ព័ត៌មានអំពីធនាគារហេតុការណ៍ និងតួលេខភាគហ៊ុនិកSMBC

ភាគហ៊ុនិក

Sumitomo Mitsui Banking Corporation (SMBC)

SMBC គឺជាធនាគារជប៉ុនធំមួយ ដែលមានប្រតិបត្តិការទូទាំងពិភពលោក។ តាមរយៈសាខាក្នុងស្រុក (មិនរាប់បញ្ចូលអនុសាខា និងភ្នាក់ងារធនាគារ) ក្នុងប្រទេសជប៉ុន និងសាខាក្រៅប្រទេស (រាប់បញ្ចូលទាំងបុត្រសម្ព័ន្ធ អនុសាខា និងការិយាល័យតំណាង) នៅទូទាំងពិភពលោក SMBC ផ្តល់សេវាកម្មយ៉ាងសម្បូរបែបដូចជា ប្រាក់បញ្ញើ សាជីវកម្មហិរញ្ញវត្ថុ គម្រោងហិរញ្ញវត្ថុ ការវិនិយោគមូលបត្រ ការផ្ទេរប្រាក់ ការប្តូរប្រាក់ សេវាថែរក្សា និងគ្រប់គ្រងប័ណ្ណបំណុលសាជីវកម្ម សេវាធានាទិញមូលបត្រហិរញ្ញវត្ថុនាពេលអនាគត និងសេវា Investment Trust Sales។

SMBC ប្តេជ្ញាធ្វើការឆ្ពោះទៅគោលដៅរបស់ខ្លួន គឺ “ពន្លឿនយុទ្ធសាស្ត្រផ្តោតលើអាស៊ី”។ SMBC បានវិនិយោគធនធានរបស់ខ្លួនយ៉ាងសកម្មក្នុងប្រទេសជាច្រើននៅតំបន់អាស៊ី ដែលមានសក្តានុពលរីកចម្រើនខ្លាំង។ ដើម្បីផ្តល់ជូនអតិថិជនរបស់ធនាគារ អេស៊ីលីដា ឱ្យទទួលបាននូវសេវាកម្មហិរញ្ញវត្ថុសមាហរ័ណកម្មបានល្អប្រសើរ SMBC បានផ្តល់អ្នកជំនាញជាន់ខ្ពស់មកបម្រើការជាទីប្រឹក្សានៅក្នុងផ្នែកសាជីវកម្មអន្តរជាតិរបស់ធនាគារ អេស៊ីលីដា ចាប់តាំងពីឆ្នាំ២០១៣ ។

ក្រុមហ៊ុនមេរបស់ SMBC គឺ Sumitomo Mitsui Financial Group, Inc. (SMFG) បានចុះបញ្ជីនៅផ្សារភាគហ៊ុនតូក្យូ Nagoya និង New York Exchange។ សម្រាប់ព័ត៌មានបន្ថែមអំពី SMBC សូមទស្សនាគេហទំព័រ៖ www.smfg.co.jp/english ។