ព័ត៌មានព័ត៌មានថ្មីៗប័ណ្ណសរសើរចំពោះស្នាដៃល្អក្នុងការទប់ស្កាត់ការរីករាលដាលមេរោគអេដស៍ និងជំងឺអេដស៍នៅកន្លែងធ្វើការ ឆ្នាំ២០១៤

ប័ណ្ណសរសើរចំពោះស្នាដៃល្អក្នុងការទប់ស្កាត់ការរីករាលដាលមេរោគអេដស៍ និងជំងឺអេដស៍នៅកន្លែងធ្វើការ ឆ្នាំ២០១៤

ថ្ងៃទី២ ខែធ្នូ ឆ្នាំ២០១៤

រាជធានីភ្នំពេញ ៖ នាល្ងាចថ្ងៃទី២៧ ខែវិច្ឆិកា ឆ្នាំ២០១៤ ធនាគារអេស៊ីលីដា បានទទួលប័ណ្ណសរសើរពីក្រសួងការងារ និងបណ្តុះបណ្តាលវិជ្ជាជីវៈ ចំពោះស្នាដៃល្អក្នុងការងារប្រយុទ្ធទប់ស្កាត់ការរីករាលដាលមេរោគអេដស៍ និងជំងឺអេដស៍នៅកន្លែងធ្វើការ ឆ្នាំ២០១៤ ។

ប័ណ្ណសរសើរនេះបានផ្តល់ជូនសហគ្រាស/គ្រឹះស្ថានចំនួន ១២៤គ្រឹះស្ថាន ដែលមានស្នាដៃល្អក្នុងការទប់ស្កាត់ការរាលដាលមេរោគអេដស៍ និងជំងឺអេដស៍នៅកន្លែងធ្វើការ សម្រាប់ឆ្នាំ២០១៤ ក្នុងនោះមានធនាគារអេស៊ីលីដាចំនួន ៥២សាខា ដែលទទួលបានប័ណ្ណសរសើរនេះ ។

ធនាគារអេស៊ីលីដា នឹងនៅតែបន្តចូលរួមយ៉ាងសកម្មក្នុងការប្រយុទ្ធទប់ស្កាត់នូវរាល់ជំងឺឆ្លងរាតត្បាតទាំងឡាយ ជាពិសេសគឺមេរោគអេដស៍និងជំងឺអេដស៍ ដោយបានបង្កើតគណៈកម្មាធិការមួយសម្រាប់ទទួលខុសត្រូវ និងជួយគាំទ្រដល់បុគ្គលិកដែលមានជំងឺអេដស៍ ។ ការអនុវត្តការងារប្រកបដោយសុវត្ថិភាពលើបញ្ហាសុខភាព គឺជាផ្នែកមួយនៃការហ្វឹកហ្វឺនដែលផ្តល់ជូនគ្រប់កម្មករនិយោជិតរបស់ធនាគារអេស៊ីលីដា ក្រោមការត្រួតពិនិត្យដោយលោកវេជ្ជបណ្ឌិត ។

លើសពីនេះទៅទៀត វាមានសារៈសំខាន់ណាស់បើសិនជាគ្រប់សហគ្រាស/គ្រឹះស្ថានទាំងអស់ចូលរួមការពារការរីករាលដាលជម្ងឺឆ្លងរាតត្បាតទាំងឡាយ ពីព្រោះប្រទេសយើងនឹងមិនបាត់បង់ធនធានមនុស្ស និងចំណាយថវិកាច្រើនលើការព្យាបាល ។

« ព័ត៌មានមុន
ពិធីសម្ពោធការិយាល័យថ្មី ធនាគារ អេស៊ីលីដា ភីអិលស៊ី សាខាខេត្តបន្ទាយមានជ័យ ព័ត៌មានបន្ទាប់ »
ពិធីអបអរសាទរខួបពីរឆ្នាំ ក្នុងការបង្កើតភាពជាដៃគូជាមួយក្រុមហ៊ុនព្រូដិនសលកម្ពុជា