី ឬផ្ទេរជាសាច់ប្រាក់ ដោយភ្ជាប់មកជាមួយនូវលិខិតសម្គាល់អត្តសញ្ញាណ។

ការទទួលប្រាក់

លោកអ្នកអាចទទួលប្រាក់ផ្ទេរចូលភ្លាមៗ តាមរយៈគណនី ដោយស្វ័យប្រវត្តិ។
លោកអ្នកអាចទទួលប្រាក់បាន រហូតដល់ ១០.០០០ ដុល្លារអាមេរិក ឬ ៤០ លានរៀល ក្នុងមួយថ្ងៃ លើអេស៊ីលីដាម៉ូបាល។
ឬអាចមកដកជាសាច់ប្រាក់ នៅបញ្ជរសាខាធនាគារ អេស៊ីលីដា ដែលនៅជិតលោកអ្នក ដោយបង្ហាញលេខយោង ៨ខ្ទង់ (Reference Number) និងភ្ជាប់មកនូវលិខិតសម្គាល់អត្តសញ្ញាណ ដោយមិនកំណត់ចំនួនទឹកប្រាក់ទទួល។
មិនគិតថ្លៃសេវាបន្ថែម ពីអ្នកទទួលប្រាក់។

សម្រាប់តម្រូវការប្រើប្រាស់សេវាធនាគារ អេស៊ីលីដា ឬព័ត៌មានផ្សេងៗ សូមទាក់ទងទូរស័ព្ទលេខ ០២៣ ៩៩៤ ៤៤៤ ឬ ០១៥ ៩៩៩ ២៣៣ (បម្រើ២៤ម៉ោង)។