ព័ត៌មានព័ត៌មានថ្មីៗសន្និសីទស្តីពីការវិនិយោគ ការធ្វើពាណិជ្ជកម្ម និង ហេដ្ឋារចនាសម្ព័ន្ធនៅប្រទេសកម្ពុជា

សន្និសីទស្តីពីការវិនិយោគ ការធ្វើពាណិជ្ជកម្ម និង ហេដ្ឋារចនាសម្ព័ន្ធនៅប្រទេសកម្ពុជា

ថ្ងៃទី១៨ ខែវិច្ឆិកា ឆ្នាំ២០០៥

ថ្ងៃទី៣០ ខែវិច្ឆិកា ដល់ ថ្ងៃទី០១ ខែធ្នូ ឆ្នាំ២០០៥
នៅសណ្ឋាគារឡឺរ៉ូយ៉ាល់
រាជធានីភ្នំពេញ ព្រះរាជាណាចក្រកម្ពុជា

អ្នករួមសហប្រតិបត្តិការ ៖ កម្មវិធីអភិវឌ្ឍន៍អង្គការសហប្រជាជាតិ (UNDP)
អ្នកឧបត្ថម្ភសំខាន់ ៖ KPMG, ធនាគារអេស៊ីលីដា ភីអិលស៊ី
អ្នករួមឧបត្ថម្ភ ៖ Northbridge Communities, British Gas, MobiTel, DFDL, RM Asia, Sciaroni & Associates, Comin Khmere, Cintri, SCA, Royal Haskoning, Moody's Investors Service

អំពីប្រទេសកម្ពុជា

ដោយមានទីតាំងស្ថិតនៅតំបន់យុទ្ឋសាស្ត្រ ចន្លោះតំបន់រីកចម្រើនដ៏សំខាន់រវាងប្រទេសថៃ (ប៉ែកខាងកើតក្បែរសមុទ្រ) និងវៀតណាម (តំបន់ទំនាបទន្លេមេគង្គនិងទីក្រុងហូជីម៉ិញ) កម្ពុជាគឺជាប្រទេសមួយសំបូរដីមានជីជាតិ ប្រកបដោយសក្តានុពលយ៉ាងខ្លាំងសម្រាប់ការអភិវឌ្ឍ ។ ថ្វីបើប្រទេសកម្ពុជាមានប្រវត្តិសាស្ត្រដ៏តក់ស្លុត និងមានហេដ្ឋារចនាសម្ព័ន្ធមិនគ្រប់គ្រាន់ក៏ដោយ ក៏ផលិតផលក្នុងស្រុកសរុបប្រចាំឆ្នាំមានការកើនឡើង (ក្រោយពីវិបត្តិសេដ្ឋកិច្ច ឆ្នាំ១៩៩៩-២០០៤ យោងទៅតាមធនាគារអភិវឌ្ឍន៍អាស៊ី) ដល់ ៦,៧% គឺជាប់ចំណាត់ថ្នាក់ទី២ នៅតំបន់អាស៊ីអាគ្នេយ៍និងអាស៊ីខាងកើត បន្ទាប់ពីប្រទេសចិន ។

រាជរដ្ឋាភិបាលកម្ពុជាកំពុងមានស្ថិរភាព និងកំពុងតែបន្តដំណើរការកំណែទម្រង់ខាងវិស័យពាណិជ្ជកម្ម ដែលក្នុងនោះអ្នកវិនិយោគក្នុងស្រុកនិងបរទេសទទួលបានអត្ថប្រយោជន៍ទូទៅស្មើៗគ្នា ។ ក្នុងសមាសភាពជាសមាជិកថ្មីបំផុតរបស់អង្គការពាណិជ្ជកម្មពិភពលោក (WTO) ប្រទេសកម្ពុជាបានប្តេជ្ញាចិត្តបើកចំហរនូវរបប វិនិយោគនិងពាណិជ្ជកម្មមួយ ទាំងក្នុងស្រុកនិងនៅក្រៅប្រទេស ។ ប៉ុន្តែ "ឱកាសវិនិយោគនៅកម្ពុជា" ដែលកំពុងតែផ្តល់ឱកាសដែលពុំធ្លាប់មាន ដល់វិនិយោគិនសហគ្រាសនិងពាណិជ្ជករជាច្រើន នៅមិនទាន់ល្បីល្បាញជាអន្តរជាតិនៅឡើយទេ ។

