ផលិតផល និងសេវាឯកត្តជនសេវាចាត់ចែងសាច់ប្រាក់សេវាប្រមូលសាច់ប្រាក់

សេវាប្រមូលសាច់ប្រាក់

សេវាប្រមូលសាច់ប្រាក់ គឺជាសេវាចាត់ចែងសាច់ប្រាក់មួយប្រភេទដែលធនាគារ អេស៊ីលីដា ភីអិលស៊ី ផ្តល់ជូនឯកត្តជន ឬនីតិបុគ្គល ដែលជាអ្នកផ្គត់ផ្គង់ផលិតផល-សេវាកម្ម ដើម្បីប្រមូលថ្លៃទំនិញ-សេវាកម្ម ពីអតិថិជនរបស់ខ្លួននៅតាមបញ្ជរសាខារបស់ធនាគារ អេស៊ីលីដា ភីអិលស៊ី ។

អត្ថប្រយោជន៍

កាត់បន្ថយហានិភ័យក្នុងការទូទាត់ដោយប្រើប្រាស់សាច់ប្រាក់ ។
ចំណេញពេលវេលា និងថវិកាក្នុងការប្រមូលថ្លៃទំនិញ-សេវាកម្ម ។
គ្រប់គ្រងសាច់ប្រាក់ប្រកបដោយប្រសិទ្ធភាពខ្ពស់ ។
ផ្តល់ភាពងាយស្រួល និងមានសុវត្ថិភាពដល់អតិថិជនក្នុងការបង់ប្រាក់តាមសាខារបស់ធនាគារ អេស៊ីលីដា នៅទូទាំងប្រទេស ។

លក្ខណៈពិសេស

ទទួលទូទាត់ដោយមិនកំណត់ចំនួនទឹកប្រាក់ និងចំនួនប្រតិបត្តិការប្រចាំថ្ងៃ ។
អ្នកបង់ប្រាក់អាចយកវិក្កយបត្រ មកទូទាត់នៅតាមសាខារបស់ធនាគារ អេស៊ីលីដា ទូទាំងប្រទេស ដោយមិនចាំបាច់ទៅបង់ផ្ទាល់ជាមួយអ្នកផ្គត់ផ្គង់ ។
រូបិយប័ណ្ណប្រើសម្រាប់ទូទាត់ជា ប្រាក់រៀល ប្រាក់ដុល្លារអាមេរិក ឬប្រាក់បាត ។

លក្ខណសម្បត្តិអ្នកផ្គត់ផ្គង់

ជានីតិជន ដែលមានអាយុចាប់ពី ១៨ឆ្នាំ ។
មានមុខរបរច្បាស់លាស់ និងស្របច្បាប់ ។
ត្រូវមានគណនីជាមួយធនាគារ អេស៊ីលីដា ។

លក្ខខណ្ឌប្រមូលប្រាក់

អ្នកផ្គត់ផ្គង់ត្រូវណែនាំដល់អតិថិជនរបស់ខ្លួន អំពីការមកបង់ប្រាក់នៅតាមការិយាល័យរបស់ធនាគារ អេស៊ីលីដា ស្របតាមខ្លឹមសារដែលមានចែងក្នុងកិច្ចព្រមព្រៀង ។
ត្រូវផ្ទៀងផ្ទាត់របាយការណ៍ប្រមូលសាច់ប្រាក់ ដែលធនាគារផ្តល់ជូន ឬអាចផ្ទៀងផ្ទាត់តាមរយៈសេវាអេស៊ីលីដាម៉ូបាល ឬអេស៊ីលីដាអ៊ីនធើណែត ។

ដើម្បីអាចទូទាត់វិក្កយបត្រនៅតាមបញ្ជរ

អតិថិជនត្រូវយកវិក្កយបត្ររបស់ក្រុមហ៊ុន ដែលប្រើសេវាកម្មប្រមូលសាច់ប្រាក់ជាមួយធនាគារ អេស៊ីលីដា ដើម្បីមកទូទាត់។ អានបន្ថែម...

ក្រៅពីទូទាត់វិក្កយបត្រនៅបញ្ជរសាខាធនាគារ អេស៊ីលីដា អតិថិជនអាចទូទាត់វិក្កយបត្ររបស់ក្រុមហ៊ុនផ្សេងៗបានគ្រប់ពេលវេលា តាមរយៈ អេស៊ីលីដាម៉ូបាល ឬ អេស៊ីលីដាអ៊ីនធើណែត។

សម្រាប់តម្រូវការប្រើប្រាស់សេវាធនាគារ និងព័ត៌មានផ្សេងៗទៀត សូមទាក់ទងជាមួយនឹងសាខារបស់យើងខ្ញុំ ដែលមានទីតាំងនៅជិតលោកអ្នក ឬក៏ទាក់ទងមកការិយាល័យទំនាក់ទំនងអតិថិជន (បម្រើ២៤ម៉ោង) ៖ ០២៣ ៩៩៤ ៤៤៤, ០១៥ ៩៩៩ ២៣៣ ។

សេវា​ប្រមូល​សាច់​ប្រាក់

អត្ថប្រយោជន៍

លក្ខណៈ​ពិសេស

លក្ខណ​សម្បត្តិ​អ្នក​ផ្គត់​ផ្គង់

លក្ខខណ្ឌ​ប្រមូល​ប្រាក់

ដើម្បីអាចទូទាត់វិក្កយបត្រនៅតាមបញ្ជរ

សេវាប្រមូលសាច់ប្រាក់

លក្ខណៈពិសេស

លក្ខណសម្បត្តិអ្នកផ្គត់ផ្គង់

លក្ខខណ្ឌប្រមូលប្រាក់