ផលិតផល និងសេវាឯកត្តជនសេវាចាត់ចែងសាច់ប្រាក់សេវាប្រមូលប្រាក់បង់ពន្ធ

សេវាប្រមូលប្រាក់បង់ពន្ធ

សេវាប្រមូលប្រាក់បង់ពន្ធ ជាសេវាប្រមូលសាច់ប្រាក់មួយប្រភេទ ដែលធនាគារអេស៊ីលីដាផ្តល់ជូនអតិថិជន និងសាធារណជនទាំងអស់ដែលជាប់កាតព្វកិច្ចបង់ពន្ធជូនរដ្ឋ មានន័យថា អតិថិជនពុំចាំបាច់កាន់សាច់ប្រាក់ទៅកាន់អគ្គនាយកដ្ឋានរតនាគារជាតិ អគ្គនាយកដ្ឋានគយនិងរដ្ឋាករកម្ពុជា អគ្គនាយកដ្ឋានពន្ធដារ រតនាគាររាជធានី ខេត្ត ។ល។ ដើម្បីបង់ពន្ធនោះឡើយ ។

អត្ថប្រយោជន៍

ផ្តល់ភាពងាយស្រួលដល់អតិថិជនក្នុងការបង់ពន្ធជូនរដ្ឋ តាមរយៈ អេស៊ីលីដាម៉ូបាល, អេស៊ីលីដាអ៊ីនធើណែត, និងសាខារបស់ធនាគារអេស៊ីលីដា នៅទូទាំងប្រទេស
មានសុវត្ថិភាពក្នុងការចាត់ចែងសាច់ប្រាក់នៅធនាគារ
មានឱកាសក្នុងការប្រើប្រាស់សេវាផ្សេងៗរបស់ធនាគារ ។ល។

ប្រភេទប្រាក់

ធនាគារអេស៊ីលីដាទទួលប្រមូលប្រាក់បង់ពន្ធជូនរដ្ឋជា "ប្រាក់រៀល" ។ ករណីលោកអ្នកបង់សាច់ប្រាក់ ឬកាត់ចេញពីគណនីជាប្រាក់ផ្សេងៗ ត្រូវឆ្លងកាត់ការប្តូរប្រាក់ទៅជាប្រាក់រៀល តាមអត្រាប្តូរប្រាក់ជាផ្លូវការរបស់ធនាគារអេស៊ីលីដា ។

ដើម្បីបង់ពន្ធអចលនទ្រព្យ (ដី ផ្ទះ អគារ ឬសំណង់ផ្សេងៗ)

ដើម្បីបង់ពន្ធអចលនទ្រព្យ សូមលោកអ្នកភ្ជាប់មកជាមួយនូវ៖

លិខិតប្រកាសពន្ធឆ្នាំថ្មី (ករណី លំនៅដ្ឋានមានការកែលម្អ) ឬ
លិខិតប្រកាសពន្ធ ឬបង្កាន់ដៃបង់ពន្ធឆ្នាំមុន (ករណី លំនៅដ្ឋានមិនមានការកែលម្អ)

ដើម្បីបង់ពន្ធលើមធ្យោបាយដឹកជញ្ជូន

លោកអ្នកត្រូវបំពេញលិខិតប្រកាសបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ ចំនួន ២ច្បាប់ ។
ភ្ជាប់នូវប័ណ្ណសម្គាល់យានយន្ត ឬបង្កាន់ដៃបញ្ជាក់ការបង់ពន្ធនាំចូលសម្រាប់យានយន្តដែលមានផ្លាកលេខបណ្តោះអាសន្ន ។
ភ្ជាប់នូវអត្តសញ្ញាណសម្គាល់ខ្លួន ឬលិខិតឆ្លងដែន ឬលិខិតបញ្ជាក់សំបុត្រកំណើតរបស់ម្ចាស់យានយន្ត ។
ភ្ជាប់នូវវិញ្ញាបនបត្រត្រួតពិនិត្យលក្ខណៈបច្ចេកទេសយានយន្ត (សម្រាប់រថយន្តដឹកទំនិញ រ៉ឺម៉កសណ្តោង និងរថយន្តដឹកអ្នកដំណើរ) ។

បង់ពន្ធអាករលើតម្លៃបន្ថែមពីក្រៅប្រទេស តាម SWIFT

ធនាគារ អេស៊ីលីដា ទទួលបង់ពន្ធអាករលើតម្លៃបន្ថែម (VAT) ពីក្រៅប្រទេស ជូនអគ្គនាយកដ្ឋានពន្ធដារ នៅរៀងរាល់ ថ្ងៃធ្វើការ (ពីថ្ងៃច័ន្ទ ដល់សុក្រ) តាមរយៈការផ្ទេរប្រាក់ចូលពីក្រៅប្រទេស (Inward Telegraphic Transfer - ITT)។ អានបន្ថែម...

តារាងគណនីរបស់អគ្គនាយកដ្ឋានពន្ធដារ

ដោយយោងតាមអនុស្សរណៈនៃការយោគយល់គ្នារវាងក្រសួងសេដ្ឋកិច្ច និងហិរញ្ញវត្ថុ ជាមួយធនាគារ អេស៊ីលីដា ភីអិលស៊ី ចុះថ្ងៃទី២៧ ខែវិច្ឆិកា ឆ្នាំ២០១៣ ស្តីពីការប្រើប្រាស់សេវាកម្មរបស់ធនាគារ អេស៊ីលីដា ភីអិលស៊ី សម្រាប់ប្រតិបត្តិការចំណូល-ចំណាយថវិការដ្ឋអនុវត្តទូទាំងប្រទេស និងយោងសេចក្តីជូនដំណឹង លេខៈ១០៤៣ អពដ ចុះថ្ងៃទី២៥ ខែមេសា ឆ្នាំ២០១៤ របស់អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ ស្តីពីបែបបទនៃការបង់ប្រាក់ពន្ធ-អាករគ្រប់ប្រភេទនៅធនាគារ អេស៊ីលីដា ភីអិលស៊ី ដូច្នេះអតិថិជន និងសាធារណជនដែលជាប់ពន្ធអាចមកបង់ប្រាក់ពន្ធ-អាករគ្រប់ប្រភេទ ពន្ធអចលនទ្រព្យ និងប្រាក់ទោសទណ្ឌនៅតាមគ្រប់សាខារបស់ធនាគារ អេស៊ីលីដា ភីអិលស៊ី ដែលនៅជិតលោកអ្នកបំផុតទូទាំងរាជធានី-ខេត្ត-ក្រុង-ស្រុក ដែលមានឈ្មោះនិងលេខគណនី ដូចមានតារាងភ្ជាប់ជូននេះ។

សេវា​ប្រមូលប្រាក់​បង់ពន្ធ