អំពីសន្និសីទ

"សន្និសីទស្តីពីការវិនិយោគ ការធ្វើពាណិជ្ជកម្ម និងហេដ្ឋារចនាសម្ព័ន្ធនៅប្រទេសកម្ពុជា" ត្រូវបានរៀបចំឡើងជាលើកទី៤ ដោយ Dataconsult នៅក្នុងប្រទេសកម្ពុជាតាំងពីឆ្នាំ១៩៩៦ ។ រាល់សន្និសីទនីមួយៗតែងមានការចូលរួមយ៉ាងសកម្មពី សម្តេចនាយករដ្ឋមន្ត្រី រដ្ឋមន្ត្រីសេដ្ឋកិច្ចសំខាន់ៗ អ្នកជំនួញឈានមុខរបស់ជាតិនិងអន្តរជាតិ ដែលមានវត្តមានជាមធ្យមលើសពី ២០០នាក់ ។ របៀបវារៈរបស់សន្និសីទនិយាយអំពី ការវិនិយោគ ពាណិជ្ជកម្មក្នុងស្រុកនិងក្រៅប្រទេស និង ទិដ្ឋភាពហេដ្ឋារចនាសម្ព័ន្ធរបស់ប្រទេសកម្ពុជា ។

វត្តមានក្នុងសន្និសីទនេះ នឹងផ្តល់ឱ្យអ្នកចូលរួមនូវគុណប្រយោជន៍ដូចខាងក្រោម ៖

អន្តរកម្មដោយផ្ទាល់ជាមួយអ្នកដឹកនាំរបស់រាជរដ្ឋាភិបាល
ទទួលបានព័ត៌មានថ្មីអំពីការកែប្រែបទបញ្ជាផ្សេងៗ និងកែទម្រង់គំនិតផ្តួចផ្តើមនានាដែលជះឥទ្ឋិពលដល់ពាណិជ្ជកម្ម
ភ្ជាប់ទំនាក់ទំនងជាមួយវិនិយោគិន និងពាណិជ្ជករនៅកម្ពុជាដែលជោគជ័យស្រាប់
ព័ត៌មានសម្រាប់ឱកាសវិនិយោគ និង ពាណិជ្ជកម្ម
ឱកាសពិភាក្សាជាមួយរាជរដ្ឋាភិបាល ដើម្បីតម្រង់ទិសគោលនយោបាយនៅពេលអនាគតឱ្យមានប្រសិទ្ធភាព

អ្នកណាដែលគួរចូលរួម

អ្នកធ្វើការសម្រេចចិត្តនៅក្នុងតំបន់ និងក្នុងប្រទេស
អ្នកដឹកនាំសម្រាប់ការអភិវឌ្ឍមុខជំនួញ និងអ្នកវិភាគវាយតម្លៃហានិភ័យ និង ឱកាសផ្សេងៗទៀតរបស់ប្រទេស
ថ្នាក់ដឹកនាំសាជីវកម្មនានារបស់ប្រទេសជិតខាង ដែលមានចំណាប់អារម្មណ៍ខ្ពស់មកលើទីផ្សារប្រទេសកម្ពុជា
អ្នកឯកទេសឧស្សាហកម្មខាងហិរញ្ញវត្ថុ ការដឹកនាំ ឋាមពល សំលៀកបំពាក់ កសិឧស្សាហកម្ម ទូរគមនាគមន៍ ទេសចរណ៍ ដឹកជញ្ជូន សំណង់ ពាណិជ្ជកម្មក្នុងនិងក្រៅប្រទេស
សមាគមស្ថាប័នពាណិជ្ជកម្មពហុតោភាគី និងអ្នកឯកទេសបណ្ឌិតសភាមានអត្ថប្រយោជន៍ផ្នែកវិជ្ជាជីវៈ មកលើប្រទេសកម្ពុជា

