ព័ត៌មានព័ត៌មានថ្មីៗប័ណ្ណសរសើរចំពោះស្នាដៃល្អក្នុងការទប់ស្កាត់ការរីករាលដាលមេរោគអេដស៍ និងជំងឺអេដស៍នៅកន្លែងធ្វើការ ឆ្នាំ២០១៥

ប័ណ្ណសរសើរចំពោះស្នាដៃល្អក្នុងការទប់ស្កាត់ការរីករាលដាលមេរោគអេដស៍ និងជំងឺអេដស៍នៅកន្លែងធ្វើការ ឆ្នាំ២០១៥

ថ្ងៃទី៥ ខែវិច្ឆិកា ឆ្នាំ២០១៥

នាថ្ងៃទី២ ខែវិច្ឆិកា ឆ្នាំ២០១៥ ធនាគារអេស៊ីលីដា បានទទួលប័ណ្ណសរសើរពីក្រសួងការងារ និងបណ្តុះបណ្តាលវិជ្ជាជីវៈ ចំពោះស្នាដៃល្អក្នុងការងារប្រយុទ្ធទប់ស្កាត់ការរីករាលដាលមេរោគអេដស៍ និងជំងឺអេដស៍នៅកន្លែងធ្វើការ ឆ្នាំ២០១៥ ។

ប័ណ្ណសរសើរនេះបានផ្តល់ជូនសហគ្រាស/គ្រឹះស្ថានចំនួន ១៦២គ្រឹះស្ថាន ដែលមានស្នាដៃល្អក្នុងការទប់ស្កាត់ការរាលដាលមេរោគអេដស៍ និងជំងឺអេដស៍នៅកន្លែងធ្វើការ សម្រាប់ឆ្នាំ២០១៥ ក្នុងនោះមានការិយាល័យកណ្តាលរបស់ធនាគារអេស៊ីលីដា រួមទាំងសាខារបស់ធនាគារអេស៊ីលីដា ចំនួន ៤៤ ទៀត ដែលទទួលបានប័ណ្ណសរសើរនេះ ។

ដោយមើលឃើញនូវសារៈសំខាន់នៃការលប់បំបាត់ការរីករាលដាលជំងឺឆ្លងរាតត្បាតទាំងឡាយ ជាពិសេសគឺមេរោគអេដស៍ និងជំងឺអេដស៍ ធនាគារអេស៊ីលីដា បានចូលរួម និងបន្តចូលរួមយ៉ាងសកម្មក្នុងការប្រយុទ្ធប្រឆាំងជំងឺឆ្លងដ៏កាចសាហាវទាំងនោះ ដោយបង្កើតគណៈកម្មាធិការមួយសម្រាប់ទទួលខុសត្រូវ និងជួយគាំទ្រដល់បុគ្គលិកដែលមានជំងឺអេដស៍ ។

លើសពីនេះទៅទៀត ធនាគារអេស៊ីលីដាបានរៀបចំឱ្យមានថ្នាំសង្កូវ បន្ទប់សម្រាក និងពិគ្រោះជំងឺ ក្រោមការត្រួតពិនិត្យដោយលោកលោកវេជ្ជបណ្ឌិតប្រចាំធនាគារអេស៊ីលីដាមួយរូប និងគិលានុបដ្ឋាយិកាពីររូបផងដែរ ។

« ព័ត៌មានមុន
ធនាគារអេស៊ីលីដា បើកសាខាថ្មីទី២៥៧ នៅចំការដូង ព័ត៌មានបន្ទាប់ »
ធនាគារអេស៊ីលីដាចុះកិច្ចព្រមព្រៀងជាមួយក្រុមហ៊ុន Microsoft សម្រាប់ការគ្រប់គ្រងផ្នែកប្រព័ន្ធ IT ដើម្បីបង្កើនផលិតភាពការងារ