ព័ត៌មានព័ត៌មានថ្មីៗធនាគារអេស៊ីលីដា ប្រារព្ធពិធីប្រសិទ្ធពរឆ្នាំថ្មី-ឆ្នាំសកល ២០១៣

ធនាគារអេស៊ីលីដា ប្រារព្ធពិធីប្រសិទ្ធពរឆ្នាំថ្មី-ឆ្នាំសកល ២០១៣

ថ្ងៃទី៣១ ខែធ្នូ ឆ្នាំ២០១២

ឆ្នាំនេះក៏ដូចជាឆ្នាំមុនៗដែរ នៅការិយាល័យកណ្តាល និងគ្រប់សាខារបស់ធនាគារអេស៊ីលីដា ទាំងអស់ទូទាំងព្រះរាជាណាចក្រកម្ពុជា បានរៀបចំប្រារព្ធពិធីប្រសិទ្ធពរ និងអបអរសាទរឆ្នាំថ្មី-ឆ្នាំសកល ២០១៣ ។ ពិធីនេះធ្វើឡើងដើម្បីបង្កបរិយាកាសសប្បាយរីករាយ តបគុណបំណាច់ការងារចំពោះបុគ្គលិក ព្រមទាំងថ្លែងអំណរគុណដល់អតិថិជនដ៏វៃឆ្លាតរបស់ធនាគារអេស៊ីលីដាទាំងអស់ ដែលតែងតែជួយគាំទ្រតាំងពីដើមរៀងមក និងប្រកាសពីយុទ្ធសាស្ត្ររបស់ធនាគារអេស៊ីលីដា សម្រាប់ឆ្នាំ២០១៣ និងឆ្នាំបន្តបន្ទាប់ទៀត ដល់បុគ្គលិកគ្រប់លំដាប់ថ្នាក់ទាំងអស់ ដើម្បីចូលរួមអនុវត្តឱ្យបានជោគជ័យ ។

យុទ្ធសាស្ត្រសម្រាប់ ឆ្នាំ២០១៣ ជាឆ្នាំនៃការបង្កើនលទ្ធភាពប្រើប្រាស់ សេវាធនាគារអេឡិចត្រូនិកឱ្យដល់កម្រិតអតិបរមា

ស័ក្ដិសមនឹងឈ្មោះថា ធនាគារ អេស៊ីលីដា ភីអិលស៊ី គឺ "ធនាគារដែលលោកអ្នកជឿទុកចិត្ត" ក្រោមពាក្យស្លោក "ធនាគារសម្រាប់ប្រជាជន" ។ ធនាគារ អេស៊ីលីដា ភីអិលស៊ី ខិតខំបម្រើសេវា ជូនអតិថិជននៅក្នុងសហគមន៍ទាំងមូលឱ្យបានល្អទូទៅ ដោយការគោរព ។ ការរីកចម្រើនលូតលាស់ជានិរន្តរ៍របស់ធនាគារ អេស៊ីលីដា ភីអិលស៊ី រៀងរាល់ឆ្នាំ ធ្វើឱ្យអេស៊ីលីដាក្លាយជាធនាគារដែលឈានមុខគេនៅក្នុងប្រទេសកម្ពុជារហូតមកដល់សព្វថ្ងៃនេះ ។ លទ្ធផលទាំងនេះ ជាទស្សនវិស័យលើកទឹកចិត្តថ្នាក់គ្រប់គ្រង និងបុគ្គលិកគ្រប់ជាន់ថ្នាក់ទាំងអស់ឱ្យកាន់តែខិតខំប្រឹងប្រែងថែមទៀត ដើម្បីបំពេញតម្រូវការជូនសាធារណជន ។

បណ្ឌិត អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា ប្រកាសពីយុទ្ធសាស្ត្រ សម្រាប់ឆ្នាំ២០១៣

បន្តអនុវត្តយុទ្ធសាស្ត្ររយៈពេលមធ្យម ដើម្បីបង្កើនតម្លៃភាគហ៊ុនឱ្យដល់កម្រិតអតិបរមា រយៈពេលយូរអង្វែង ដែលយើងទាំងអស់គ្នាជាម្ចាស់ នឹងទទួលបានអត្ថប្រយោជន៍ពីភាពជោគជ័យយ៉ាងត្រចះត្រចង់នេះ ។
បន្តពង្រីកតួនាទីឈានមុខគេក្នុងការលក់រាយ តាមរយៈការផ្តល់ផលិតផល និងសេវាកម្មហិរញ្ញវត្ថុដ៏សម្បូរបែបដល់គ្រប់ស្រទាប់ទាំងអស់ក្នុងសហគមន៍ ដោយ ៖