ចំណុចជួបប្រជុំគ្នារវាងអ្នកធ្វើគោលការណ៍ និង ពាណិជ្ជកម្ម

សម្តេចនាយករដ្ឋមន្ត្រី ហ៊ុន សែន, ឯកឧត្តម សុខ អាន ឧបនាយករដ្ឋមន្ត្រី, ឯកឧត្តម ចម ប្រសិទ្ឋ ទេសរដ្ឋមន្ត្រី រដ្ឋមន្ត្រីក្រសួងពាណិជ្ជកម្ម និង ឯកឧត្តម គាត ឈន់ ទេសរដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ បានបញ្ជាក់ថានឹងដឹកនាំក្រុមការងារកំពូលៗរបស់ក្រសួងនិងរដ្ឋាភិបាល ដោយមានការចូលរួមដោយក្រុមអ្នកធ្វើការសម្រេចចិត្តមុខជំនួញ និង អ្នកយុទ្ឋសាស្ត្រកម្ពុជានិងបរទេស ។

អង្គការសហប្រតិបត្តិការមួយចំនួនរួមមាន ក្រុមប្រឹក្សាពាណិជ្ជកម្មសហរដ្ឋអាមេរិកនិងអាស៊ាន សមាគមពាណិជ្ជកម្មអន្តរជាតិនៃសភាពាណិជ្ជកម្មកម្ពុជា និងសមាគមឧស្សាហកម្មមកពីប្រទេសកម្ពុជា ម៉ាឡេស៊ី សឹង្ហបូរី ថៃ វៀតណាម និងប្រទេសផ្សេងៗទៀត ។

របៀបវារៈលម្អិត

នៅថ្ងៃពុធ ទី៣០ ខែវិច្ឆិកា ឆ្នាំ២០០៥

០៨:០០-០៩:៣០	ចុះឈ្មោះ និងសំណេះសំណាលគ្នា
០៩:៣០-១១:០០	ស្ថាបនាកម្ពុជាថ្មី ៖ សមិទ្ឋផល និងការប្តេជ្ញាចិត្តផ្សេងៗ (ដោយសម្តេច ហ៊ុន សែន នាយករដ្ឋមន្ត្រីព្រះរាជាណាចក្រកម្ពុជា)
១១:១៥-១២:១៥	ទស្សនវិស័យសេដ្ឋកិច្ចនិងវិនិយោគ (ឯកឧត្តម គាត ឈន់ ទេសរដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ)
១៣:៣០-១៤:៣០	ពី AFTA ទៅ WTO ៖ ឱកាស និងការប្រកួតប្រជែង (ឯកឧត្តម ចម ប្រសិទ្ឋ ទេសរដ្ឋមន្ត្រី រដ្ឋមន្ត្រីក្រសួងពាណិជ្ជកម្ម)
១៤:៣០-១៥:៣០	ហេដ្ឋារចនាសម្ព័ន្ធសម្រាប់វិស័យឧស្សាហកម្ម (ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូន)
១៦:០០-១៧:០០	វិស័យធនាគារសម្រាប់ពាណិជ្ជកម្ម (ធនាគារជាតិនៃកម្ពុជា និង ភ្នាក់ងារធនាគារ)
១៧:០០-១៨:០០	តំបន់សេដ្ឋកិច្ចនិងនីហរណកម្មពិសេសៗ ៖ កសាងគ្រឹះឧស្សាហកម្មមួយដែលមានទំនោរទៅរកសហគមន៍ សម្រាប់កម្ពុជា
១៨:៣០-២០:៣០	ពិធីទទួលទានស្រា Cocktail (រៀបចំដោយ ស្ថានទូតអាមេរិក, សហគមន៍ Northbridge និង Amcam/សមាគមពាណិជ្ជកម្មអន្តរជាតិនៃប្រទេសកម្ពុជា)

