ផលិតផលនិងសេវាឯកត្តជនសេវាបញ្ញើ-សន្សំគណនីមូលបត្រ

គណនីមូលបត្រ

គណនីមូលបត្រ គឺជាប្រភេទគណនីក្រុមហ៊ុនរបស់ធនាគារអេស៊ីលីដា ដែលអនុញ្ញាតឱ្យក្រុមហ៊ុនមូលបត្រ ឬភ្នាក់ងារពាក់ព័ន្ធដែលបានទទួលអាជ្ញាប័ណ្ណពីគណៈកម្មការមូលបត្រកម្ពុជា អាចបើកគណនីសម្រាប់ទូទាត់សាច់ប្រាក់ជួញដូរមូលបត្របាន ។

ឥឡូវនេះលោកអ្នកអាចស្នើសុំបើកគណនីថ្មី នៅលើកុំព្យូទ័រ ឬទូរសព្ទដៃ បានគ្រប់ពេលវេលា។

សំណើបើកគណនី

អត្ថប្រយោជន៍

ងាយស្រួលប្រើប្រាស់លើប្រតិបត្តិការសាច់ប្រាក់ និងទូទាត់សាច់ប្រាក់ ក្នុងដំណើរការជួញដូរមូលបត្រ នៅក្នុងទីផ្សារមូលបត្រកម្ពុជា ។
មានសុវត្ថិភាពខ្ពស់ក្នុងការគ្រប់គ្រងសាច់ប្រាក់ ។

លក្ខណៈពិសេស

ផ្តល់ជម្រើសជូនលោកអ្នកក្នុងការបើកគណនីដូចជា គណនីចរន្ត គណនីបញ្ញើសំចៃ ឬគណនីបញ្ញើតាមតម្រូវការ ។
ប្រើប្រាស់ជាពិសេសសម្រាប់ប្រតិបត្តិការទាក់ទងនឹងមូលបត្រ ។
ផ្តល់ភាពងាយស្រួលលើការជួញដូរ និងទូទាត់សាច់ប្រាក់មូលបត្រ តាមរយៈគណនីរបស់ប្រតិបត្តិករប្រព័ន្ធផាត់ទាត់ និងទូទាត់មូលបត្រ ។
ការទូទាត់សាច់ប្រាក់ចេញពីគណនីមូលបត្រ ស្ថិតក្រោមការបង្គាប់ឱ្យទូទាត់ ឬការទទួលបានព័ត៌មានអេឡិចត្រូនិកបង្គាប់ឱ្យទូទាត់ ពីប្រព័ន្ធរបស់ក្រុមហ៊ុនផ្សារមូលបត្រកម្ពុជា ។

រូបិយវត្ថុ

ប្រភេទរូបិយវត្ថុនៃគណនីមូលបត្រគឺ ប្រាក់រៀល និងប្រាក់ដុល្លារ ។

អត្រាការប្រាក់

អត្រាការប្រាក់នៃគណនីមូលបត្រ ត្រូវបានគិតបង្គរជារៀងរាល់ថ្ងៃ និងកត់ត្រាចូលក្នុងគណនីជារៀងរាល់ខែ ។

លក្ខខណ្ឌតម្រូវ

បំពេញទម្រង់បែបបទមួយចំនួនដូចជា ៖ ពាក្យសុំចុះឈ្មោះប្រើប្រាស់គណនីក្រុមហ៊ុន ពាក្យសុំបើកគណនី និងគំរូហត្ថលេខាបើកគណនីក្រុមហ៊ុន ។
ផ្តល់ឯកសារគាំទ្រដូចខាងក្រោម ៖

ឯកសារសម្គាល់អត្តសញ្ញាណ ដូចជាអត្តសញ្ញាណប័ណ្ណ ឬលិខិតឆ្លងដែនរបស់ម្ចាស់គណនី ដែលនៅមានសុពលភាពយ៉ាងតិច ៣ខែ ។
ឯកសារសម្គាល់អត្តសញ្ញាណរបស់នាយក-នាយិកា ភាគហ៊ុនិក ឬដៃគូ ។
លិខិតប្រគល់សិទ្ធិ ឬសេចក្តីសម្រេចរបស់ក្រុមប្រឹក្សាភិបាលលើការបើកគណនី ។
អនុស្សរណៈ និងលក្ខន្តិកៈក្រុមហ៊ុន ឬស្ថាប័ន ។
វិញ្ញាបនបត្រចុះបញ្ជីពាណិជ្ជកម្ម ឬលិខិតអនុញ្ញាតឱ្យដំណើរការក្រុមហ៊ុន ឬស្ថាប័ន ។
អាជ្ញាប័ណ្ណ ឬវិញ្ញាបនបត្រណាមួយ ក្នុងចំណោមវិញ្ញាបនបត្រ ដែលទទួលបានពីគណៈកម្មការមូលបត្រកម្ពុជា ដូចជាក្រុមហ៊ុនធានាទិញមូលបត្រ ក្រុមហ៊ុនជួញដូរមូលបត្រ ក្រុមហ៊ុនជើងសារមូលបត្រ ក្រុមហ៊ុនប្រឹក្សាវិនិយោគ ឬភ្នាក់ងារពាក់ព័ន្ធដទៃទៀត ។
ប័ណ្ណប៉ាតង់ ។
របាយការណ៍ហិរញ្ញវត្ថុ ឬរបាយការណ៍ប្រចាំឆ្នាំ (ប្រសិនបើមាន) ។
ឯកសារពាក់ព័ន្ធផ្សេងៗទៀត (ប្រសិនបើចាំបាច់) ។

រាល់ឯកសារទាំងអស់ខាងលើ ជាច្បាប់ថតចម្លងដែលបានផ្ទៀងផ្ទាត់ត្រឹមត្រូវជាមួយច្បាប់ដើម ឬជាច្បាប់ថតចម្លងដែលមានបញ្ជាក់ថាបានចម្លងត្រឹមត្រូវតាមច្បាប់ដើម ដោយសារការី ឬអាជ្ញាធរមានសមត្ថកិច្ច និងតម្រូវឱ្យផ្តល់ជាភាសាខ្មែរ ឬភាសាអង់គ្លេស ឬត្រូវបានបកប្រែមកជាភាសាខ្មែរ ឬអង់គ្លេស ។

ត្រូវដាក់ប្រាក់តម្កល់ដំបូង បើពុំនោះទេ លុះត្រាតែមានការយល់ព្រមជាមុនពីយើងខ្ញុំ ។
ត្រូវបើកគណនីចំនួនបួន ៖

គណនីចំនួនពីរ ជាប្រាក់រៀល និងជាប្រាក់ដុល្លារអាមេរិក សម្រាប់គណនីផ្ទាល់ខ្លួនរបស់ក្រុមហ៊ុនមូលបត្រ
គណនីចំនួនពីរ ជាប្រាក់រៀល និងជាប្រាក់ដុល្លារអាមេរិក សម្រាប់គណនីសាច់ប្រាក់អតិថិជនរបស់ក្រុមហ៊ុនមូលបត្រ ៕

គណនី​មូលបត្រ

អត្ថប្រយោជន៍

លក្ខណៈ​ពិសេស

រូបិយ​វត្ថុ

អត្រា​ការ​ប្រាក់

លក្ខខណ្ឌតម្រូវ

គណនីមូលបត្រ

លក្ខណៈពិសេស

រូបិយវត្ថុ

អត្រាការប្រាក់