ផលិតផល និងសេវាឯកត្តជនសេវាពាក់ព័ន្ធមូលបត្រ និងបរធនសេវាមូលបត្ររដ្ឋ

សេវាមូលបត្ររដ្ឋ

ធនាគារ អេស៊ីលីដា បានទទួលការអនុញ្ញាតពីនិយ័តករមូលបត្រកម្ពុជា ដើម្បីផ្តល់សេវាជាអន្តរការី ក្នុងការទិញ-លក់មូលបត្ររដ្ឋ (បរិវិសកម្ម ជួញដូរ និងទូទាត់) ជូនក្រុមហ៊ុនធានារ៉ាប់រង, ប.ស.ស និងអតិថិជន-សាធារណជន (ទាំងជនជាតិខ្មែរ និងបរទេស) ព្រមទាំងក្រុមហ៊ុន-ស្ថាប័នផ្សេងៗទៀត។

មូលបត្ររដ្ឋ សំដៅដល់ប័ណ្ណ សញ្ញាប័ណ្ណ និងឧបករណ៍ហិរញ្ញវត្ថុផ្សេងៗទៀត ដែលបញ្ជាក់ពីការទទួលស្គាល់បំណុល ដែលបានបោះផ្សាយក្នុងនាមរាជរដ្ឋាភិបាល នៅក្រោមច្បាប់ស្តីពីមូលបត្ររដ្ឋ រួមមាន៖

ប័ណ្ណរតនាគារ (Treasury Bill) ដែលមានឥណប្រតិទាន តិចជាងមួយឆ្នាំ។
សញ្ញាប័ណ្ណរតនាគារ (Treasury Bond) ដែលមានឥណប្រតិទាន ចាប់ពីមួយឆ្នាំឡើងទៅ។
មូលបត្ររដ្ឋផ្សេងទៀត។

អត្ថប្រយោជន៍

ទទួលបានចំណូលថេរពីការប្រាក់។
អាចព្យាករណ៍ដឹងជាមុនអំពីចំណូលការប្រាក់ និងលំហូរសាច់ប្រាក់ នៃដើមទុនដែលបានវិនិយោគលើមូលបត្ររដ្ឋ។
ធានាសុវត្ថិភាពខ្ពស់ ក្នុងការទទួលបានការទូទាត់សងពីរដ្ឋាភិបាល ទាំងការប្រាក់ និងប្រាក់ដើមត្រឡប់មកវិញ។
អាចប្រើប្រាស់ផលិតផល-សេវាកម្មផ្សេងទៀតរបស់ធនាគារ អេស៊ីលីដា ភីអិលស៊ី។

លក្ខណៈពិសេស របស់មូលបត្ររដ្ឋ

មូលបត្ររដ្ឋ ត្រូវបានបោះផ្សាយជា ប្រាក់រៀល។
តម្លៃចារឹកក្នុងមួយប័ណ្ណ (Face Value Per Bond): ១លានរៀល
ឥណប្រតិទាន (Maturity): ១, ៣, & ៥ ឆ្នាំ
ប្រភេទគូប៉ុង (Coupon Type): ថេរ (Fixed)
មូលដ្ឋានរាប់ចំនួនថ្ងៃគិតការប្រាក់ (Day Count): ការប្រាក់គិតតាមចំនួនថ្ងៃជាក់ស្តែង (Actual)
ការសងប្រាក់ដើម (Principal Amount Repayment): ទូទាត់សងនៅចុងឥណប្រតិទាន (Payment at the End of Maturity Date)។
ព័ត៌មានបន្ថែម សូមមើលសេចក្តីជូនដំណឹង ស្តីពីការបោះផ្យាយមូលបត្ររដ្ឋ របស់ធនាគារជាតិនៃកម្ពុជា ឬក្រសួងសេដ្ឋកិច្ច និងហិរញ្ញវត្ថុ។

ទំហំប្រាក់ដើមវិនិយោគ

ទំហំវិនិយោគអប្បបរមា: ១០០លានរៀល សម្រាប់វិនិយោគិនជាក្រុមហ៊ុន-ស្ថាប័ន។
ទំហំវិនិយោគអប្បបរមា: ២០លានរៀល សម្រាប់វិនិយោគិនជាឯកត្តជន។
ចំនួន, អត្រាគូប៉ុង និងទំហំទឹកប្រាក់បោះផ្សាយលក់មូលបត្ររដ្ឋសរុប នឹងត្រូវប្រកាសជូនដំណឹងដោយ ធនាគារជាតិ នៃ កម្ពុជា។

វិញ្ញាបនបត្រមូលបត្ររដ្ឋ

វិញ្ញាបនបត្រមូលបត្ររដ្ឋ គឺជាលិខិតសម្គាល់ក្នុងការទិញមូលបត្ររដ្ឋ ដែលអតិថិជនបានយល់ព្រមដាក់ប្រាក់បញ្ញើ និងទិញមូលបត្ររដ្ឋ នៅធនាគារ អេស៊ីលីដា ភីអិលស៊ី ក្នុងរយៈពេលមួយកំណត់ជាក់លាក់។
វិញ្ញាបនបត្រមូលបត្ររដ្ឋ អាចធ្វើចរាចរទីផ្សារបាន ដូចជាការទិញ-លក់ ឬផ្ទេរ និងការដាក់ជាប្រាតិភោគធានាកម្ចី មានន័យថា អតិថិជនអាចលក់ ឬផ្ទេរទៅបុគ្គលផ្សេង ដើម្បីប្តូរយកជាប្រាក់ ឬវត្ថុបាន និងអាចប្រើបា្រស់ជាទ្រព្យធានាបំណុល ដើម្បីស្នើសុំឥណទានពីធនាគារ អេស៊ីលីដា ភីអិលស៊ី។

ការដាក់ពាក្យស្នើសុំទិញមូលបត្ររដ្ឋ

អតិថិជន ត្រូវចុះឈ្មោះទិញមូលបត្ររដ្ឋ និងដាក់សំណើដេញថ្លៃទិញ (អត្រាគូប៉ុង អប្បបរមា និងថ្លៃអតិបរមា) ជាមុន នៅតាមការិយាល័យធនាគារ អេស៊ីលីដា។

សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងជាមួយនឹងសាខារបស់យើងខ្ញុំ ដែលមានទីតាំងនៅជិតលោកអ្នកបំផុត ឬក៏ទាក់ទងមកការិយាល័យទំនាក់ទំនងអតិថិជន (បម្រើ២៤ម៉ោង)៖ ០២៣ ៩៩៤ ៤៤៤, ០១៥ ៩៩៩ ២៣៣ ។