នៅថ្ងៃព្រហស្បតិ៍ ទី០១ ខែធ្នូ ឆ្នាំ២០០៥

០៩:០០-០៩:៤៥	របៀបវារៈនៃការកែទម្រង់ ៖ តើវាមានសារៈសំខាន់បែបណាសម្រាប់ពាណិជ្ជកម្ម (ថ្លែងដោយទេសរដ្ឋមន្ត្រី)
១០:០០-១១:១៥	បរិយាយលម្អិត ៖ ផ្នែក "A" ធនាគារ ធានារ៉ាប់រង និងសេវាហិរញ្ញវត្ថុ ដំណើរការនាំចេញ និងការសម្រុះសម្រួលដល់ពាណិជ្ជកម្មអន្តរជាតិ ហេដ្ឋារចនាសម្ព័ន្ធ ទូរគមនាគមន៍ និង គមនាគមន៍ ឋាមពល ប្រេង និង ឧស្ម័ន ទីផ្សារផលិតផលប្រើប្រាស់ក្នុងស្រុក និង ផ្នែកលក់រាយ
១១:១៥-១២:៣០	ផ្នែក "B" កសិឧស្សាហកម្ម ផលិតកម្ម និងការអភិវឌ្ឍសហគ្រាសខ្នាតតូចនិងខ្នាតមធ្យម វិស័យទេសចរណ៍ សណ្ឋាគារ និង សេវាធ្វើដំណើរ ច្បាប់ ពន្ធ និង អភិបាលកិច្ចល្អ ការប្រកួតប្រជែងផ្នែកធនធានមនុស្ស ៖ ការអប់រំ និងការបម្រើការងារ អចលទ្រព្យ សំណង់ និង ការអភិវឌ្ឍតាមទីជនបទ
១២:៣០-១៤:០០	សេចក្តីសន្និដ្ឋាន (ពិភាក្សាពេលអាហារថ្ងៃត្រង់ ជាមួយឯកឧត្តម ចម ប្រសិទ្ឋ ទេសរដ្ឋមន្ត្រី រដ្ឋមន្ត្រីក្រសួងពាណិជ្ជកម្ម)

តម្លៃសម្រាប់ការចូលរួម

តម្លៃស្តង់ដា ៖ ១៩៥ដុល្លារអាមេរិក ក្នុងមួយនាក់
តម្លៃពិសេសសម្រាប់សមាជិកនៃអង្គការសហប្រតិបត្តិការ ៖ ១៧៥ដុល្លារអាមេរិក ក្នុងមួយនាក់
តម្លៃខាងលើត្រូវបង់ទៅសមាគមពាណិជ្ជកម្មអន្តរជាតិប្រចាំកម្ពុជា លោក David King, KPMG Camboida Ltd., ផ្ទះលេខ២ ផ្លូវលេខ២០៨ ភ្នំពេញ ។
ទូរស័ព្ទ ៖ (៨៥៥)-២៣-២១៦ ៨៩៩
ទូរសារ ៖ (៨៥៥)-២៣-២១៦ ៤០៥
អ៊ីម៉ែល ៖

ការរៀបចំជាពិសេសរបស់សណ្ឋាគារ (រាប់បញ្ចូលអាហារពេលព្រឹក)

សណ្ឋាគារឡឺរ៉ូយ៉ាល់ (ភ្នំពេញ)
ទូរស័ព្ទ ៖ (៨៥៥)-២៣-៩៨១ ៨៨៨
អ៊ីម៉ែល ៖
វេបសាយ ៖ www.raffles.com
តម្លៃបន្ទប់សម្រាប់១នាក់ ៨៩,៧៥ដុល្លារអាមេរិក សម្រាប់២នាក់ ៩៩ដុល្លារអាមេរិក (State room)