ប្រើប្រាស់បទពិសោធន៍ ដែលទទួលបានពីអាជីវកម្មស្នូលខ្នាតតូចបំផុត និងខ្នាតតូច ដើម្បីអភិវឌ្ឍ "វប្បធម៌លើការបម្រើសេវា" និងបង្កើតសេវាកម្មទំនើបទាន់សម័យតាមតម្រូវការ និងការរីកលូតលាស់នៃទីផ្សារ ។
យកចិត្តទុកដាក់ក្នុងការវិនិយោគលើការស្រាវជ្រាវ និងការអភិវឌ្ឍ ដើម្បីបង្កើតផលិតផល និងសេវាកម្មធនាគារ និងហិរញ្ញវត្ថុស្នូលឱ្យមានលក្ខណៈជាសកល ដើម្បីបំពេញតម្រូវការរបស់អតិថិជន ។
ធ្វើឱ្យរឹតតែល្អប្រសើរឡើង នូវហេដ្ឋារចនាសម្ព័ន្ធធនាគារ និងបណ្តាញចែកចាយ តាមរយៈការធ្វើបច្ចុប្បន្នភាពនៃការិយាល័យ និងសាខា ដោយបំពាក់ម៉ាស៊ីនដកប្រាក់ស្វ័យប្រវត្តិ ម៉ាស៊ីនឆូតកាត និងប្រព័ន្ធធនាគារអេឡិចត្រូនិក រួមបញ្ចូលទាំងសេវាអេស៊ីលីដាយូនីធី និងសេវាធនាគារតាមអ៊ិនធឺណេត ។

បង្កើនប្រភពចំណូលផ្សេងៗ តាមរយៈក្រុមហ៊ុនបុត្រសម្ព័ន្ធ (ធនាគារ អេស៊ីលីដា ឡាវ, អេស៊ីលីដា ស៊ីឃ្យួរឹធី ភីអិលស៊ី, អេស៊ីលីដា ត្រេននីង សេនធ័រ, ស្ថាប័នមីក្រូហិរញ្ញវត្ថុ អេស៊ីលីដា មីយ៉ាន់ម៉ា និងភ្នាក់ងារដទៃទៀត ដូចជា ៖ ភ្នាក់ងារទូទាត់សាច់ប្រាក់ពាក់ព័ន្ធ នឹងមូលបត្រ ភ្នាក់ងារបញ្ជិកាមូលបត្រ ភ្នាក់ងារចុះបញ្ជីផ្ទេរមូលបត្រ និងភ្នាក់ងារទូទាត់ ។ល។)
បង្កើនឧត្តមភាពប្រកួតប្រជែងជានិរន្តរ៍ ដោយវិនិយោគលើប្រព័ន្ធបែងចែកចម្រុះគ្រប់បែបយ៉ាង ដើម្បីជំរុញប្រសិទ្ធភាពនៃប្រតិបត្តិការ បង្កើនភាពងាយស្រួល រក្សាសុវត្ថិភាពជូនអតិថិជននិងធនាគារ ព្រមទាំងទប់ស្កាត់នូវរាល់ហានិភ័យផ្សេងៗ តាមរយៈគោលការណ៍និងនីតិវិធី ។
សិក្សាស្វែងយល់ និងបង្កើតកាលានុវត្តភាព សម្រាប់ការបន្តពង្រីកប្រតិបត្តិការជាស្វ័យប្រវត្តិ ទៅប្រទេសនានាក្នុងតំបន់អាស៊ាន និងតាមដងទន្លេមេគង្គ ។
ធ្វើឱ្យក្រុមហ៊ុនបុត្រសម្ព័ន្ធ អេស៊ីលីដា ត្រេននីង សេនធ័រ ក្លាយជាគ្រឹះស្ថានសិក្សាខ្នាតអន្តរជាតិ ដែលមានការទទួលស្គាល់ជាសកល ។

បន្តអភិវឌ្ឍសមត្ថភាពធនធានមនុស្សទាំងថ្នាក់គ្រប់គ្រង និងបុគ្គលិកគ្រប់លំដាប់ថ្នាក់ ឱ្យក្លាយជាអ្នកគ្រប់គ្រងល្អ ប្រកបដោយចំណេះដឹង និងជំនាញវិជ្ជាជីវៈច្បាស់លាស់ ដើម្បីផ្តល់ការបម្រើសេវាកម្មដ៏ល្អបំផុត ជូនដល់អតិថិជននិងដៃគូអាជីវកម្មរបស់យើង ។

