ព័ត៌មានព័ត៌មានថ្មីៗពិធីអបអរសាទរចំពោះការបើកការិយាល័យថ្មី

ពិធីអបអរសាទរចំពោះការបើកការិយាល័យថ្មីរបស់ធនាគារ អេស៊ីលីដា ភីអិលស៊ី

ថ្ងៃទី០៤ ខែកក្កដា ឆ្នាំ២០០៦

សាខាភ្នំពេញថ្មី

នៅថ្ងៃទី០៤ ខែកក្កដា ឆ្នាំ២០០៦ វេលាម៉ោង ៤:៣០នាទីល្ងាច នៅការិយាល័យធនាគារអេស៊ីលីដា ភីអិលស៊ី ដែលមានទីតាំងស្ថិតនៅផ្ទះលេខ២៩ ផ្លូវលេខ២១៧ សង្កាត់វាលវង់ ខណ្ឌ៧មករា រាជធានីភ្នំពេញ ទល់មុខពហុកីឡាដ្ឋានជាតិអូឡាំពិក បានប្រារព្ធពិធីអបអរសាទរចំពោះការបើកការិយាល័យថ្មី ដោយមានការចូលរួមពីសំណាក់ភ្ញៀវកិត្តិយសជាតិ និង អន្តរជាតិជាច្រើន ។ នៅក្នុងពិធីនោះ លោក អ៊ិន ចាន់នី អគ្គនាយក ធនាគារ អេស៊ីលីដា ភីអិលស៊ី មានមតិសម្តែងនូវការស្វាគមន៍ចំពោះភ្ញៀវកិត្តិយសទាំងអស់ និងមានចំណាប់អារម្មណ៍ពីការបើកការិយាល័យថ្មីនេះផងដែរ ។

លោកមានប្រសាសន៍ថា ការិយាល័យថ្មីនេះមានទីតាំងស្ថិតនៅចំទីប្រជុំជន និងធំទូលាយជាងកន្លែងមុន នឹងបង្កលក្ខណៈងាយស្រួលដល់អតិថិជនក្នុងការធ្វើប្រតិបត្តិការហិរញ្ញវត្ថុរបស់ពួកគាត់ ។ ជាមួយនឹងការិយាល័យថ្មីនេះ អតិថិជនកាន់តែមានភាពជឿជាក់មកលើធនាគារអេស៊ីលីដាថែមទៀត ជាពិសេសនៅចុងឆ្នាំ២០០៦ នេះ ធនាគារអេស៊ីលីដានឹងមានបម្រើសេវា Electronic Banking ជូនដល់អតិថិជន ក្នុងការដកប្រាក់ជាមួយនឹងម៉ាស៊ីនដកប្រាក់ស្វ័យប្រវត្តិ (ATM) បម្រើសេវាកម្មពេញ ២៤ម៉ោង សម្រាប់ឱ្យអតិថិជនអាចដកប្រាក់បានគ្រប់ពេលវេលា ទោះថ្ងៃឈប់សម្រាកក៏ដោយ ។

ភ្ញៀវកិត្តិយសជាតិនិងអន្តរជាតិ នៅក្នុងពិធី

គិតត្រឹមចុងខែឧសភា ឆ្នាំ២០០៦ នេះ ធនាគារអេស៊ីលីដា មានសមតុល្យឥណទានសរុបចំនួន ១១៧លានដុល្លារអាមេរិក ដែលមានអតិថិជនខ្ចីឥណទានចំនួន ១៤៣.៤៣២នាក់ ក្នុងនោះអតិថិជនជំនួញខ្នាតតូចបំផុត ចំនួន ៩៦.៣០១នាក់ អតិថិជនជំនួញខ្នាតតូច ចំនួន ៤០.៥៩១នាក់ និងអតិថិជនខ្នាតមធ្យម ចំនួន ១.៩៤៦នាក់ និង ប្រាក់បញ្ញើ-សន្សំរបស់ធនាគារអេស៊ីលីដា មានចំនួន ៨៦លានដុល្លារអាមេរិក ត្រូវនឹង ១១០.៣៨៥គណនី ។ ការប្រើប្រាស់ផលិតផលនិងសេវារបស់ធនាគារអេស៊ីលីដា គឺមានន័យថា លោក-អ្នកបានវិនិយោគផ្ទាល់ជាមួយនឹងពាណិជ្ជកម្មខ្នាតតូចបំផុត ខ្នាតតូច និងខ្នាតមធ្យម នៅក្នុងប្រទេសកម្ពុជា ។ ប្រាក់ដែលលោក-អ្នកដាក់បញ្ញើ-សន្សំជាមួយធនាគារអេស៊ីលីដា គឺកំពុងត្រូវបានវិនិយោគសម្រាប់ការអភិវឌ្ឍនៅក្នុងប្រទេសកម្ពុជា ។

លោកក៏បានបន្តទៀតថា ធនាគារអេស៊ីលីដាខិតខំពង្រីកបណ្ដាញប្រតិបត្តិការរបស់ខ្លួនឱ្យចូលកាន់តែជិតអតិថិជន និងប្រជាជនដែលនៅតាមតំបន់ដែលមិនទាន់មានប្រតិបត្តិការធនាគារពីមុនមក ជាក់ស្តែងគឺនៅពេលថ្មីៗនេះ ធនាគារអេស៊ីលីដា បានពង្រីកបណ្ដាញប្រតិបត្តិការទៅដល់ខេត្តរតនគិរី និងមណ្ឌលគិរី ដែលធ្វើឱ្យធនាគារអាចបម្រើសេវាកម្មបានគ្រប់ខេត្ត-រាជធានីក្នុងប្រទេសកម្ពុជា តាមរយៈបណ្ដាញប្រតិបត្តិការ ដែលមានចំនួន ១៤៦ការិយាល័យ ។ សំណង់អគារការិយាល័យកណ្ដាលថ្មីរបស់ធនាគារអេស៊ីលីដា ដែលស្ថិតនៅលើមហាវិថីព្រះមុនីវង្ស នឹងសាងសង់បញ្ចប់នៅចុងឆ្នាំ២០០៦ នេះ បង្ហាញឱ្យឃើញច្បាស់ពីជោគជ័យ និងភាពជឿជាក់របស់ធនាគារអេស៊ីលីដា មកលើប្រទេសកម្ពុជា ។

« ព័ត៌មានមុន
កិច្ចប្រជុំរំលឹកឡើងវិញអំពីការព្រមព្រៀងរវាងថ្នាក់ដឹកនាំជាន់ខ្ពស់ នៃធនាគារ អេស៊ីលីដា និង ធនាគារកសិកម្មនិងអភិវឌ្ឍន៍ជនបទវៀតណាម ព័ត៌មានបន្ទាប់ »
ឧត្តមភាពរបស់ធនាគារ អេស៊ីលីដា ភីអិលស៊ី

ពិធី​អបអរសាទរ​ចំពោះ​ការ​បើក​ការិយាល័យ​ថ្មី​របស់​ធនាគារ អេស៊ីលីដា ភីអិលស៊ី

ពិធីអបអរសាទរចំពោះការបើកការិយាល័យថ្មីរបស់ធនាគារ អេស៊ីលីដា ភីអិលស៊ី