navigate_nextព័ត៌មានអំពីធនាគារnavigate_nextហេតុការណ៍ និងតួលេខnavigate_nextភាគហ៊ុនិកnavigate_nextTriodos
ភាគហ៊ុនិក
Triodos Fair Share Fund & Triodos Microfinance Fund
Triodos Microfinance Fund និង Triodos Fair Share Fund គឺជាមូលនិធិវិនិយោគពីរ ដែលគ្រប់គ្រងដោយ Triodos Investment Management។ Triodos Investment Management គឺជាបុត្រសម្ព័ន្ធពេញលេញ និងកាន់កាប់ភាគហ៊ុនចំនួន១០០% ដោយធនាគារ Triodos ដែលជាធនាគារមួយ មាននិរន្តរភាពឈានមុខគេនៅលើពិភពលោក។ មូលនិធិនេះ ផ្តោតការយកចិត្តទុកដាក់ទៅលើការផ្តល់សេវាហិរញ្ញវត្ថុជូនប្រជាជន និងសហគ្រាសខ្នាតតូច និងមធ្យម ដែលមានចំណូលទាបនៅក្នុងប្រទេសកំពុងអភិវឌ្ឍ ដើម្បីរួមចំណែកក្នុង បរិយាប័ន្នហិរញ្ញវត្ថុប្រកបដោយនិរន្តរភាព។
Triodos Microfinance Fund (TMF) បានបង្កើតឡើងនៅក្នុងឆ្នាំ២០០៩ និងជាមូលនិធិបើក-បិទ ដោយមានថ្នាក់ភាគហ៊ុន សម្រាប់វិនិយោគិននីតិបុគ្គល អ្នកមានទ្រព្យសម្បត្តិច្រើន និងអតិថិជនធនាគារឯកជនទូទាំងទ្វីបអឺរ៉ុប។ សកម្មភាពចម្បងរបស់មូលនិធិនេះផ្តោតលើស្ថាប័នមីក្រូហិរញ្ញវត្ថុ និងធនាគារ សហគ្រាសធុនតូច និងមធ្យម ដែលបានបង្កើតឡើងដោយមានឯកសារបញ្ជាក់ត្រឹមត្រូវ។
Triodos Fair Share Fund (TFSF) បានបង្កើតឡើងនាឆ្នាំ២០០២ ក្នុងប្រទេសហូឡង់ គឺជាមូលនិធិដំបូងគេបង្អស់ និងដ៏កម្រនៅក្នុងពិភពលោក ដែលផ្តល់ឱកាសវិនិយោគក្នុងស្ថាប័នធនាគារធុនតូច និងមធ្យមដល់សាធារណជនទូទៅ។