ស្វែងរក និងសហការជាមួយដៃគូដែលមានកិត្តិសព្ទ ដើម្បីលើកកំពស់អាជីវកម្មស្នូល ដែលជាយុទ្ធសាស្ត្ររបស់ធនាគារឱ្យទទួលបាននូវតម្លៃបន្ថែម សម្រាប់ជាមូលដ្ឋានវិនិយោគបន្ថែម ។
ត្រៀមបំពេញរាល់តម្រូវការដើម្បីចុះបញ្ជីក្នុងទីផ្សារភាគហ៊ុនកម្ពុជា ក្នុងពេលវេលាដែលសមរម្យ ។
បង្កើនការបម្រើសេវាតាមរយៈបណ្តាញការិយាល័យ និងសាខាដែលមានស្រាប់ និងហេដ្ឋារចនាសម្ព័ន្ធធនាគារអេឡិចត្រូនិក ៖

ពង្រីកបណ្តាញម៉ាស៊ីនឆូតកាត និងប្រើប្រាស់ឱ្យសកម្ម គ្រប់មធ្យោបាយទូទាត់រវាងអតិថិជន ពាណិជ្ជករ និងសាធារណជនទូទៅ ។
បង្កើនការប្រើប្រាស់សេវាអេស៊ីលីដាយូនីធី សម្រាប់កម្ចីឥណទានដែលទាក់ទងនឹងផលិតផលហិរញ្ញវត្ថុ ។
បង្កើនមុខងារម៉ាស៊ីនអេធីអឹម ដើម្បីបម្រើសេវាហិរញ្ញវត្ថុឱ្យកាន់តែទូលំទូលាយប្រកបដោយភាពងាយស្រួល និងសុវត្ថិភាព ។
បម្រើសេវាធនាគារអ៊ិនធឺណេត ដែលជាជម្រើសផ្សេងមួយទៀត ជូនដល់អតិថិជន ។

បន្តអភិវឌ្ឍហេដ្ឋារចនាសម្ព័ន្ធធនាគារអេឡិចត្រូនិក ដើម្បីជំនួសបណ្តាញការិយាល័យ និងសាខាដែលមានស្រាប់ ហើយនិងធ្វើឱ្យធនាគារ អេស៊ីលីដា ភីអិលស៊ី ក្លាយជាកន្លែងប្រមូលផ្តុំដ៏សំខាន់បំផុត សម្រាប់ការទូទាត់តាមរយៈប័ណ្ណអេឡិចត្រូនិករបស់ធនាគារនានា នៅទូទាំងប្រទេស ។
ស្វែងរកកាលានុវត្តភាព និងមធ្យោបាយផ្សេងៗទៀត ដើម្បីផ្តល់សេវាហិរញ្ញវត្ថុជូនដល់វិស័យសាធារណៈ បន្ថែមលើសេវាបច្ចុប្បន្ន ។

ឆ្លៀតក្នុងឱកាសឆ្នាំថ្មី-ឆ្នាំសកល ២០១៣ នេះ និងតទៅមុខ យើងខ្ញុំសូមជូនពរដល់លោកអ្នកនិងក្រុមគ្រួសារ ទទួលបាននូវសេចក្ដីសុខកាយ សប្បាយចិត្ដ ចម្រើនដោយប្រយោជន៍ ជោគជ័យក្នុងនាទីការងារនិងមុខជំនួញ ប្រកបដោយគុណភាព និងប្រសិទ្ធភាពដ៏ឧត្ដុង្គឧត្ដម កុំបីឃ្លៀងឃ្លាតឡើយ ។

« ព័ត៌មានមុន
ធនាគារអេស៊ីលីដា ប្រារព្ធពិធីបញ្ចុះបឋមសិលាបើកការដ្ឋានសាងសង់អគារការិយាល័យកណ្ដាលថ្មីបន្ថែម ព័ត៌មានបន្ទាប់ »
ធនាគារអេស៊ីលីដា ចាប់ដៃគូជាមួយក្រុមហ៊ុនព្រូដិនសល (ខេមបូឌា) ឡាយហ្វ៍ អឹសួរ៉ិនស៍

ធនាគារ​អេស៊ីលីដា ប្រារព្ធ​ពិធី​ប្រសិទ្ធពរ​ឆ្នាំថ្មី-ឆ្នាំ​សកល ២០១៣

ធនាគារអេស៊ីលីដា ប្រារព្ធពិធីប្រសិទ្ធពរឆ្នាំថ្មី-ឆ្នាំសកល ២០១៣