សណ្ឋាគារសាន់វ៉េ (ភ្នំពេញ)
ទូរស័ព្ទ ៖ (៨៥៥)-២៣-៤៣០ ៣៣៣
អ៊ីម៉ែល ៖
វេបសាយ ៖ www.sunway.com.kh
តម្លៃបន្ទប់សម្រាប់១នាក់ ៧០ដុល្លារអាមេរិក សម្រាប់២នាក់ ៨០ដុល្លារអាមេរិក (Deluxe room)

សណ្ឋាគារភ្នំពេញ (ភ្នំពេញ)
ទូរស័ព្ទ ៖ (៨៥៥)-២៣-៩៩១ ៨៦៨
អ៊ីម៉ែល ៖
វេបសាយ ៖ www.phnompenhhotel.com
តម្លៃបន្ទប់សម្រាប់១នាក់ ៥៥ដុល្លារអាមេរិក សម្រាប់២នាក់ ៦០ដុល្លារអាមេរិក (Superior room)

សណ្ឋាគារហូលីដេវីឡា
ទូរស័ព្ទ ៖ (៨៥៥)-២៣-៩៩០ ៨៨៨
អ៊ីម៉ែល ៖
វេបសាយ ៖ www.holidayvilla.com.my
តម្លៃបន្ទប់សម្រាប់១នាក់ ឬ២នាក់ ៤០ដុល្លារអាមេរិក (Superior room) ៦០ដុល្លារអាមេរិក (Suite room)

សម្រាប់ការកក់សណ្ឋាគារ លោក-អ្នកត្រូវទាក់ទងដោយផ្ទាល់ជាមួយនឹងសណ្ឋាគារដែលលោក-អ្នកជ្រើសរើស ។

សម្រាប់ព័ត៌មានបន្ថែម សូមទាក់ទងលោក David King សមាគមពាណិជ្ជកម្មអន្តរជាតិ c/o KPMG, ផ្ទះលេខ២ ផ្លូវលេខ២០៨ ភ្នំពេញ ។
ទូរស័ព្ទ ៖ (៨៥៥)-២៣-២១៦ ៨៩៩
អ៊ីម៉ែល ៖

« ព័ត៌មានមុន
ពិធីសម្ពោធសៀវភៅ "នៅពេលដែលគ្មានលុយ ៖ ការបង្កើតធនាគារអេស៊ីលីដា នៅក្នុងដំណាក់កាលវិវដ្តនៃវិស័យហិរញ្ញវត្ថុនៅកម្ពុជា" នៅទីក្រុងញូវយ៉ក ព័ត៌មានបន្ទាប់ »
ពិធីដាក់ឱ្យប្រើប្រាស់ជាផ្លូវការសៀវភៅ "នៅពេលដែលគ្មានលុយ ៖ ការបង្កើតធនាគារអេស៊ីលីដា នៅក្នុងដំណាក់កាលវិវដ្តនៃវិស័យហិរញ្ញវត្ថុនៅកម្ពុជា" នៅរាជធានីភ្នំពេញ

សន្និសីទ​ស្តី​ពី​ការ​វិនិយោគ ការ​ធ្វើ​ពាណិជ្ជកម្ម និង ហេដ្ឋារចនាសម្ព័ន្ធ​នៅ​ប្រទេស​កម្ពុជា

អំពី​ប្រទេស​កម្ពុជា

អំពី​សន្និសីទ

អ្នក​ណា​ដែល​គួរ​ចូល​រួម

ចំណុច​ជួប​ប្រជុំ​គ្នា​រវាង​អ្នក​ធ្វើ​គោលការណ៍ និង ពាណិជ្ជកម្ម

របៀប​វារៈ​លម្អិត

តម្លៃ​សម្រាប់​ការ​ចូល​រួម

ការ​រៀបចំ​ជា​ពិសេស​របស់​សណ្ឋាគារ (រាប់​បញ្ចូល​អាហារ​ពេល​ព្រឹក)