លោក Kyosuke Hattori, អភិបាល

គណៈកម្មាធិការក្រុមប្រឹក្សាភិបាល ៖ គណៈកម្មាធិការគ្រប់គ្រងហានិភ័យ និងព័ត៌មានវិទ្យា

ជនជាតិជប៉ុន កើតក្នុងឆ្នាំ១៩៧៥ លោក Kyosuke Hattori បានចូលរួមក្នុងក្រុមប្រឹក្សាភិបាល នៅខែវិច្ឆិកា ឆ្នាំ២០២១។ លោកបានចាប់ផ្តើមការងារជាមួយធនាគារ Sumitomo (បច្ចុប្បន្នជា Sumitomo Mitsui Banking Corporation (SMBC)) ក្រោយបញ្ចប់ការសិក្សាពីសាកលវិទ្យាល័យ Sophia ។ នៅខែមេសា ឆ្នាំ២០០១ លោក Hattori ត្រូវបានតែងតាំងជា Assistant Vice President ការិយាល័យធុរកិច្ចសាជីវកម្ម Shin-Yokohama នៅ SMBC ។ នៅខែតុលា ឆ្នាំ២០០២ លោក Hattori ត្រូវបានតែងតាំងជា Assistant Vice President ការិយាល័យសេវាកម្មហិរញ្ញវត្ថុសាជីវកម្ម នៅរាជធានីតូក្យូ ។ នៅខែធ្នូ ឆ្នាំ២០០៣ លោកត្រូវបានផ្ទេរទៅបម្រើការងារនៅសាខាសិង្ហបុរី ។ នៅខែកក្កដា ឆ្នាំ២០០៥ លោកត្រូវបានដំឡើងតំំណែងជា Vice President នៃសាខាសិង្ហបុរី ។ នៅខែកក្កដា ឆ្នាំ២០០៩ លោកត្រូវបានតែងតាំងជា Vice President នៃការិយាល័យទំនាក់ទំនងសាធារណៈនៅរាជធានីតូក្យូ ។ នៅខែតុលា ឆ្នាំ២០១២ លោកត្រូវបានដំឡើងតំណែងជា Senior Vice President នៃការិយាល័យផែនការសាជីវកម្ម នៅរាជធានីតូក្យូ ។ លោកត្រូវបានផ្លាស់ប្តូរកន្លែងបម្រើការងារនៅ នាយកដ្ឋានធុរកិច្ចទីផ្សារកំពុងរីកលូតលាស់ និងការិយាល័យផែនការ ផ្នែកធនាគារអន្តរជាតិ នៅខែមេសា ឆ្នាំ២០១៤ និង២០១៦ ជាបន្តបន្ទាប់។ នៅខែមេសា ឆ្នាំ២០១៧ លោកត្រូវបានដំឡើងតំណែងជា Senior Vice President and Group Head នៃការិយាល័យផែនការ ផ្នែកធនាគារអន្តរជាតិ ។ នៅខែមេសា ឆ្នាំ២០២០ លោកត្រូវបានផ្លាស់ប្តូរកន្លែងទៅបម្រើការងារនៅការិយាល័យអភិវឌ្ឍធុរកិច្ច នៅរាជធានីតូក្ យូ។ បន្ទាប់មក លោកត្រូវបានផ្លាស់ប្តូរការងារទៅប្រទេសសិង្ហបុរី នៅខែមិថុនា ឆ្នាំ២០២១ ក្នុងតួនាទីជាសហប្រធានគ្រប់គ្រងទូទៅការិយាល័យផែនការ នាយកដ្ឋានអាស៊ីប៉ាស៊ីហ្វិក បច្ចុប្បន្ន លោកមានតួនាទីជាសហប្រធានគ្រប់គ្រងទូទៅនៅការិយាល័យធុរកិច្ចអាស៊ី នាយកដ្ឋានអាស៊ីប៉ាស៊ីហ្វិក ។ លោកបានបញ្ចប់ការសិក្សាថ្នាក់បរិញ្ញាបត្រ ឯកទេសច្បាប់ នៅខែមីនា ឆ្នាំ១៩៩៨ ។